St. Luka 23

1Ko dut-den eben aci rot jot ko aci yen kuat Pilatus nyin. 2Ko kêk aci gol bi yen lom ko aci luel: Ghóg aci kan yôk yen a mum koyc-kua, ko a pen dûn koyc bi móc etong Caesar, ko a luel yen Christus e beyn-did. 3Lone Pilatus aci yen wtyèc ko aci luel: Yin beyn-did e koyc Yuda? Ko aci bêr ko luel: Yin a luel. 4Lone Pilatus aci lek nim e tit ko dut e koyc: Ghên akeyc yok kede rac etong rané. 5Ko kêk aci têr ko aci luel: Yen a jot koyc, e nyec pan e Yudaea eben etong Galilaea nom ghêt ten. 6Lone na Pilatus aci ping Galilaea, yen aci wtyèc na yen ran e Galilaea. 7Ko na yen aci nyic yen etong ryel Herodes, aci yen tuōyc etong Herodes; yen yetok aci to tin Yerusalem akólké. 8Lone na Herodes aci Yesus ting aci myed arêd; ké yen e ghon cuec aci guc bi yen ting, ké yen aci ping ka cuec etong yen, ko aci tit bi ting cin tok etong yen. 9Lone yen aci yen wtyèc e uèl cuec. Ko kan akeyc bêr kede etong yen. 10Lone nim e tit ko rōr e gor aci kóc ko aci yen lom alauen. 11Lone Herodes aci yen lyal keke rōr e rēm-de ko aci yen buy, ko aci yen ruok buong gher ko aci yen dûk etong Pilatus. 12Ko Pilatus ko Herodes aci a mêd akolké; ké tuèng kêk aci mân rot.

13Lone Pilatus aci côl nim e tit ko nim e koyc ko dut, 14ko aci lek kêk: Uêk aci bei e gha nyin tuèng rané acit ye ric koyc, ko ghênkin aci yen wtyèc e ue nyin ko ghên akeyʼ yok kerác etong ran e kan-ic eben ye uêk yen lom; 15lone ayá acíe Herodes, ké ghên aci uêk tōc etong yen; ko yenkin acin kede a joc tóu akeyc e etong yen. 16Ko yekan ghên abi yen duy ko abi yen loyn. 17(Lone édi yen di ci loyn tok akol e Dén-did.) 18Lone dut e koyc eben aci kyú ko aci luel: Ngay kan ko pal ghôg Barabbas! 19Kan acî tōc ghun e rùk etong jon e koyc e pan-ic ko etong nong e koyc. 20Lone ayá Pilatus aci lek kêk, ké yen aci nong puou bi Yesus loyn. 21Ko kak aci cyú auer ko aci luel: Pyate, Pyate yen. 22Lone yen ayá callic aci lek kêk: Ye-ngu kerác ci yen rek? Ghên akeyʼ yok e ye-ic lung e tóu. Ko yekan ghên abi yen duy ko ba yen loyn. 23Lone kêk aci tèr e kuoy did ko aci wtyèc bi yen pyât, ko kuoy-den aci juak. 24Ko Pilatus aci lûk bî a cit lim-den. 25Lone yen aci loyn eton kêk ke ye aci tōc ghun e ruk etong nong ko jon e koyc, ye kêk aci wtyèc. Lone Yesus yen aci yen tôn acit puón-den. 26Ko na kêk aci yen kuat, aci mûk Simon ye ran e Cyrene, yen ci ben etong dom, ko kêk aci agēr tau e yen kóu bi yen ghadd e Yesus cok. 27Lone aci yen buot dut e koyc cuec ko dyar ye ci dyau ko cyú etong yen. 28Lone Yesus aci rot uel etong kêk ko aci luel: Nyr Yerusalem, dunke dyau etong ghên lone dyauke etong ue rot ko mîwt-kun. 29Ké yenkin abi ben akol na uêk bi luel: Myed e puou dyar rol ko yic keyc dyèt ko wtèn keyc môc. 30Alé koyc abi gol bi lek alèl: Yuekke e ghôg kot, ko akut Kumke ghóg. 31Ké na kêk abi kan loy etong tim toc, ye-ngu bî a etong tim ril? 32Lone kêk aci kuat ke yen ayá rōr rac rou bi kék nok.

33Ko na kêk aci ben tede a côl Kalvaria (tede nim ci gak), tetúy kêk aci yen pyát agēr kóu ko mogolke, tok e cuèng-de ko tok e càm-de. 34Lone Yesus aci luel: Uâ, pal kêk, ké kêk a kuc ke bi kêk loy. Lone kêk aci tek buông-ke ko aci mek. 35Lone kuât aci kôc ko aci ting. Ko nim e koyc aci yen buy ke kêk, ko aci luel: Yen aci kok loyn, bi rot koyn, na yen e Christus cî loc etong Dén-did. 36Ko aci yen buy koyc e rēm ayá, ko aci ben bi yen móc abyèc uâc, 37ko aci luel: Na yin beyn-did e koyc Yuda, koyn ye rot. 38Lone aci to tin ayá ye nom gor (ci gor graece ko latine ko hebraice): Kan beyn-did koyc e Yuda.

39Lone tok e mogol ci pyát ke yen, aci yen lat ko aci luel: Na yin Christus, koyn ye rot ko ghôg! 40Lone dé aci bêr ko aci yen cil ko aci luel: Yin ayá acíe ryoc e Dén-did, na yin a to e duy tok-ic? 41ko ghóg a joc; ké ghóg a kâp duy, ye ku joc etong luoy-da; lone kan akeyc kerác rek. 42Ko yen aci lek Yesus: Beyn-did, tak ghên na yin aci lo pan-du. 43Ko Yesus aci lek yen: Amen, ghên a lek yin: akolé yin abi ke ghên e gōr-ic.

44Lone acit ghon wdetem aci a muod e piñ-ic eben ghêt ghon deʼ nguan. 45Ko ruel aci cuol, ko buong akum e ghun e Dén-did aci ret. 46Ko Yesus aci kuy e kuoy did ko aci luel: Uà, ghèn a kuay uèy-cia e yin cèn. Ko na yen aci kan luel, yen aci wtòk. 47Ko na nom e rēm aci kan ting yen aci Dén-did lēc ko aci luel: Etet, rané lacit. 48Ko dut e koyc eben ci to tin bi kan ting, na kêk aci kak ting aci puou gut ko aci dûk. 49Lone ruey-ke eben aci kòc te-mec ko dyar ci yen buot etong Galilaea ko aci kan ting. 50Ko yenkin, ran a côl Yoseph, yen beyn e gak, ran apuat ko lacit 51(kan akeyc puou tòn ke gāk-den ko luoy-den); yen etong Arimathaea, pan e Yudaea, ye ci tit ayá pan e Dén-did: 52kan aci lo etong Pilatus ko aci lim guop e Yesus. 53Ko aci yen tau piñ, ko aci yen kuot alàn-yem-ic ko aci yen tau ghun e rang ci kuang, cin ran-tok cì wtyòk tin. 54Ko kan akol e Juir, ko akol e Sabbath aci bo. 55Ko dyar ci ben ke yen etong pan e Galilaea aci buot ko aci rang ting ko kedí guop-de aci tau. 56Ko kêk aci dûk ko aci juir nir ko mok-nìr. Ko akol e Sabbath kêk aci long acit têt.

Currently Selected:

St. Luka 23: CIEC1905

Highlight

Copy