Luke 3
3
Jone Bapitaiso ko bazubazu
(Matiu 3:1-12; Maka 1:1-8; Jone 1:19-28)
1-2Ni vo Baṉara ko bazubazu ta ko kuevake Jone kasi, Zekaraia vo meqora lealea kama zaekale, so keru vo Taibiriasi Romu ala Matu Aikovakova ko toni sike ama sabere keru voko lekasa puo kale. So keru inio vo Ponitiasi Paelati ta Qavuna o evake Jiudia rana, Herodi#3:1-2 Ṉota kea Herodi Anitipasi dikisonare kale. ta Qalili ala lekasa, ni vovo visi Pilipi ta lekasa okai evake ko Ituria rana ni Tarakonaitisi rana. Ni so keru inio vo Laisaniasi ta lekasa o evake Abileni rana, ni Anasi ni Kaepasi ta Ṉisa Siama qo evake. 3So sole Jone ta o olake pado ama Jodani sukuru ko levoano ko evako peuru poso kale, ni okai bazubazutake ko eri, “Liliziomo meko sarueko poso kale azo ni bapitaiso emo, inio vo Baṉara ta ota mela akoekou meko sarueko poso,” kiolake. 4Jone Bapitaiso inio voa maba vo poropita Aisea o kaseveni vo eri va kioveni,
“Kala ta o velavelaova lealea kama zaekale matuma kora kale, ni eri kiola,
‘Va inainaekomo vo Baṉara ko keve, ni sare ikomo koa keve sai vo o taliovoa koi.
5Kiadama loloku ama zae poso ta ko sukatou,
kiadama sopu poso silo ama ni matuma ta sare ko elou,
Kaido ama keve poso ta sidopu ko elou,
ni runaruna kama keve poso ta laumade ko elou.
6Ni kiadama maba poso ta ke kelou vo Baṉara ko pakiezato!’” kikovema.
7Ni matuma padopadoilo ta ke kuevake Jone kasi tu bapitaiso kepa elo vokasi kikeveni. Nio vota eri ma kiolake se, “Meta dole jaria ruqea mela!#3:7 Meta dole jaria ruqea mela!: Jone ta soa kasemo o evake se Parese madu ni Sadiusi madu, melai pui sea kiadama maba madu se vokasi ke kuevini. Ṉota kea Matiu 3:7. Noi sole inio meta eri kimela, ‘Eṉeta bapitaiso ṉe elou inio eṉeta ṉeda ka lapasou koa koqotato vo Baṉara o soroeko ama,’ kimela? 8Meta erekomo ko quli ko kasa ko iko ama ko meta lula meda lilizia meko sarueko poso kale azo kikovo ama quli, saita inio me qilou ni bapitaiso me elou. Ni meta pui tanieko eri kio me navio kude, ‘Ebarahami nio eṉevo taite kio, ni so inio eṉeta ṉeda ka lapasou koko kilo ama koqotato,’ pui so kimevou. Aṉata a bazuemela me, vo Baṉara ta o roveo nio varieko vo Ebarahami ko vikuvikula komia lado kale sole! 9Vo Baṉara ta omadeuvo kala maba jari, vo lula o inainaivani tu o rakirakiekou ko ore poso. Kiadama ore poso ko pui uri ama epa sama vota o roekou ni o risaekou uza kale. Omadeuvo so jari nio o imou vo Baṉara se maba poso pui sidopu ke erekani,” kiolake.
10Ni sea padopadoilo ta ke kuimaevake vo ni eri kikelake, “Sole loma ikio ṉe erekou eṉe, tu kasa ṉe ikou eṉeko lilizio eṉeko sarueko kale azo?” kikelake. 11Nio vota o mati tiorikake se ni eri kiolake, “Voa maba omuqa pala topia sabosabo sala ta o kativo ka pala vo puliama sala, ni vo sailao sala ta okai puaro ko,” kiolake.
12Ni kake se takisi ke koani ta ke kuevake tu ke bapitaiso puilo kikelake, nio seta ke kuimaevake vo ni eri kikelake, “Tanala, loma ikio ṉe erekou eṉe, tu kasa ṉe ikou eṉeko lilizio eṉeko sarueko kale azo?” kikelake.
13Nio vota o mati tiorikake se ni eri ma kiolake, “Meta pui me mati raurarauraekou tama kovo ko takisi ko podepodeti,” ma kiolake.
14Ni kama pazokinio ko maba poso ta mata ke kuimaevake vo ni eri kikelake, “Noi nio eṉe? Loma ikio eṉe ṉe erekou, tu kasa ṉe ikou eṉeko lilizio eṉeko sarueko kale azo?” kikelake.
Nio vota eri ma kiolake se, “Meta pui kovo ko takula zuruzuruto kale ni lipalipaevo kale kala. Melai meta noqoimo meko tabara kale!” ma kiolake.
15Nio se maba poso ta ke mamurake ni seta kevai kuirikake seko kerukeru kale ta Jone inio esa vo Karisito, vo Baṉara o mela inainaeveni Pakio, kikelake. 16So sole Jone ta eri kiolake sea kiadamu kasi, “Aṉata bapitaiso a imela me jukale tu ko mamola pueko meko lilizio meko sarueko kale azo, melai kala aṉa azo raura kala ta obeta kueva. Aṉata pui a male tu vovo mabaku va elo tu ava rupasiko voko buti ko raitoraito. Vo inio bapitaiso o imelou me Tabu ala Auvana ni uza kale. 17Ako vo inio o titizimou kiadama maba poso, omadeuvo vo iruruputo ko maba jari, vo o pitasikani ko vuiti ko uri ama epa ni o padoekani ko voko modo sapera topi, melai koko turu ta ota ka siqaekani lalamato pidea bainoma uza kale,” kiolake.
18Kubo keve kale Jone ta o nokaemake se maba poso voko kai bazubazuto kale ko Uri ama Bazu sekasi. 19Melai Jone ta o riqaevake vo Lekasa Herodi, ako vota o raekake ko Herodiasi, vovo kaka ko reko, ni vota o erekake mata kama ruqe poso sole. 20So sole vo Herodi ta o kati paqulikake mata kama pado ruqe voko matu ruqe ama iruruputo kasi; vota o soroemake voko solodia madu ni ke vaevake vo Jone pirito pade kale.
Jone ko bapitaiso puevo vo Jisu
(Matiu 3:13-17; Maka 1:9-11)
21Omadeu taku puliako se vaevo vo Jone pirito pade kale inio vota obeta olake bapitaiso puemo se maba poso. Ni sea kiadama maba poso ko bapitaiso puilo ko tova inio Jisu ta mata bapitaiso o evake. Nio so keru vo obeta vararaita keru inio ko au ta kota veukaziake, 22ni vo Tabu ala Auvana ta o saqorake vo tona, ni voa Auvana ko velo ta ova kurou jari ala. Ni vota o viqake ko kora aukale azo ama ko eri kikolako, “Ṉota a ṉavivo meqora ṉa, a matu roqueṉani ṉa. Ṉo inio aṉa aṉa matu zoleivani ṉa,” kikolako.
Jisu ko koilokoilo
(Matiu 1:1-17)
23Ni Jisu o tanieke keru voko iruruputo ta vota esa zouke toni sabere ala keru inio. Jisu ta Josepa vo meqora inio, kikelake se maba poso.
Josepa ta Heli vo meqora,#3:23-38 meqora: Komia vesi poso kale ta ‘meqora’ ta ko rovea kasevo meqora, melai kama taku ta esa mabuzu, ma vikuvikula kale ala.
24Heli ta Matati vo meqora,
Matati ta Livai vo meqora,
Livai ta Meleki vo meqora,
Meleki ta Janai vo meqora,
Janai ta Josepa vo meqora,
25Josepa ta Matatiasi vo meqora,
Matatiasi ta Emosi vo meqora,
Emosi ta Nahumi vo meqora,
Nahumi ta Eseli vo meqora,
Eseli ta Naqai vo meqora,
26Naqai ta Mati vo meqora,
Mati ta Matatiasi vo meqora,
Matatiasi ta Semeini vo meqora,
Semeini ta Joseka vo meqora,
Joseka ta Joda vo meqora,
27Joda ta Joanani vo meqora,
Joanani ta Resa vo meqora,
Resa ta Zerubabeli vo meqora,
Zerubabeli ta Sealtieli vo meqora,
Sealtieli ta Neri vo meqora,
28Neri ta Meleki vo meqora,
Meleki ta Adi vo meqora,
Adi ta Kosamu vo meqora,
Kosamu ta Elomadamu vo meqora,
Elomadamu ta Eri vo meqora,
29Eri ta Josua vo meqora,
Josua ta Elieza vo meqora,
Elieza ta Jorimi vo meqora,
Jorimi ta Matati vo meqora,
Matati ta Livai vo meqora,
30Livai ta Simeoni vo meqora,
Simeoni ta Jiuda vo meqora,
Jiuda ta Josepa vo meqora,
Josepa ta Jonami vo meqora,
Jonami ta Elaiakimi vo meqora,
31Elaiakimi ta Melea vo meqora,
Melea ta Mena vo meqora,
Mena ta Matata vo meqora,
Matata ta Netani vo meqora,
Netani ta Devita vo meqora,
32Devita ta Jese vo meqora,
Jese ta Opeti vo meqora,
Opeti ta Boazi vo meqora,
Boazi ta Salamoni vo meqora,
Salamoni ta Nasoni vo meqora,
33Nasoni ta Aminadabi vo meqora,
Aminadabi ta Adimini vo meqora,
Adimini ta Arani vo meqora,
Arani ta Hezironi vo meqora,
Hezironi ta Perezi vo meqora,
Perezi ta Jiuda vo meqora,
34Jiuda ta Jekopi vo meqora,
Jekopi ta Aisake vo meqora,
Aisake ta Ebarahami vo meqora,
Ebarahami ta Tera vo meqora,
Tera ta Neho vo meqora,
35Neho ta Seruqu vo meqora,
Seruqu ta Reu vo meqora,
Reu ta Peleqi vo meqora,
Peleqi ta Eba vo meqora,
Eba ta Sela vo meqora,
36Sela ta Kenani vo meqora,
Kenani ta Apakasadi vo meqora,
Apakasadi ta Semi vo meqora,
Semi ta Noa vo meqora,
Noa ta Lemeki vo meqora,
37Lemeki ta Metiusela vo meqora,
Metiusela ta Inoke vo meqora,
Inoke ta Jaredi vo meqora,
Jaredi ta Mahalalieli vo meqora,
Mahalalieli ta Kenani vo meqora,
38Kenani ta Inosi vo meqora,
Inosi ta Seti vo meqora,
Seti ta Adami vo meqora,
Adami ta Baṉara vo meqora.
Currently Selected:
Luke 3: BLBNT
Highlight
Share
Copy
Want to have your highlights saved across all your devices? Sign up or sign in
The New Testament in the Bilua language, Solomon Islands © The Bible Society of the South Pacific, 1995.
