Matayo 8

Yesuni ’ba olu beri atizu

1 # Mar 1:40-44; Luk 5:12-14 Erini esiria oni driarisi ’bo, ’ba ongulumuru kakau nga eri ma vuti bi. 2Te mi ndre, ’ba ofu beri nga eca eri vu eri inzizu, nga ’yo kini, Opi, mi ka le ra, mi eco ma rua ’bazaru alaru. 3Eri nga i dri eju, nga ruani elo, kini, Ma le ra; mi rua ma ovu di alaru. Coti ofu erini ati ra. 4#Lev 13:49; 14:1-32; Mat 9:30; Mar 7:36; Luk 17:14Yesu nga ’yo eri tia, Mi ndre mi ’yo ’ba azini ma tia ku; te mi mvi, mi ece mi kuhani vu, mi ji afa feza Musani ndra azileri, ecetaru yi dri.

Yesuni ati’bo ’ba asikari turu alu ma driliarini atizu

5 # Luk 7:1-10 # Yoh 4:47 Erini firia kaperinaumua, ’ba asikari turu alu ma driliari nga eca eri vu, matu ’bazu eri vu 6kini, Opi, ati’bo mani la joa, aco azoni eri inza tu. 7Yesu nga ’yo eri tia, Ma nga mu eri rua ati. 8’Ba asikari turu alu ma driliari nga ’yo kini, Opi, ma sini ’ba mini fizu eri vile Joariru ku; nu mi’yo e’yo’i ati’bo mani ma ruani nga ati ra. 9Ma ’ba ovupi azita okpo beri ma palaari, asikari ma palaa indi; ma ka ’yo ’ba ’diri ma tia, Mi mu, eri mu ra aziniri ma tia, Mi emu, eri emu ra; azini ati’bo mani ma tia, Mi ’ye ’dini, eri ’ye ra. 10#Mat 15:28Yesu ka eri ra, eri nga osu tu, nga ’yo ’ba i vuti bipi ’diyi ma tia, Ma ’yo emi tia ndi, drio ma isuni a’ita amboru ’dopi ’donile ’ba aluni Israeli ma eseliari vu ku. 11#Luk 13:29; Isa 49:12; 59:19; Mal 1:11; Zab 107:3Ma ’yo emi tia kini ’ba kakau nga enga etuni efuria, azini etuni ’deria, yi nga ri va pari alua Iburahimu pi, Isaka pie, Yakobo pie, suru ’buaria, 12#Mat 22:13; 24:51; 25:30; Luk 13:28te anzi suruni nga ovu ’bezaru angu inicici amveria; ’dale awu pi nga ovu indi sikala nyaza be. 13#Mat 9:29; 15:28Yesu nga ’yo ’ba asikari turu alu ma driliari tia, Mi mvi; ekile mini a’ilerile, ma ’ye i mi vu ’dini. Ati’bo erini ma rua ati coti sawa ’dasi ra.

Yesuni Petera ma idri pi atizu ’ba ari, ’diyi be kakau

14 # Mar 1:29-34; Luk 4:38-41 # 1 Kor 9:5 Yesuni firia Petero vile joa, eri nga eri ma idrini ndre lazaru azoru rua driza be; 15eri nga eri ma dri elo, rua drizani nga eri ku ra, eri nga enga ra, azi ngazu eri dri. 16Ka eca ondresi yi nga ’ba kakau orindi onzi be ’diyi eji eri vu; eri nga orindi onzi odro e’yo ’yozasi, nga ’ba dria azo be ’diyi ati ra. 17#Isa 53:4’Dini e’yo ndra nabi Isayani ’yoleri ma eca ’yeke, kini, Eri ’du okpoako amani, eri azo amani i ruaa indi.

’Ba lepi te Yesu ma vuti bipi ’diyi

18 # Mar 4:35; Luk 8:22 Yesu ka ndre ’bo ongulumuru ace eri kuru, eri azi zozu muzu ’aa’dasi. 19#Luk 9:57-60’Ba waraga sipiri alu nga eca eri vu, nga ’yo eri tia, ’Ba ’ba imbapiri, ma nga mi vuti bi pari mini muzuria dria. 20#2 Kor 8:9Yesu nga ’yo eri tia, Obalako gule yini ci azini aria ’bua ’diyi jorovu rini ci; te Mvi ’bani dri pari erini dri ’bazuri yo. 21#1 Opi 19:20Ba eri ma vuti bipi ’diyi ma azi ’yo eri tia,Opi, mi ku ma mu ma atini sa oko raka. 22#Yoh 1:43; 5:25; Rum 6:13Te Yesu nga ’yo eri tia, Mi bi ma vuti,mi ku ’ba draza ma sa ’ba draza yiniri.

Yesu fe olirikoni ovuru ndi

23 # Mar 4:36-41; Luk 8:23-25 # Zab 4:8 Erini firia ogurua, ’ba erini imbale ’diyi nga vutini bi. 24Mi ndre, oliriko amboru nga eca mirini engazu ngolingoli, ’dini yi ombupi omburi nga i ada oguru alia; te eri’i, de eri o’du ko. 25Yi nga emu eri vu, nga eri enga ra, kini, Opi, mi pa ama, ama dri ja ’do! 26#Mat 14:31; 16:8Eri riga; ’yo yi tia, Emi ovu urisi a’disi ya, emi ’ba a’ita be were ’diyi? Eri nga di enga, nga ove oliriko pi ma dria miri be; angu nga ndri tili. 27’Ba nde ovu titi e’yo osuzu, kini, ’Ba ’diri ’ba ngonini ya, oli pini miri be eri ma e’yo erizu?

’Ba Gadaraa orindi onzi be ’diyi

28 # Mar 5:1-17; Luk 8:26-37 Eri ka ca ’aa’dasi, ’ba Gadaraa ’diyi ma angua ’bo, ’ba orindi onzi be iri nga dri fu eri be; yi ibi efu nyadria, yi ombaru tu, ’dini ’ba aluni econi alizaru geri ’dasi ku. 29#Luk 4:41; 2 Pet 2:4Mi ndre, yi oyu uru kini, Ama e’yo mi be ngoni ya, mi Mvi Munguni? Mi emu ’doa ama inzazu ewuni ecakokoru ya? 30Ezo o’biru ovu yi be re ’daa, iribi nyaria. 31Orindi onzi nga matu ’ba vunia kini, Mi ka ama dro ra, mi pe ma ti ezo o’biru ma alia fo! 32Eri nga ’yo yi tia, Emi mu. Yi nga fu, ezo ma alia; te mi ndre, ezo o’biru dria nga ali rri, nzu oni gulukuru ma driarisi o’dezu miri ma alia, nga odra isi ra. 33’Ba yi ocepi ’diyi nga apa a, nga mu aku amborua, nga e’yo olu dria, olu e’yo ’ba orindi onzi be ’diyini indi. 34Te mi ndre, ’ba aku amborua ’diyi dria nga fu dri fuzu Yesu be; ka eri ndre ’bo, yi nga matu ’ba eri vu kini ma ku angu yini ma kalati ra.

Currently Selected:

Matayo 8: LB66

Highlight

Copy