Intembauzyo 24
24
Lwiimbo lwa Devedi
1Nyika azyoonse zili mulinjiyo nzya Mwami Leza,
insi abaabo bakkede mulinjiyo.
2Nguwakiibikka alwizi, wiikkazika atala aamaanzi.
3Cilundu ca Mwami Leza nguni uukonzya kucitanta?
Nguni uukonzya kwiima mubusena bwakwe busalala?
4Nguyooyo uucita zisalala uunyina kampenda mumoyo,
uutakombi mituni, nikuba kukonka cakubeja.
5Ooyo nguukonzya kulemekwa a Mwami Leza,
ooyo nguululamikwa a Leza mufutuli wakwe.
6Mbombuboobu mbolibede zyalani lyabaabo bamukomba,
aabo bayandaula Leza wa Jakobo.
7Nomilyango amukwakwabuke, mujaluke nozitendele zyakale-kale,
kuti anjile Mwami wabulemu.
8Ani nguni Mwami wabulemu?
Ngu Mwami Leza Singuzu, Leza Sintanze.
9Nomilyango amukwakwabuke, mujaluke nozitendele
zyakale-kale, kuti anjile Mwami wabulemu.
10Ani nguni Mwami wabulemu? Ngu Mwami Leza Wamakamu,
Singuzuzyoonse. Ngo Mwami wabulemu.
Currently Selected:
Intembauzyo 24: Tonga96
Highlight
Share
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
