Nahumu 3

Ibara ryabaye kuri Ninewe

1 # Ezk 24:9; Hab 2:12. Igisagara kivisha amaraso kirakabona ibara! Cuzuye ibinyoma n’isahu; nta ho gisība kunyaga. 2#Abac 5:22; Yow 2:5.Humvikana inyobozo, n’uguhinda kw’amakurudumu abomborana, n’imirindi y’amafarasi agenda yiginagura, n’uguhinda kw’imikogote y’intambara isimbagurika; 3uwisuka mu rugamba ari kw ifarasi, inkota ziravya indimi, amacumu aca ibibatsi, abishwe n’indiri, har’ ibirundo vy’imirambararo, imivyimba ntiyoharūrika, ingabo zitsitara ku mivyimba yabo! 4#Yes 47:9, 12; Ivyah 17:2; 18:3.Ivyo vyose vyatewe n’ubusambanyi burenze urugero bga maraya ateye igomwe, umurozikazi w’umuhanga, aresha amahanga kubg’ ubusambanyi bgiwe, n’imiryango kubg’ uburozi bgiwe. 5#Yer 13:22; Hab 2:16.Ehe nzohigūra nawe, ni k’ Uhoraho Nyen’ ingabo agize; nzogukūrakw impuzu, mfate ku musozo ndenze ku mutwe wawe, nereke amahanga ubgambure bgawe, n’ibihugu ndavyereke ibiteye isoni vyawe, 6#Mal 2:9; 1 Kor 4:9.ngutere ivyatsi, nguhindure agashinyo, nkugire akabarore. 7#Yer 15:5; 51:9; Zef 2:13.Nukw abazokurāba bose bazoguhunga, bati Ninewe harageseye! Ni nde azoharirira? Nokūra hehe abo kukwirura?

8 # Ezk 29:3; Am 6:2. Mbega har’ ico urusha No‐Amona, hāba hagati y’inzūzi, amazi akahubakira nk’urugo, kand’ ikiyaga kikahahindukira uruzitiro? 9#2 Ngo 12:3; Dan 11:43.Isinzi ry’Abanyetiyopiya n’ Abanyegiputa ni bo bār’ inkomezi zaho; Abaputi n’Abalubimu bār’ abatabazi baho. 10#Yes 13:16; 20:4; Yow 3:3.Ariko hāranyazwe, hajanwa ar’ inyagano; n’ibibondo vyaho vyāhondaguriwe mu mayirabiri yose: n’abanyacubahiro baho bābagabanganishije ubupfindo, n’abahambaye baho bābabohesheje iminyororo. 11#Zab 75:8; Yer 25:17, 27.Nawe n’uko, uzoborerwa, uje kwinyegeza; kand’ uzokwironderera ubuhungiro kubg’ abansi. 12#Ivyah 6:13.Amaboma yawe yose azoba nk’ibiti vy’imisukoni, birikw insukoni z’isega: iyo binyiganyigijwe zigahungurukira mu kanwa k’ umuryi. 13#Yes 19:16; Yer 51:30.Eh’ abantu bawe bari muri wewe bameze bga bagore; amarembo y’igihugu cawe yugururiwe abansi bawe: umuriro watōngōye imyugariro yawe. 14#Yes 22:11.Enda ni wivomere amazi azomara igihe uzoba wugarijwe; amaboma yawe n’uyakomeze; ja mw ibumba, ukāte urwondo; fata iforoma ry’amatafari. 15#Yow 1:4, 6; 2:3.Aho ni houmuriro uzogutōngōrera; uzotikizwa n’inkota, ikurye nk’ukw intoteza zirya. Enda ni wigwize nk’intoteza, n’ugwire nk’inzige! 16Abadandaza bawe wabagwijije kurusha inyenyeri zo kw ijuru; bameze nk’inzige zizingurura amababa yazo, zikigurukira! 17#Yes 10:8; Yer 51:27.Abagaba bawe bameze nk’inzige, n’ abagabisha bawe bameze nk’intoteza zāraraye ku mirombero mu kabeho k’umugoroba, maz’ izuba ryarasa zikigurukira, kandi nta wuba akimenya aho zaroye. 18#1 Abam 22:17; Zab 76:5.Ewe kuntu abungere bawe bisinziriye, ga mwami wa Ashuri; abanyacubahiro bawe bakiruhukira! Abantu bawe bāsābagiriye ku misozi, kandi nta wo kubegeranya. 19#Yes 37:18; Int 2:15; Zef 2:15.Uruguma rwawe nta kōyōkwe rugira; igikomere cawe ntikizokira: abumvise inkuru zawe bose bakubita amashi ku yandi; mbega ni nde utāhora ugirira nabi?

Currently Selected:

Nahumu 3: RUN1967

Highlight

Copy