Matayo 7
7
E’yo ’bani ’ba azini ma e’yo lizuri
1 #
Rum 2:1; 1 Kor 4:5 Emi li e’yo ku, yi kazu e’yo lizu emi dria ku. 2#Mar 4:24E’yo emini nga ovu lizaru e’yo liza emini lilerisi, yi nga afa o’bi emi dri afa o’biza emini o’bileri vusi. 3Mi ndre pati o’bo-roko ovupi mi adripi ma miliari a’disi ya, dere pati ’bara mi ngulupi ma miliari mi luni ku ya? 4Mi nga di ’yo mi adripi ma tia ngoni, Mi fe ma epe pati o’boroko mi miliarisi; te mi ndre, de pati ’bara mi milia ya? 5Mi ’ba lokiri be mi’i, mi epe pati ’bara mi miliarisi oko; mi nga eli ndre onyiro pati o’boroko epezu mi adripi ma imiliarisi ndo.
6 #
Mat 10:11
Emi fe afa alatararu oce dri ku; emi o’be vini nyoro ndrizaro emini ezo drilia ku, yi kazu yi otuzu yi ma pasi ku, kazu yi ojazu vile emi rua osizu ku indi.
Zita zizu, eyo ndazu, azini jotile kpozu
7 #
Mar 11:24; Luk 11:9-13; Yer 29:13, 14; Yoh 14:13; 16:23 Emi zi, eri nga ovu fezaru emi dri; emi ndru, emi nga isu ra; emi kpo eri nga ovu zizaru emi dri. 8A’disiku’ba dria afa zipiri eria’i ra; ’ba ndrupiri isu ra; ’ba kpopiri dri yi nga zi ra, 9’Ba emi eselia a’di’i, mva erinini enya a’izu, ngazu eri dri oni fezu’i ya? 10Ka e’bi a’i, eri nga eri dri uri fe’i ya?
11 #
Yak 1:17
Te emi’i ’ba onzi ’diyi, emi ka ni afa feza onyiru fezu anzi emini dri, Ata emini ovupi’buari ngani afa onyiru fe ’ba eri zipi ’diyi dri aga ra ku ya? 12#Luk 6:31; Mat 22:39, 40; Rum 13:8-10Afa dria emini lele’ba ma ’ye emi dri ’diyi, emi ’ye vini yi dri ’dini; azita pi nabi be yi ’di.
Kalitile luruaru
13 #
Luk 13:24; Yoh 10:7, 9 Emi fi kalitile luruarurisi; a’disiku kalitile walaru azini geri walaru muzu dri jaza vu, ’ba fipi alenia ’diyi kakau. 14#Mat 19:24; ’Yeta 14:22Te kalitile luruaru azini geri izinaro muzu idri vu, ’ba eri isupi ’diyi were.
Yi pati ama efi erini ’yalerisi
15 #
Mat 24:4, 5, 24; ’Yeta 20:29 Emi te emi agei nabi inzoru ’diyisi; ’ba nde emu emi vu ruasi kabilole, te alialeru yi ’balauni adraru. 16#Gal 5:19-22; Yak 3:12Emi nga yi ama, efi yini ’yale ’diyisi. ’Ba nga zabibu ti oci ruaa ya? Kani elio la ma ruaa ya? 17#Mat 12:33’Dini pati alu dria onyiruri eri efi onyiruri ’ya ra, te pati onzikanyaruri eri efi onzikanyaruri-ya’i. 18Pati onyiru econi efi onzikanyaru yazu ku, ’dini pati onzikanyaru econi vini efi onyiru ’yazaru ku indi. 19#Mat 3:10; Luk 3:9; Yoh 15:2, 6Pati dria ka efi onyiru ’ya ku, yi nga ga ra, nga ’be acia. 20#Mat 12:33Emi nga bani yi ama efi yini ’yale ’diyisi.
21 #
Mat 21:29; Rum 2:13; Yak 1:22, 25; 2:14; 1 Kor 12:3 ’Ba dria ’yopi ma, tia, Opi, Opi, diyi ngani fi suru buaria ku te ’ba, e’yo ma Ata ovupi ’buarini leleri ’yepiri. 22#Yer 14:14; 27:15; Luk 13:25-27; 1 Kor 13:1, 2’Ba kakau nga ’yo ma tia o’du ’dasi, Opi, Opi, mi rusi ama olu ndra e’yo, mi rusi ama dro ndra orindi onzi, mi rusi ama ’ye ndra tali okporu kakau ku ya? 23#Zab 6:9; Mat 13:41; 25:41; 2 Tim 2:19Te etu ’dasi ma nga di e’yo omvi yi tia mgba kini, Ma nini emi aluni ku; emi da emi ma ageiarisi ra, emi ’ba e’yo onzi ’yepi ’diyi.
Jo eti iri ma e’yo
24 #
Mat 7:21
’Ba dria alu e’yo mani ’diyi eripiri, ka ’ye ra, eri ovu ekile ’ba onduaru jo ini sipi kata driarile; 25ozoo ’di ra, yi ti ra, oliriko li ra, co jo ’dari ra, te eri asuni i ku, ’bani eri sile oni driarisi. 26’Ba dria alu e’yo mani ’diyi eripiri, ka ’ye ku, eri ovu ekile ’ba ondua kokoru jo ini sipi cinya driarile; 27#Eze 13:10, 11ozoo ’di ra, yi ti ra, oliriko li ra, co jo’dari ma rua, eri asu i ra; asutani amboru tu.
Okpo Yesuni ecozu ani e’yo ’yezuri
28 #
Mar 1:22; Luk 4:32; Mat 11:1; 13:53; 19:1; 26:1 Te eri nga eca ’dini, Yesu ka de e’yo ’diyi ’yozu ’bo, ’ba ongulumuru osu tu imbata erinisi, 29#Yoh 7:46erini yi imbale ekile ’ba okpo be, ’ba waraga sipi ’diyile kurisi.
Currently Selected:
Matayo 7: LB66
Highlight
Share
Copy
Want to have your highlights saved across all your devices? Sign up or sign in
Bible in Lugbara © United Bible Societies, 1966.
