Matayo 10

Yesuni ba mudri drini iri ’diyi opezu

1 # Mar 6:7-13; Luk 9:1-5 Eri nga ’ba erini imbale mudri drini iri ’diyi omve i vu, eri nga okpo fe yi dri orindi onzi odrozu, azini azo dria atizu dra be dria. 2#Mar 3:14-19; Luk 6:13-16; Yoh 1:40-49’Ba ti opele mudri drini iri ’diyi ma ru yi ’di’i: okori Simoni omvele Petero’i ri pi adripi erini Andarea be; Yakobo Zebedayo mvi pi adripi erini Yohana be; 3Filipo pi Baritolomayo be; Tomasi pi Matayo ’ba musoro sopi be; Yakobo Alifayo mvi pi. Tadayo be; 4Simoni Kananiari pi Yudasi Isikarioteni, ’ba eri o’di nyapiri be.

’Ba mudri drini in ’diyi ti pezu

5Yesu nga ’ba mudri drini iri ’diyi ma ti pe, nga e’yo azi yi tia kini, Emi fi geri ’ba jurunia ku, emi ma fi vini ’ba Samariaa ’diyi ma akua ku indi, 6#Mat 15:24; ’Yeta 13:46; Yer 50:6te agapiri emi mu suru Israelini ma kabilo avipi ’diyi vu, 7#Luk 10:4-12#Mat 4:17; Luk 10:9Te emini muria emi olu e’yo, ’yozu kini, Suru buari eri eca emi vu ogogo ’bo 8#’Yeta 20:33Emi ati ’ba rua onzi be ’diyi, emi enga ’ba draza, emi ’ba ’ba ofu be ’diyi alaru, emi odro orindi onzi, ’Ba fe emi dri toko, emi fe ’ba dri toko indi. 9Emi ma ji mele pi, dahabu pie, mola be enyi emi opileari ma alia ku; 10#1 Kor 9:14; 1 Tim 5:18; Luk 10:4; Kal 18:31emi ’du jurua acitaniri pi, koti iri pie, enyiriko paari pie, kali pie dria ku; te onyiru ’ba azi ngapiri ma isu nyaka erini.

11Aku amboru kani were emini fizu aleniaria dria, emi ndru ’ba onyiru aku nderi ma alia, emi la ’daa de nga emi funi ku. 12#Luk 10:5, 6Emi ka fi joa, emi zi yi ci. 13Te jo ka ovu onyiru, asi anzuru emini ma ovu eri ma dria; te eri ka ovu onyiru ku, asi anzuru emini ma emvi emi vu. 14#’Yeta 13:51; 18:6; Luk 10:10-12Te ’ba azini ka emi a’i ku, ka e’yo emini ’yoleri eri ku, emini furia jo ’daria, kani aku ’daria, emi oya irifura emi paari, 15#Mat 11:24; E’do 19:24-28; Luk 20:47Ma ’yo emi tia ndi, o’du e’yo lizurisi candi aku ’darini nga candi angu Sodomu pini Gomora beri aga ra.

Inzata ngapi emupi ’diyi

16 # Luk 10:3; Yoh 10:12; ’Yeta 20:29; Rum 16:19; Efe 5:15 Emi lu, ma emi ti ope ekile kabilo ’balau eselia; emi ma ovu di ondua be ekile urile, azini e’yo onzi kokoru a’balaule. 17#Mar 13:9-11; Luk 12:11-12; 21:12-15#Mat 24:9Emi te emi agei ’ba ma e’yosi; te yi nga emi fe ’ba e’yo amapi ’diyi dri, yi nga emi co pari yini yi okuzuria, 18#Mat 24:14; ’Yeta 25:23; 27:24yi nga emi ji ’ba ’ba dri cepi ’diyi pi ma milia opi amboru be ma rusi, emini e’yo eti nzezu yi dri, ’ba jururu ’diyi dri indi. 19#Luk 12:11, 12Te yi ka emi fe ra, emi asi ma oti geri ngoni, kani e’yo ngoni, emini ngale ’yolerisi ku; e’yo emini ngale ’yoleri nga ovu fezaru emi dri etu ’dasi; 20#Yoh 14:26; 1 Kor 2:4te ovuni emi’i e’yo ’yozu ku, te Ati eminima Orindinie’yo ’yo emi aliani. 21#Mar 13:12; Luk 21:16; Mat 10:35; Mik 7:6Adripini nga adripi fe drazu, atini nga mvani fe indi, anzi yi nga enga ’ba yi tipi ’diyi ma ruaa yi fezu drazu; 22#Mat 24:9, 13; Mar 13:13; Luk 21:17; Yoh 15:21’ba dria yi nga emi ngu onzi ma rusi. Te ’ba ka ovu asi teza be kpere ewu asizaniria, eri nga i pa ra. 23#Mat 16:28Te ’ba ka emi inza aku ’dari ma alia, emi apa aku azini vu, te ma ’yo emi tia ndi, econi emini aku dria Israelini dezaru ku, de nga Mvi ’bani ecani ku.

24 # Luk 6:40; Yoh 13:16; 15:20 ’Ba yini imbaleri agani ’ba eri imbapiri ku, ati bo agani opi erini ku; 25#Mat 9:34; 12:24; Mar 3:22; Luk 11:15fu dri ’ba yini imbaleri dri ovuzu ’ba eri imbapirile, ati’boni ovuzu opi erinile. ’Ba ka ndra jo e’ini omve Beelizebuli’i, yi ngani ’ba eri ma joa ’diyi omve ’dini aga ra ku ya?

’Ba ’yezu erisi urisiri

26 # Luk 12:2-9 # Mar 4:22; Luk 8:17 Te emi ru yi ku; afa opizaruri aluni ngani ovu e’dakokoru ku, azini afa zizaru dria nga ovu nizaru. 27E’yo mani ’yole emi tia ini aliari, emi ma olu diza alia; e’yo emini erile emi bileari, emi oyu uru jo dria. 28#Yak 4:12Emi ru ’ba rua fupi ra, te ecopi orindi fupi ku ’diyi ku; te agapiri emi ru ’ba ecopi orindi pi dri japi rua be Jehanumaari’i. 29Burua iri ’ba jeni sente alusi ku ya? Te alu yi ma eselia e’deni nyakua emi atini nikokoru ku. 30Te ka dribi efi emi dria ’diyi ti, yi ovu dria lazaru. 31#Mat 12:12E’yo ’disi emi asi ma oti ku; emi aga burua kakau onyisi ra. 32’Ba dria ma e’dapi ’ba ma miliari, ma nga vini eri e’da ma Ati ovupi ’buari ma milia ra; 33#2 Tim 2:12; Luk 9:26te ’ba dria alu ma gapi ’ba ma milia siri, ma nga vini eri ga ma Ati ovupi ’buari ma milia si.

’vuni asi anzuni ku, te seini

34 # Luk 12:51-53 Emi osu ma eca asi anzuru ejizu nyakua ’dini ku; ma eca asi anzuru ejizu ku, te seini. 35#Mik 7:6Te ma eca esele coza ejizu ’ba pi ma eselea ati be, zamva pi andri be, idria pi edra be; 36azini ’ba ma ari’ba yi ’ba eri vile joa ’diyi.

37 # Azi 33:9; Luk 14:26, 27 ’Ba azini ka ati kani andri le aga ma ra, eri funi dri masi ku; ’ba azini ka i mvi kani i zi le aga ma ra, eri funi dri masi ku; 38#Mat 16:24; Mar 8:34; Luk 9:23’ba ka pati eri dizuri ’du ma vuti bizu ku, eri funi dri masi ku. 39#Mat 16:25; Mar 8:35; Luk 9:24; 17:33; Yoh 12:25’Ba ka idri erini isu ra, eri nga eri avi ra; te ’ba ka indri erini avi masi, eri nga eri isu ra.

Oya

40 # Mar 9:37; Luk 9:48; 10:16; Yoh 12:44; 13:20; Mat 18:5 ’Ba emi a’ipiri a’i ’ba ma ti pepiri’i. 41ba na’bi a’ipi ru nabinisiri nga nabi ma oya isu ra. 42#Mat 25:40; Mar 9:41’Ba ka yi mvuza ambizaru fe ’ba nyiri ’diyi ma azi dri, ’ba imbaleri ma, rusi a’dule, ma ’yo emi,tia ndi; ndi, oya erini ngani avi aluni ku.

Currently Selected:

Matayo 10: LB66

Highlight

Copy