Zekaliya 13
13
1“Mubuzuba oobo musyobo wa Devedi abantu bakkala mu Jelusalemu bayoojalwidwa kasensa kuti bakasalazigwe kuzwa kuzinyonyoono akubusofwaazi bwabo. 2Mubuzuba oobo, njoozimaanya mazina aamituni yabo kuzwa munyika, taikayeeyegwi limbi, mbwaamba Mwami Leza Singuzuzyoonse. Joolesya businsimi amuuya wabusofwaazi munyika. 3Kuti naa umwi kaciyoosinsima, wisi abanyina, bakamuzyala bayooti kulinguwe, ‘Weelede kufwa, nkaambo waamba zyakubeja muzina lya Mwami Leza.’ Aakusinsima bazyali bakwe mwini bayoomuyasa.
4“Mubuzuba oobo musinsimi umwi aumwi uyoofwa nsoni akaambo kabusinsimi bwakwe mwini. Takasami jansi lyabusinsimi lyaboya kutegwa aambe zyakucenga. 5Uyooamba kuti, ‘Nsili musinsimi. Ndimulimi, mebo ndiponena mubulongo kuzwa kubukubusi bwangu.’ 6Kuti naa umwi akamubuzye kuti, ‘Ino zyuumo eezi zili amubili wako nzyaanzi?’ Uyooingula kuti, ‘Eezi nzyuumo ciindi nindakaumwa kuŋanda yabeenzuma.’”
Kuumwa kwamweembezi wa Mwami Leza
7“Amumuume mweembezi wangu, mumuume muntu uuli aafwiifwi andime! Mbwaamba Mwami Leza Singuzuzyoonse. Amumuume mweembezi, nkabela mbelele zilamwaika, bana basyoonto njoobauma. 8Munyika yoonse, mbwaamba Mwami Leza, zibeela zyotatwe zyabantu ziyooumwa bayooumwa nkabela bayooloba, cibeela comwe catatu ciyoosyaala munyika. 9Eeci cibeela comwe catatu ciyoosowelwa mumulilo, njoobasalazya mbuli nsiliva, akubasola mbuli ngolida. Bayooita zina lyangu mukukomba, ambebo njoobavuwa, ndiyooti, ‘Mmbantu bangu,’ abalo bayooti, ‘Mwami Leza ngo Leza wesu.’”
Currently Selected:
Zekaliya 13: Tonga96
Highlight
Share
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
