LUKA Mafala akutoma nawo
Mafala akutoma nawo
Mphangwa Zadidi za Yesu Khristu zakulembwa na Luka zikuonesa Yesu kuti ndi Khristu, Nyankhombo wakusankhulwa na Mulungu kukhala Mfumu wa Israele, pontho wa anthu onsene konsene kwene. Bukhuyi ikulonga kuti Yesu adachemerwa na Mzimu wa Mbuya “kalalika Mphangwa Zadidi kuna anthu akutcherenga.” Mphangwa zadidizi zikuonesa kuti Mulungu ambatsalakana anthu na pyakusowa pyawo pyonsene pya mtundu na mtundu. Mafala akulonga pya kusekera akuoneka pontho m'bukhu ya Lukayi, maka-maka m'ndima zakutoma, zile zikulonga pya kudza kwa Yesu, pontho na mafala akumalisa nawo ndzidzi udakwatwa Yesu kwenda kudzulu. Mbiri ya kukula na kufalikira kwa chikhulupiro cha chikhristu pidamala kwatwa Yesu kwenda kudzulu pikulongwa na nyakulemba onthoyi m'bukhu ya Mabasa a Anyakutumwa.
Makhundu achiwiri pontho achitanthatu (yang'anani pya m'bwalo m'tchindemu) adzala na pinthu pizinji pile pinakwanisa kugumanwa m'bukhuyi basi ninga; pithankano pya nyimbo ya angelo na amakabuswa pidadza iwo dzaona Yesu mosiku udabalwa iye, Yesu m'Nyumba ya Mulungu mbali mphale, msangani wa munthu wadidi wa ku Samaria, na wa mwana wakwenda na matsanga. Kutomera nkhomo na nkhomo bukhuyi yadimbirira pikulu pa kupemphera, Mzimu Wakuchena, chiphedzo cha akazi kuna basa ya Yesu, pontho kuti Mulungu ambalekerera pyakudawa pya anthu.
Pya m'bwalomu
Mafala akutoma nawo 1.1-4
Kubalwa na uwana wa Yohani Nyakubatiza pontho na wa Yesu 1.5—2.52
Basa ya Yohani Nyakubatiza 3.1-20
Kubatizwa na kuyeswa kwa Yesu 3.21—4.13
Basa ya pakwecha ya Mbuya Yesu m'nthemba ya Galilea 4.14—9.50
Kubulukira ku Galilea kwenda ku Yerusalemu 9.51—19.27
Dimingu yakumalisa mu Yerusalemu na m'nthemba zakuzungulira 19.28—23.56
Kulamuka kuimfa, kuonekera kuna anthu, na kukwatwa kwenda kudzulu kwa Mbuya 24.1-53
Currently Selected:
LUKA Mafala akutoma nawo: SenaMw
Highlight
Share
Copy
Want to have your highlights saved across all your devices? Sign up or sign in
© Bible Society of Malawi