Apɔsul Dɛn Wok Wetin Dis Buk Tɔk Bɔt
Wetin Dis Buk Tɔk Bɔt
Di buk we tɔk bɔt Di Wok We Dɛn Apɔsul Bin Du na lɛkɛ di sɛkɛn pat pan di Gud Nyuz we Lyuk rayt. Di men rizin we mek dɛn rayt di buk we tɔk bɔt di wok dɛn we di apɔsul dɛn bin du na fɔ mek pipul no se Gɔd in Spirit mek dɛn fɔs pipul we bin de fala Jizɔs, prɛd di Gud Nyuz na “Jerusɛlɛm, Judia, Sameria ɛn ɔlɔbɔt na wɔl” (1:8). Di buk de ɛksplen aw di Kristiɛn dɛn wok bigin wit di Ju pipul dɛn, sote plɛnti pipul na wɔl dɔn bi Kristiɛn tide.
Di buk tɛl wi bɔt di ples dɛn we dɛn tɛl pipul di Gud Nyuz bɔt Jizɔs ɛn usay di chɔch bigin. Di buk kin sheb tri pat: (1) Wan pat de tɔk bɔt aw di chɔch bigin na Jerusɛlɛm afta Gɔd tek Jizɔs go ɔp na ɛvin; (2) di sɛkɛn pat de tɔk bɔt aw di Kristiɛn rilijɔn prɛd na Palɛstayn; (3) di las pat de tɔk bɔt aw di Kristiɛn rilijɔn prɛd te i rich na di Mɛditarenian eria sote i rich Rom.
Wan impɔtant tin na di buk, na di wok we Gɔd in Spirit du na di Kristiɛn dɛn layf fɔ mek Gɔd in wok prɛd ɔlɔbɔt. Di buk tɔk bɔt aw di Spirit bin kam wit pawa pan dɛn pipul we bin biliv pan Jizɔs, we dɛn bin de na Jerusɛlɛm, di de we dɛn kɔl Pɛntikɔst de, ɛn aw i bin de gayd ɛn kɔrej di chɔch mɛmba dɛn ɛn di lida dɛn na di chɔch dɛn.
Currently Selected:
Apɔsul Dɛn Wok Wetin Dis Buk Tɔk Bɔt: KRIO13
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.