2 Macabeo 13
13
Menelao pruanka ba
(1 Mac 6.28-30)
1Kraist balaia kainara mani 163 ra, Judas walan Antíoco Eupátor ba Judia ra aiklaklabra kwâra tara nani brih dimi aula, 2bara witinka nani aikuki Lisias king main kaikaia kuntri wihtka tara kan ba sin aula kan,#13.2 Lisias, king main kakaira bara gabamint ai mihta ra bri kan ba: Cf. 1 Mac 3.32-33; 6.17; 2 Mac 11.1. Grik war daknika 110,000 ai mina ra wapi aiklabi aikuki, baku sin 5,300 ba lika aras pura wina aiklabi nani kata, daiwan elepant nani 22 bara war trukka nani 300 brih aula kan wilwaika skiru nani bri kata.
3Witin nani ai tilara Menelao ba sin prawan,#13.3 Menelao: 2 Mac 4.23-50. naha bui sika Antíoco ra uba kupia tuski kan ba, ban kra witin ai kuntrika nani swaki sakaia lukras kata, sakuna ai warkka wina sâkbia apia lukanka bri kata. 4Sakuna, Gâd king nani sut kingka ba bui yaban Antíoco ba Menelao mapara buan kata upla âikra ba, Lisias bui king ra param aisi win, naha pâtka tara nani sut taki aula ba Menelao trabilka brisa. Baha wali king bui Menelao ra Berea tawanka ra alki brih wan,#13.4 Berea: Alepo tawanka nina Grik bîla ra, Siria ra. bara baha pliska ra ai natka bri ba tânka kat ikbia adarka yaban kata. 5Berea ra sika aihwaki kaikaia pliska tara kum bâra kan, purara pali, 22 mita bri kan pura tani ra, yamhpus baman banhki kan, wilwaika tara kum bri kan, bara driwi kan yamhpus nani ba tani ra. 6Upla kum holi dukia implikan bara upla kum kau saurka tara wala daukisa kaka sin, baha pura wina tukbi bataki iki kata. 7Naku sika ban raiti ra bikras, Menelao saurakira pali kan ba pruan ba. 8Naku sika witin briaia kan ba, kan witin bui tempel bilara dimi diara manis implikan baha pliska ra, pauta klauhan bara yamhpus bâra kan ba holi pali kan, bara witin yamhpuska tila ba kat ai pruanka brin kata.
Antíoco Eupátor wal kupia kumi takan ba
(1 Mac 6.31-63)
9King Antíoco ba lukan kau saura nani brih aula kan, ai aisika wina kau purkara, Ju nani mapara. 10Naha walan taim, Judas ba tawan uplika sut ra makaban tihmia bara kakna Dawan ra ai pura sunbia dukiara; baku makabi kan, aima kum kli ai tâ baiki banhbia, kan baku apia sa kaka, ai lâka nani, ai kuntrika bara sin ai tempelka sut ba lus tiwi kan. 11Baku sin witin nani ra adar yaban Dawan ra makabia tawan uplika nani naha piua kat minit kum ris briaia ridi taki kan ba, baha pâtka saura gâd bahki ra luki uplika nani brih aula ba wina pri sâkbia. 12Upla sut asla taki banhwan dîa adarka lakan ba daukan, yu yumhpa ai pura suni banhwan, ini baku sin plun piras aihwaki ai pura nani suni kan, witin nani tasba kat ai mawan nani ba bawi bara makabi kata. Bamna Judas bui wirâ kupia lilia dauki banhwan, bara paiwan aikuki asla takaia dukiara.
13Sakuna mitin tara kum tawan almukka nani aikuki alkan yukuwan ra, bara aisanka kum ra takaskan, Dawan karnika wal asla taki tâura waia, bara trabil aula ba pura luaia, baku dauki king war daknika ba tawan ba ra yaka bal dimi bara Jerusalem tawanka ba dakbi bribia sîa. 14Dawan tasba aiska paskan Gâdka kasak lukanka lâka nani brin, witin nani aiklabia ba sut pura lui win takbia, baku ai aiklaklabrika nani ra kupia lilia daukan, war tara aula ba mapara aiklabaia kupia karna wal prubia ba kat, ai lâka nani ba dukiara, ai tempelka kaina sunaia, ai tawanka sut dukiara, ai kuntrika bara ai natka nani bri ba ban bri kaia; bara Modín tawanka lamara bal ai kiampka nani bapan.
15Ai warka sainka nani ba yaban kan “Gâd bui Pura Luanka.’’ Judas bui tihmia iwan taim king suldiarka nani ra aiklaban, wahma kau pain nani ba asla dauki brih, baha piua ra 2,000 aiklaklabra nani ra ikan, baku sin ai uplika nani mita daiwan elepant kau tara bri kan ba sin ikan kata, ai tâ bri waitnika ra sin. 16Tawan ba bilara sibrin tara nani dingkan upla sut tanis baman tauki kan, ningkara witin nani kli ai ninara taki balan kata. 17Ingwan taim dîa sut daukaia ba pat daukan kata, tingki Dawan Judas ra tâ baikan ba dukiara.
18King ba Ju nani smatka nani kaikan nahki war aiklabi ba, bara nanara trai munan ai kan kahbaika pliska nani sut ba kriki tikaia. 19Bara Bet-sur tawanka ra dimi wan, Ju nani karnika kau tara kan ba, bahara wan sakuna sip yaban dimras kan, bara lus tiwan kata. 20Judas bui plun nani blikan wan ai aiklaklabrika nani bâra kan nani ra; 21sakuna ai tila wina Ju aiklaklabra kum nina Ródoco mâki kan ba bui waihla nani ra sturi laki kan dîa taki nani ba. Baha nu takan taim, alkan bara ikan kata. 22Aima wala kli king ba Bet-sur uplika nani kira aisi kaikanka brin, pana pana kulkanka briaia lâka bapan, baha wina king ba taki wan, sakuna kli Judas mapara dimi aiklaban kuna pura luras munan bara lus tiwi mahka tawi balan. 23Naku king mapara taki kan piua ra, sturi walan Filipo king bui kuntri tara wihtka baku swin kan ba#13.23 1 Mac 6.14-15,55-56. Antioquía ra, nanara king mapara tawi aiklabisa. King baha walan taim sirang iwan, bara Ju nani ra paiwan balan, aikuki kupia kumi lâka daukan, pramis taki makaban dîa sut yamni ba kulkanka yabaia; naku wal aisi ai pânika takan ningkara, sakripais kum daukan, tempel ra mayunra yaban, Gâd takaski pliska ba kulkanka yaban. 24Macabeo ra yamni brin, Hegemónidas ra Tolemaida wina Gerra kat aiklaklabra nani lalka mangkan kata. 25Ningkara Tolemaida ra impaki wan, sakuna baha tawanka uplika nani sut baha aisi kaikanka nani daukan ba, ai kupia lâka apia kan ba mita, lâka ba krikaia lukata. 26Baha wina Lisias ba upla sut mawanra taki baha aisi kaikan ba karnika tara yaban, bara baku sut ra kupia alkan, warbanka nani kan ba lamni daukan, baha wina Antioquía ra kli tawi balan.#13.26 1 Mac 6.63. King aiklabanka ba naku danh takan, bara mahka kli tawi wan kata.
Currently Selected:
2 Macabeo 13: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua