1 Korint 11
11
1Baku bamna, yang daukisna ba baku dauki bas,#2 Ko 4.16; Pil 3.17. yang mita Kraist dîa daukan ba kat daukisna ba baku.
Mairin nani prias ra
2Muihki nani, man nani ra mamyunisni, piu bani yang ra kupiam krauki banhwisma ba mita, bara smalkanka nani maikatna ba kat alki banhwisma.#2 Tes 2.15. 3Sakuna yang want sna naha tânka na brima: upla bani lal ba lika Kraist, mairin lal ba ai maya waitna, bara Kraist lal ba Gâd sika. 4Waitna kum ai pura suni mayunra dauki ba ra, apia kaka Gâd bîla dahra aisi smalki ba ra, ai lal ba srukisa kaka, witin mita Kraist ra swira daukisa. 5Sakuna mairin kum ai pura suni ba ra, apia kaka Gâd bîla dahra aisi smalki ba ra ai lal ba srukras kaka, witin ai maya waitna swira daukisa; baha ba lika ai tâwa irban kan baku sa. 6Mairin ba ai lal srukras kaka, kau aitani sa ai tâwa ba sut klakbia. Sakuna mairin kum ai tâwa klakaia, apia kaka ai tâwa irbaia ba witin mapara swira dukia sa kaka, witin ai lal srukaia sa. 7Waitna ba lika ai lal srukaia apia sa, kan witin ba lika Gâd lilka pali sa bara prana ba sin.#Bla St 1.26-27. Sakuna mairin ba lika waitna prana sa; 8kan Gâd mita waitna ba paskan ba ra, mairin wina paskras kata, sakuna mairin ba waitna wina paskan. 9Mairin ba waitna tâwan paskan kata, bara waitna ba mairin tâwan lika apia.#Bla St 2.18-23. 10Naha pali dukiara sika, mairin ba insal nani tâwan, ai lal purara ai maya karnika sainka kum bri kaia sa. 11Ban sakuna, wan kristian rayaka ra, waitna ba mairin âpu sip iwras sa, bara mairin ba sin waitna âpu sip iwras. 12Kan mairin ba waitna wina paskan ba baku, baha sim natka ra waitna ba mairin wina aisubi takisa; bara diara sut ba lika Gâd wina sika.
13Man nani pali naha tânka na luki kaiks: ¿mairin ba ai lal srukras Gâd ra ai pura sunaia ba aitani sa ki? 14Wan tânka pali ba mita wan smalkisa, waitna ba ai tâwa yari bri kaia ba lika swira dukia sa, 15sakuna mairin ba ai tâwa yari bri kaka, baha lika witin ai prana sa; kan mairin ra ai tâwa yari ba yan sa ai lal srukbia. 16Sakuna ani uplika naha tânka dukiara blahwaia want kaka, witin kaiki kaia sa, yang nani na bara Gâd sertska nani ba sin natka wala lika kaikras banhwisna.
Dawan pata tara ra watawi lâka nani ba
17Ban sakuna, naha smalkanka nani mai ulbisna na, yang bui man nani ra sip mamyunras sni; kan man nani asla aidrubankam daukisma ba saura mai munisa, pain mai munaia ba watlika ra. 18Tâ pali ra, yang sturkam walisni, man nani serts ra asla aidrubisma ba ra, tilamra tar baiwan lâka nani bâra sa; bara yang kasak lukisni naha na wiria kasak baku sa. 19¡Bamna, man nani ba aihka dakwi takaia sma, bara baku mika baha nani kasak kristian nani ba latan kaikan kabia! 20Man nani asla aikuki aidrubisma ba ra, Dawan pata pali ba lika piras sma. 21Kan man nani pisma ba ra, upla bani tâura wih ai pata mahka pîsa; bara kum kum pin dauki kan, wala nani lika bla sut takisa. 22¿Man nani wamtla nani âpu ki, bahara plun piaia bara diara diaia? Naku dauki banhwisma ba ra, Gâd sertska ba bahki kulkisma, bara diara âpu uplika nani ra swira daukisma. ¿Naha dukiara dîa mai wimna bîla kaiki banhwisma? ¿Man nani ra mamyunaia sna ki? ¡Naha dukiara lika yang sip mamyunras sni!
Dawan tibilka lâka ba
(Mt 26.26-29; Mk 14.22-25; Lk 22.14-20)
23Kan yang na Dawan pali wina, naha smalkanka man nani ra maikri na, brisatna: Dawan Jisas ba ai waihla mihta ra mangkan sim tihmika ra, brit ba ai mihta ra brin, 24bara Gâd ra tingki wih, kriki, wisata: “Naha sika yang wîni tara, man nani dukiamra yaban ba. Naha na yang ra luki dauki bas.” 25Baku sin, pata tara ba pin ningkara, kâp ba ai mihta ra brin, bara wisata: “Naha kapka sika lâ raya daukan sa, yang tâilia ni.#Imp St 24.8; Jir 31.31-34. Aima bani man nani disma ba ra, yang ra luki dauki bas.”#Imp St 24.6-8. 26Baku bamna, aima bani naha britka na pima bara naha kapka sin dima ba ra, Dawan pruanki ba param aisi banhwi bas, witin balbia ba kat.
Dawan pata tara ba nahki piaia
27Baku bamna, ani uplika baha britka ba pi, kapka ba wina di Dawan ra kulkras natka ra bribia kaka, witinka ba Dawan wîna tara mapara bara tâlia mapara sin pâtkira sa. 28Baku bamna, kumi bani brit ba piaia bara kâp ba wina diaia kainara, ai kupia dara walra ba laki kaikaia sa. 29Kan witin baha ba pi bara di ba ra, Dawan wîna tara tânka ba pain kaikras sa kaka, ai wîna ra pâtka dingkaia dukiara baha ba pîsa bara sin dîsa. 30Baha mita sika man nani tilamra ailal siknis bara swapan banhwisa, bara tila nani sin pat pruan sa. 31Sakuna yawan pali wan tânka nani ba aman kaikbia kaka, Dawan bui baku wan lâka daukaia apia kan. 32Sakuna Dawan wan lâka dauki ba ra, klala wankisa, tasba uplika nani aikuki pât ra wan dingkan kabia apia dukiara.#Kli S 8.5; Hib 12.5-11.
33Baku bamna, yang muihki nani, piaia asla taki banhwisma ba ra, pana pana walkam nani bîla kaiks aikuki piaia. 34Bara ani uplika plun pin daukisa kaka, baha ai watla ra piaia sa; bara baku mika man nani asla aidrubisma tânkam ba, Gâd mita klala maikbia apia. Diara wala nani ba lika, yang bui man nani ra mai kaikamna ba ra, wapnika mangkamna.
Currently Selected:
1 Korint 11: MSKTU
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
© 2010 Bible Society in Nicaragua