Intembauzyo 25
25
Lwa Devedi
1Ngwekomba nduwe buyo O Mwami Leza.
2Ngwesyoma nduwe buyo O Leza wangu,
intausigwi nsoni, basinkondoma batandizundi.
3Taakwe uuyoousigwa nsoni kuti kajisi lulangilo mulinduwe.
Basiluuni buyo mbabayoousigwa nsoni.
4O Mwami Leza, kondizibya nzila zyako, undiiisye mbweelede kweenda.
5Ndiiisye akundisololela mukasimpe kako,
nkaambo nduwe Leza mufutuli wangu, ndangila kulinduwe buzuba boonse.
6Koyeeya O Mwami Leza, lweengelelo aluyando lutazungaani, nzizyako kuzwa kaindi.
7Zibi zyakubukubusyi bwangu utaziyeeyi,
utaziyeeyi noziba nzila zyabuzangi bwangu,
kondiyeeya muluyando lwako,
nkaambo uli mubotu O Mwami Leza.
8Mmubotu akululama Mwami Leza,
nkaako ulaiisya basizibi nzila zyakwe.
9Munzila ziluleme mwasololela babombede,
ulabaiisya mbobeelede kweenda.
10Nzila zya Mwami Leza zyoonse zitondezya luyando,
ulasyomeka kuli baabo babamba cizuminano amalailile aakwe.
11Muzina lyako O Mwami Leza, ndilekelela mulandu wangu, nuukomena buti.
12Nguni muntu uulemeka Mwami Leza?
Nguyooyo ngwatondezya nzila njeelede kutola.
13Ooyo lwakwe uyookkala kakupukide,
lunyungu lwakwe luyookona nyika.
14Mwami Leza mulongwe wabaabo bamulemeka, ulabazibya cizuminano cakwe.
15Meso aangu alangilide ku Mwami Leza lyoonse,
walo uyooangununa maulu aangu mukakole.
16Kondiceba undibede aaluse, ndeendikke ndipengede.
17Ndijisi mapenzi manji mumoyo wangu, ndivuna kumause aangu aaya.
18Kobona kupenga amause aangu, undilekelele zibi zyangu zyoonse.
19Bona kuvula kwabasinkondoma, balindikweekede kapati.
20Kwabilila buumi bwangu, ndivune, intausigwi nsoni,
nkaambo mulinduwe mwenjubila.
21Kusyomeka abululami bwangu zilandikwabilila,
mukuti lulangilo lwangu luli mulinduwe.
22Nununa Baisilayeli O Leza, ubanunune kumapenzi aabo.
Currently Selected:
Intembauzyo 25: Tonga96
Highlight
Share
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
