Mateo 6
6
Kupana bya bupe ku bakajilwa
1 #
Mat 23:5
“Jimukai! Kechi mube byaoloka byenu ku meso a bantu amba betumone ne. Abyo kechi mu mwenemo mfweto kwi Shenu wa mwiulu ne.”
2“Kabiji byonkabyo pa kupana bya bupe, kechi wimbe ntolompita palutwe yobe byo boba ba kamfutumfutu mu mashinagoga ne mu mikwakwa, amba bantu betutote. Kine amiwa nemwambila namba batambwila jimo mfweto yabo. 3Kabiji obewa pa kupana bya bupe, kuboko kobe kwa ku kipiko kechi kuyuke kyo kuuba kwa ku kilujo ne. 4Namba bumpanyi bobe bwikale bwa kumbaji. Kabiji Shobe umona kumbaji ukakufweta.”
Mambo a kulomba
5 #
Lu 18:10-14
“Kabiji pa kulomba, kechi mupashang'ane naba kamfutumfutu ne. Mambo abo batemwa kwimana na kulomba mu mashinagoga ne ku mansanga a mikwakwa amba tumweke ku bantu, kine nemwambila namba, batambwila jimo mfweto yabo. 6Kabiji obewa pa kulomba, utwele mu kazubo kobe ka mukachi, ne pa kushinka kibelo, ulombe kwi Shobe wa kumbaji, kabiji Shobe umona kumbaji ukakufweta.”
7“Kabiji pa kulomba, kechi kulomba kilombelombe byo boba Bangentila ne. Mambo balanguluka amba, tusakumvwanyika pa kuvuzha byambo. 8Kabiji byonkabyo kechi mupashang'ane naabo ne. Mambo Shenu wayukila jimo byo mwakajilwa, kasa mukyangye kumulomba.” 9Byonkabyo kasa mulomba byonka bino amba,
“Taata wetu wa mwiulu,
jizhina jenu jizhile.
10Bufumu bwenu bufike.
Kyaswa muchima wenu kyubiwe pano panshi, byonka byo kyubiwa mwiulu.
11Mwitupeko kajo ketu ka leelo.
12Ne kwitulekelako mambo etu, byonka
byo twibalekela betulenga mambo.
13Kabiji kechi mwitutwale mu lweseko ne,
mwitupokolole kwi yewa mubi.”
14 #
Mako 11:25,26 “Mambo umvwe mwibalekelako bantu mambo abo, ne Shenu wa mwiulu naye ukemulekelako ne mambo enu pamo. 15Kabiji umvwe kechi mwibalekelako bantu mambo abo ne, ne Shenu wa mwiulu naye kechi ukemulekela mambo enu ne.”
Mambo a kuzhikilwa na nzala
16“Kabiji pa kuzhikilwa na nzala, kechi mwikale na bilungi bya bulanda byonka byo boba ba kamfutumfutu ne. Mambo abo baalula bilungi byabo ke bingi amba, bantu bebamone amba bazhikilwa na nzala. Kine nemwambila namba, batambwila jimo mfweto yabo. 17Pakuba obewa, pa kuzhikilwa na nzala, wishinge manyi ku mutwe wobe, ne kowa mu meso 18amba, kechi kiyukanyikwe ku bantu amba, wazhikilwa na nzala ne, poso konka kwi Shobe wa kumbaji. Ne Shobe umona kumbaji, ukakufweta.”
Bunonshi mwiulu
(Luka 12:33-34)
19 #
Yako 5:2,3 Kechi mwitujile anweba bene nsabo pano panshi ne, paji bilongolo ne ndalabwa byonauna, paji ne bangivi basaba mazubo ne kwiba. 20Kabiji itujilai nsabo mwiulu, mwabula bilongolo ne ndalabwa byonauna, ne bangivi kechi basaba mazubo ne kwiba ne. 21Mambo kuji nsabo yobe, ko kuji ne muchima wobe.
Kyeya kya mubiji
(Luka 11:34-36)
22“Jiso ye lampi wa mubiji. Byonkabyo umvwe jiso jobe jijitu, ne mubiji wobe yense usakwikala mu kyeya; 23bino umvwe jiso jobe jabipa, ne mubiji wobe yense usakwikala mu mfishi. Byonkabyo umvwe kyeya kiji mobe yo mfishi, kine aya mfishi yo ine ikatampe!”
Lesa ne nsabo
24“Kafwako muntu wakonsha kwingijila bankambo babiji ne. Mambo ukashikwapo umo, ne kutemwapo mukwabo; nangwa ukepana ku umo, ne kusuula mukwabo. Kechi mwakonsha kwingijila Lesa ne nsabo ne.
25“Onkao mambo kyokyo nemwambila namba, kechi mubambishe muchima na mweo wenu na byomukaja, nangwa nabyo mukatoma; nangwa na bivwalo bya mibiji yenu ne. Nanchi mweo kechi wakila kajo nenyi? Ne mubiji kechi wakila bivwalo nenyi? 26Talai ku bang'onyi, kechi ba byala nangwa kunowa ne, nangwa kulonga mu matala ne; kabiji Shenu wa mwiulu wibajisha, nanchi anweba kechi mwakijishatu bang'onyi mu kuneema nenyi? 27Kabiji ng'anyi mukwenu pa kubambisha muchima wakonsha kunungako nangwa kacheche ku kimino kyanji?
28“Kabiji mambo ka mubambisha michima na bivwalo? Langulukai buluba bwa mungye byo bukoma, kechi bwingila mwingilo, nangwa kuluka kisapi ne. 29#1 Mfu 10:4-7; 2 Moba 9:3-6Pakuba nemwambila namba, nangwa Solomone mu lukumo lwanji lonse kechi wavwajilenga pamo ne abo ne. 30Nanchi umvwe Lesa wiivwika byonkabyo nsono ya mungye, ikalatu leelo, kesha yatayiwa mu mujilo, leelo nanchi kechi akakizhepo kwimuvwika anweba ba kalwitabilo kacheche nenyi?
31“Byonkabyo kechi mubambishe michima yenu amba, Leelo tusakuja ka? Nangwa amba, Leelo tusakutoma ka? Nangwa amba, leelo tusakuvwala ka? 32Mambo abye bintu byonse bebisaka Bangentila; pakuba Shenu wa mwiulu wayuka amba, bino bintu byonse bimufwainwa. 33Nanchi kebeshai bufumu bwanji, ne bololoke bwanji; ne bino bintu byonse bikemubikilwapo. 34Byonkabyo kechi mubambishe michima yenu na ja kesha ne; mambo ja kesha jine jikebambisha na byajo. Bibi bya leelo bijiwaina leelo.”
Currently Selected:
Mateo 6: KNTP
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.