Matiu TÂ BÎLA NANI
TÂ BÎLA NANI
Sturi yamni twatwilkra kumi bani ba, witin nani dîa tânka bri ba kat ulban, diara kum dukiara. Pas Dawan dahra ulban wauhkataya ra, Jisas ba Misaya swaki sasakra baku marikisa, witin bâk Gâd ai pramiska upla nani ra daukan kan ba, Testament Almuk ra aiska daukan.
Aisanka na asla wapni ban aisi wan sa, tâura lika kiamka nani bara Jisas aisubanka dukiara aisisa, baha wina 30 mani nani yan luan, Jan Tatahbra Jisas kainara aisi kan ba kat (1.1—3.12). Jisas upla nani tilara ai warkka tâ krikan ba, witin ra tahbi daukan ba wina, baku sin ai traika kaikan ba wina (3.13—4.11).
Baha sut ningkara wauhkataya ba, kasak pain pali aisisa Jisas Galili ra ai warkka daukan ba; bahara upla nani ra smalkisa, diara nani marikisa bara siknis nani rakisa (4.12—18.35), baha wina Jerusalem ra lâs impakanka daukan ba kat (sapta 19,20).
Lâs wik ra dîa nani takan ba, dus prihni ra saban, bara raiti wina buan ba, pat pat ai disaipilka nani ra taki kan ba, baha tânka ba (sapta 21—28 ra) ulban sa. Naha wauhkataya ulbanka na prakisa, Jisas bui ai disaipilka nani ra tasba aiska ra smalkaia bliki ba tânka nani wal.
Naha dahra kwahkan bîla ra, Jisas ba marikisa smasmalkra kau tara pali, karnika aiska brisa Gâd lâka nani ba tânka tihuka turbi kaikaia, bara ai kingka lâka dukiara smalkaia.
Lâs tani kat naha smalkanka lalka tara matsip brisa:
(1) Il purara uli smalkan ba; bahara smalkan kan upla daukanka, dîa daukaia ba, sip kaia lâka ba, bara Gâd kingka lâka alkaia uplika nani impakanka ba (sapta 5—7).
(2) Disaipil nani 12 ra lâ smalki blikan ba, Dawan bîla smalkaia dukiara (sapta 10).
(3) Kasbrika pura kingka lâka maprika sturka (sapta 13).
(4) Disaipil kum kristian kaia ba tânka dîa, baha smalkanka (sapta 18).
(5) Naha piua nani yawan iwi na danh takbia bara Gâd king aimaki lâka ba balbia (sapta 24,25).
Currently Selected:
Matiu TÂ BÎLA NANI: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua