Nahumu 2

Uguterwa kwa Ninewe

1 # Yer 51:12, 20. Ūjonjanga arakudūgiye: mera magabo ku ruzitiro rw’amabuye, shibama mu nzira, kenyera zigume, iyungunganye uk’ ushoboye kwose! 2#Yes 5:1-7.Kuk’ Uhoraho agarukanye icubahiro c’aba Yakobo, nk’icubahiro c’Abisirayeli; kukw abasahuzi babasahuye, bagahanyagura amashami y’imizabibu yabo. 3Inkinzo z’abahizi biwe ziratukura, intōre ziwe zambaye iz’ agahama: ivyuma vy’imikogote yiwe y’intambara birakayangana ku musi wo kwitegura kwiwe, amacumu arikw aranyugutwa. 4#Nah 3:2.Imikogote y’intambara igenda akābushūngwe mu mayira, igenda iranyuranwa mu nzira z’ibihamo; uyibonye wogira ngo n’imuri, yidunya nk’umuravyo. 5#Yer 46:12.Ahamagara abahizi biwe, ariko bagenda baratsitara; bihutira kuja ku ruzitiro rwaho rw’amabuye, kandi bakitegura kwirwanira. 6#Yes 14:31; 45:1.Imigomero y’inzūzi iragomorowe, n’ingoro y’umwami irasenyeranye. 7#Yes 38:14.Umwamikazi yambitswe ubusa, ajanywe ar’ inyagano; incoreke ziwe zicura intimba nk’ inuma, zikagenda zirīshishitira. 8#Yer 46:5.Ninewe hameze nk’ikidengeri c’amazi gisenzwe: barasemerera, bati Hagarara, hagarara! ariko ntihagira ūhindukira. 9Ni musahure amafeza, musahure n’amazahabu, kukw itunga ririho ritimirije gushira, bo n’isinzi ry’ ibintu vyose vy’imbombovu bihimbaye. 10#Yes 13:7; 21:3; Dan 5:6; Yow 2:6; Zef 2:13-15.Hasigaye ubusa, barahogeje, bahasize ar’ umusaka; umutima wahavuyemwo, amavi arakomangana, ukwihebura kuhaciye umugongo, mu maso ha bose harajonjogoye. 11#Yer 2:15.Urwobo rw’intambge rwabaye iki, n’irīro ry’imigunza, ah’ intambge n’ingore yayo n’ivyana vyazo vyatahukira, ata co vyicura? 12#Nah 3:1.Ereg’ intambge yahora itabagura ivyo guhimvya ivyana vyayo, ikanigira ingore zayo, ikuzuza amasenga yayo ivyo yishe, n’ivyobo vyayo ivyo yasahuye. 13#2 Abam 19:9, 23; Zab 46:9; Ezk 13:8; Nah 3:5.Ehe nzohigūra nawe, ni k’Uhoraho Nyen’ ingabo agize, kandi nzoturira imikogote yawe y’intambara, itūmūke, kand’ inkota izoririka imigunza yawe y’intambge; nzokūrah’ ugusahura kwawe kw isi, kand’ ijwi ry’ intumwa zawe ntirizokwongera kwumvikana ukundi.

Currently Selected:

Nahumu 2: RUN1967

Highlight

Copy