Zekariya 12
12
Abisirayeli bazoruha bagaruke ku Mana
1 #
Yes 42:5; 48:13. Imbūri y’ijambo ry’Uhoraho yo ku Bisirayeli.
Uku ni k’Uhoraho agize, uwāgānuye amajuru agashirah’ itanguriro ry’isi, akarema impwemu yo mu muntu, 2#Yes 51:17, 22, 23; Zek 14:14.at’ Ehe nzohindura Yerusalemu igikombe co kudandabagiranya amahanga yose ahakikije, igihe bazoba bateye Abayuda, bugarije Yerusalemu. 3#Zek 14:2; Mat 21:44.Uwo musi nzohindura Yerusalemu ibuye riremēra amahanga yose, abazoryikorera bose bazokomereka bibi; kand’ amahanga yose yo mw isi azokoranywa no kuharwanya. 4#Gus 28:28; Zab 76:6.Kur’ uwo musi, ni k’Uhoraho agize, nzogwisha igihūmura ifarasi yose, kand’ ūri kuri yo nzomutēza ibisazi. Nzosubiza amaso ku nzu ya Yuda, kand’ ifarasi yose y’amahanga nzoyitēza uruhumyi. 5Abatware b’ Abayuda bazokwibgira mu mitima, bat’ Ababa muri Yerusalemu ni bo nkomezi zacu, kuko bafise Uhoraho Nyen’ ingabo kw Imana yabo. 6#Yer 5:14; Zek 2:4; 14:10, 11.Kur’ uwo musi abatware b’Abayuda nzobahindura nk’urujo rurik’ umuriro rushirwa mu nkwi, canke nk’urumuri rwaka rushizwe mu mikama y’ingano; bazotōngōra amahanga yose abakikije i buryo n’i bumoso; kandi Yerusalemu hazokwongera kwubakwa aho hāhoze, ni ho i Yerusalemu nyene. 7Kand’ Uhoraho azobanza gukiza amahema y’Abayuda, kugira ngw ishimwe ry’inzu ya Dawidi n’ishimwe ry’ababa i Yerusalemu ryoye gushirwa hejuru gusumba iry’ Abayuda. 8#2 Sam 19:27; Yes 60:22.Kur’ uwo musi Uhoraho azokīranira ababa i Yerusalemu; umunyantege nke wo muri bo kur’ uwo musi azomera nka Dawidi; kand’ inzu ya Dawidi izomera nk’Imana, nk’ umumarayika w’Uhoraho ar’ imbere yabo. 9#Zek 14:3.Kandi kur’ uwo musi nzokwitwaririka kugeseza amahanga yose yaje gutera i Yerusalemu. 10#Yer 6:26; 31:9; 50:4; Yoh 19:37; Ivyah 1:7.Kandi nzosuka ku nzu ya Dawidi no ku baba i Yerusalemu impwemu y’ubuntu n’iyo gusenga; kandi bazokwitegereza uwo bācumise; bazomuborogera nk’ ūborogera umwana wiwe w’ikinege, bamurware akabonge nk’ūkarwazwa n’imfura yiwe. 11#2 Ngo 35:22, 24.Kur’ uwo musi hazoba umuborogo ukomeye i Yerusalemu, nka ya maborogo yabaye i Hadadi‐rimoni mu kiyaya c’i Megidoni. 12#2 Sam 5:14; Zek 7:3; Luk 3:31.Kand’ igihugu kizoboroga, umuryango wose ukwawo; umuryango w’inzu ya Dawidi ukwawo, n’abagore babo ukwabo; umuryango w’inzu ya Natani ukwawo, n’abagore babo ukwabo; 13#Guh 3:18.umuryango w’inzu ya Lewi ukwawo, n’abagore babo ukwabo; umuryango w’Abashimeyi ukwawo, n’abagore babo ukwabo; 14n’iyindi miryango yose isigaye, umuryango wose ukwawo, n’abagore babo ukwabo.
Currently Selected:
Zekariya 12: RUN1967
Highlight
Share
Copy
Want to have your highlights saved across all your devices? Sign up or sign in
Bibliya Yera © Société Biblique du Burundi, 1967
