1 Korint 12
12
Spirit prisantka nani ba
1Muihki nani, yang want sna Spirit prisantka, upla bani ra sins tânka yabi ba baha nani kakaira kama.
2Man nani pain kaikisma kau idan katma ba ra, aidul bîlas nani mita raski mai brih wi kata. 3Baha mita, nanara want sna kaiki kama, ani uplika naku wibia kaka: “¡Jisas ba lahtuban kabia!”, witin ba Gâd Spiritka karnika mita aisaras sa. Bara upla kumi sin sip wiras: “¡Jisas ba Dawan!”, witin ba Spirit Holikira karnika mita aisisa kaka lika.
4Upla kum sip sa prisantka sât sât ba briaia, ban sakuna sut yabi ba lika sim Spiritka. 5Napakan warkka daukaia ba sât sât bâra sa, sakuna Dawanka kumi dukia sika yawan dauki ba. 6Diara nani karnika sât sât bâra sa, sakuna sim Gâdka mita sika baha dauki ba upla sut ra. 7Gâd mita upla bani ra Spirit yawan ra iwi ba tânka kum marikisa, upla sut painka dukiara. 8Spirit ba bâk, witin bui upla tila nani ra sins tara brih aisaia sinska yabisa, bara wala nani ra lika, baha sim Spiritka bâk diara tihu tânka kaiki aisaia sinska yabisa. 9Wala nani baha sim Spiritka mita, kasak lukan lâka brisa; bara wala nani ra lika, sikniskira nani rakaia karnika yabisa. 10Tila nani sain tara nani daukaia sinska yabisa, bara wala nani ra lika, Gâd wina sturi nani brih aisaia sinska. Wala nani ra Gâd mita sins yabisa, pirit kuninkira nani ba ani sapa bara Spirit kasakkira ba sin ani sapa kaikaia; wala nani bîla sât sât aisaia sinska brisa; bara kau pali wala nani ra lika, baha bîla nani ra dîa aisin ba tânka param aisaia sinska yabisa. 11Sakuna naha dukia sut lika ai karnika wal daukisa, sim Spiritka kumi baman ba mita; witin mita sika upla bani ra sinska sât sât yabi ba, nahki witin want ba kat.#Ro 12.6-8.
Yawan sut na, wîna tara kumi atia sa
12Kan Kraist ba lika wîna tara kum baku sa, bara baha ba wîna sirpika ailal brisa; baha wîna sirpika nani ba ailal sa sakuna, wîna tara kumi daukisa.#Ro 12.4-5; Epe 4.14-16. 13Baku ba mita yawan sut na, Ju nani kabia, apia kaka Grik nani kabia kra, alba nani, alba apia nani, tahbi wan daukan ba ra, asla wîna tara kumi paskan sa, Spirit kumi baman bâk; bara sut ra sin Spiritka kumi bâk wankan din sa.
14Wîna tara kum ba wîna sirpika kumi ni baman paskras sa, sakuna wîna sirpika ailal ni. 15Mina ba wibia kaka: “Yang na mihta apia, bara mihta bila wibia, yang lika wîna tara pîska apia sna”, baha dukiara lika sip apia sa wîna tara dukia kaia apia. 16Kiama ba wibia kaka: “Yang na nakra apia, bara baha mita wîna tara pîska apia sna”, baha mita sip apia sa wîna tara dukia kaia apia. 17Wîna tara aiska ba nakra baman kaka, ¿yawan nahki walaia sip kabia? Wîna tara aiska ba kiama baman kaka, ¿yawan nahki diara kîa briaia sip kabia? 18Sakuna Gâd mita wîna tara sirpika bani ba ani pliska witin want kan ba kat mangkan sa. 19Baha sut ba wîna sirpika kumi baman kaka, ¿wîna tara ba anira kabia? 20Bamna latan sa wîna sirpika ailal bâra sa sakuna, wîna tara kumi baman sa.
21Wan nakra ba sip wan mihta ra wiras sa; “Wantkam apia sna”; wan lal ba wan mina nani ra sip wiras: “Yang lika man nani wantkam apia.” 22Sakuna, wan wîna tara ra sirpika nani kau swapni baku nani ba, baha nani sika yawan kau want pali ba; 23bara wan wîna tara sirpika nani yawan kau bahki kulki ba, baha nani sika kau pain pali skahki ba. Bara pain apia baku kulki wîna sirpika nani ba sika, yawan kau prana yabi ba, 24baha prana ba wan wîna tara sirpika kau painkira nani ba want apia sa. Gâd ba wan wîna tara ra baku asla prakan, ani wîna sirpika nani yawan kau bahki kulki ba, prana bribia dukiara, 25bara baku wan wîna tara ra dakwi takan lâka âpu kabia; sakuna wîna sirpika bani ba sirpika wala nani dukiara trabil taki luki kabia. 26Wan wîna tara sirpika kum pât wahwisa kaka, wîna sirpika wala nani ba sut sin wahwisa; bara wîna sirpika kum ra prana yabuya kaka, sirpika wala nani ba sut aikuki lilia takisa.
27Baku bamna, man nani sut lika Kraist wîna tara nani sma, bara kumi bani baha wîna sirpika kum sma. 28Baku bamna, serts ra Gâd ba upla tila nani ai pliska kat mangkan sa: tâura pali, apastil nani, baha ningkara, Gâd prapitka nani; ningkara, smasmalkra nani;#Epe 4.11. ningkara, sain tara nani dauki banhwi ba; ningkara, sikniskira nani raki nani ba, upla ra hilp muni banhwi ba, tâ bri uplika nani bara bîla sât sât aisaia sinska bri banhwi ba. 29¿Sut ba apastil sa ki? ¿Sut ba Gâd prapitka sa? ¿Sut ba smasmalkra sa? ¿Sut sain tara nani daukaia karnika brisa ki? 30¿Sut sikniskira nani rakaia karnika brisa ki? ¿Sut bîla sât sât aisisa ki? ¿Sut sip sa ki bîla sât sât ra aisi nani ba tânka param sakaia? Apia pali. 31Baku bamna, trai kaiki bas kau sins pain nani ba Gâd wina briaia.
Latwan lâka ba
Sakuna yang mita kau yabal pain kum mamrikamni.
Currently Selected:
1 Korint 12: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
