Intembauzyo 26
26
Lwa Devedi
1Ambilizya kuti ndiluleme O Mwami Leza,
nkaambo nnyina kampenda mubuumi bwangu,
ndasyoma mu Mwami Leza cakumaninina.
2Ndisunke O Mwami Leza undisole, lingula moyo amizeezo yangu.
3Luyando lwako lutazungaani ndolundisololela,
mubwini bwako mweenda lyoonse.
4Basilweeno tatweendi aamwi pe,
nokuba kweenda abasikuupaupa aameso.
5Ilandisesemya mbungano yabacita zibi,
akwalo kweenda aababyaabi ndakaka.
6Kutondezya kuti nnyina mulandu ndasamba mumaanza,
acipaililo cako mpekukombela lyoonse, O Mwami Leza.
7Zyamilimo yako iikankamanisya ndazyaambilizya akulumbaizya munyimbo.
8Ndiiyandisya ŋanda njokkala, O Mwami Leza, eeyo mujanwa bulemu bwako.
9Utuukukulizyi antoomwe abasizinyonyoono muuya wangu,
nibuba buumi bwangu abaabo bajayi batila bulowa.
10Mbantu bacita zibi coonse ciindi, mbambabaabo batambula masinkamulomo.
11Mubuumi bwangu nnyina kampenda pe, ndibede aaluse ndivune.
12Ndiimvwi cakuliiba aabambasede, ndatembaula Mwami Leza
akati kambungano yabantu bakwe.
Currently Selected:
Intembauzyo 26: Tonga96
Highlight
Share
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
