St. Luka 24

1Akol tuèng e Sabbath wnyak-dur kêk aci ben e rang lom ko aci bei ka nir ye ci kêk juir 2ko aci yok kûr cî pùk-ic etong ghun e rang.

3Ko na kêk aci lo akentin akeyc yok guop e beyn-did Yesus. 4Ko na kêk aci nim mum etong kan, yenkin rōr rou a kâc e kêk lom e buong mer. 5Ko na kêk aci ryoc ko aci nyin gun piñ, kak aci lek kék: Ye-ngu uêk a kor ke pir keke ka tóu? 6Yen aliu ten, lone aci rot jot. Takke, kedí yen aci lek uêk, na yen aci nguot e Galilaea ic, 7ko aci luel: Edi bi tôn man e ran e cèn e koyʼ rac ko abî pyat ko abi rot jot akol callic. 8Ko kék aci uèl-ke dûk e ke nim 9ko aci dûk etong rang ko aci lek eben wtyer-ko-tok ko kok eben. 10Ko kak ci kan lek rōr e tōc, kék Maria Magdalena, ko Yoanna, ko Maria Yakobi, ko ka ci to ke kêk. 11Ko uèl-ken aci tîc etong kék acit uèl-bey; ko akeyc kék gam. 12Lone Petrus aci rot jot ko aci rin tede rang, ko aci rot gun ic ko aci ting aled ghabac cî tau, ko aci jal ko ci dyêr e ye rot ke cî a. 13Ko yenkin, rou etong kék aci lo akolé pan a côl Emmaus, cî mec etong Yerusalem akòr-ya stadia wtyer-wdetem. 14Ko kêk aci jam etok etong kan eben ci a. 15Ko na kêk aci jam etok ko aci wtyèc ye rot, Yesus yetok aci wtyok ko aci lo ke kêk. 16Lone nyin kêk aci mûk dûn kêk bi yen nyic. 17Ko yen aci lek kêk: Ye uèlkéó uêk a luel etok ko ne-ngu uèk a rēm puou? 18Ko tok a côl Kleophas aci bêr ko aci lek yen: Ye yin itok a ley etong Yerusalem, akeyʼ nyic ka ci a e ye-ic akólké? 19Ko yen aci lek kêk: Ye keno? Ko kêk aci luel: Etong Yʼesus e Nazarenus ye ran e ting aril e luoy ko uel, e Dén-did ko koyce eben nyin tuèng: 20ko kedí nim e tit ko nim e koyc-kua aci yen tòn etong lung e tóu, ko aci yen pyát. 21Lone ghôg aci tit yen abi Israel koyn, ko yémanic alé kan eben a to tin akol callic na kan aci a. 22Lone ayá dyar-kua tetok aci ghôg mat, kêk ye ci lo e rang lom tuèng akol 23ké akeyc yok guop-de, ko aci ben ko aci luel, kêk aci ting ayá tîc ajāk (e Dén-did) kêk ye luel yen a pir. 24Ko tetok etong koyc-kua aci lo e rang lom ko aci yok acit dyar aci luel, lone kêk akeyʼ yen yok. 25Ko yen aci lek kêk: Koyc cî bèl, ko puón-duen cî màd bi gam kan eben ci rōr e ting luel! 26Edi cíe Christus abi kan eben gum ko bi lo kele e did-de-ic? 27Ko yen aci gol etong Moses ko rōr e ting eben, ko aci luel-ic kêk kan ci gor eben etong yen. 28Ko kêk aci wtyok pan ye kêk lo tin, ko yen aci rot loy acit e ngor. 29Ko kêk aci yen wtel ko aci luel: Nyuce ke ghog ké yémanic ghon abi a wtēn, ko akol aci duèr cuol. Ko yen aci lo ghut ke kék. 30Ko na yen aci nyuc ke kêk aci monó kâp, ko aci wtyey ko aci ban ko aci gam kêk. 31Ko nyin-ken aci lyèb ko kêk aci yen nyic. Lone yen aci mor e ke nyin. 32Ko kêk aci lek rot: Puón-da akeyc dêb e ghòg-ic na yen a jam e kuèr-ic ko aci luel-ic gor (e Dén-did)? 33Ko kêk aci rot jot ghoné ko aci dûk Yerusalem, ko aci yòk wtyer-ko-tok aci kût ko kak ci to ke kêk. 34Ko kêk aci luel: Beyn-did etet aci rot jot, ko aci tîc etong Simon! 35Ko kak aci luel ka cî a e kuèr-ic, ko kedi kêk acî yen nyic e bañ e monò.

36Ko na kêk ʼnguot a jam, Yesus aci kôc e ke callic ko aci lek kêk: Dor ke uêk! é ghên, dunke ryoc. 37Lone kêk aci nim mum ko aci pau, ko aci ngat kêk a ting uêy. 38Ko yen aci lek kêk: Ne-ngu uêk a mum nim, ko takké a bo bey e ue puot? 39Tyenke gha cèn ko gha cok, ké ghên é yen. Tâpke ko tyengke; ké uêy acin ring ko yom acit uêk a ting ghên a nong. 40Ko na yen aci kan luel, yen aci kêk ngot cèn-ke ko cok-ke. 41Ko kêk a ngot keyc gam ko aci dyêr e myed, yen aci luel: Uêk a nong kede bi cam? 42Ko kêk aci bei etong yen long e rēc cî wtal. 43Ko yen aci cam e ke nyin tuèng. 44Ko aci lek kêk: Kak é uèl ye ci ghên lek uêk, na ghên a nguot ke uêk, yen édi bi a ic kan eben cî gor e têt Moses ko rōr e ting ko ket (e David) etong ghên. 45Alé yen aci lyèb ngeyn-den bik nyic gor (e Dén-did); 46ko aci lek kêk: Kele acî gor, ko kele Christus édi ci gum ko bi rot jot etong tóu akol callic; 47ko bi uêt e rin-ke long ko pal e karác etong kuât e koyc eben, aci gol etong Yerusalem. 48Lone uek abi gam kake. 49Ko ghên abi tōc e ue nim uêy e uâ cî gam; lone uêk rerke e pan-ic ghêt uêk abi ruok e ryel etong wnyal.

50Lone yen aci kêk kuat akenbay e Bethania ko aci cèn-ke jot ko aci kêk wtyey. 51Ko aci a na yen aci kêk wtyey aci mec etong kêk ko aci yid wnyal. 52Ko kêk aci dûk Yerusalem e myed did; 53ko aci to ghun e Dén-did akuriec ko aci Dén-did lēc.

Currently Selected:

St. Luka 24: CIEC1905

Highlight

Copy