Yesaya 11

Ivya Mesiya n’ubgami bgiwe bg’amahoro

1 # 1 Sam 17:12; Yer 23:5; Zek 3:8. Ku gishitsi ca Isayi hazobaduka agashami, kand’ umunago wanaze mu mizi yiwe uzokwama. 2#Yes 61:1; Mrk 1:10; Yoh 1:32; Ivyak 10:38.Mpwemu w’Uhoraho azoba kuri we, impwemu y’ubgenge n’iy’ ugutahura, impwemu yo kuja inama n’iy’ ubushobozi, impwemu y’ukumenya Uhoraho n’iy’ ukumwubaha. 3#Yoh 7:24.Ikizomuhimbara n’ukwubaha Uhoraho; ntazocira urubanza ku bipfa kubonekera amaso yiwe, kandi ntazorushinga ku vyo apfa kwumvisha amatwi; 4#Zab 72:2, 4; Mal 4:6; 2 Tes 2:8.arikw azocira aboro imanza zibereye, kand’ azoshinga urw’ abaciye bugufi bo mw isi mu kuri: azokubitisha isi inkoni ivuye mu kanwa kiwe, kand’ abanyakibi azobīcisha impwemu ziva mu minwa yiwe. 5#Ef 6:14.Ubugororotsi buzomubera umukanda mu rukenyerero, mber’ ukwizigirwa kuzomubera umukanda mu mafyinga. 6#Hos 2:18.Ibingira rizobana n’umwagazi w’intama, n’ingwe izoryamana n’umwagazi w’impene, n’inyana n’umugunza w’intambge n’ishūri ishishe bizobana, kand’ umwana mutoya ni we azobishorera. 7Inka izorishanya n’igikōko citwa idubu: izazo zizoryama hamwe, kand’ intambge izorisha ubgatsi nk’inka. 8Umwana yonka azokinira ku mwobo w’imamba, n’umwana acutse azoshira ukuboko ku mwimba w’imvuvyi. 9#Yes 65:25; Hab 2:14.Hose ku murwa wanje wera ntihazoba hakir’ ibiryana cank’ ivyica; kuko kumenya Uhoraho kuzoba kwuzuye mw isi, nk’ukw amazi abugereye mu kiyaga.

10 # Yes 49:22; Rom 15:12. Maze kur’ uwo musi igishitsi ca Isayi kizoba gihagaritswe no kubera amoko ibendera, ico gishitsi ni co amahanga azobariritsa: kand’ uburuhukiro bgiwe buzogira icubahiro.

Imana izosubiza Abisirayeli mu gihugu cabo

11 # Yes 27:13; Yer 44:1; Zek 10:10. Kandi kur’ uwo musi Umwami Imana azotuma ukuboko ubugira kabiri, kugarukana amasigarira y’abantu biwe, abazoba bagisigaye, abakūre muri Ashuri no muri Egiputa n’i Patirosi n’i Kushi no muri Elamu n’i Shinari n’i Hamati no mu bizinga vyo mu kiyaga. 12#Yes 56:8; Yoh 7:35.Kand’ azoshingira amahanga ibendera, akoranirize hamwe abāri birukanywe bo mu Bisirayeli, akumakumire hamwe Abayuda bagiye isābagire, abakūye ku mfuruka zine z’isi. 13#Yes 9:21; Ezk 37:16, 17.Ishari ry’Abefurayimu na ryo rizoshira, n’urwanko rw’Abayuda ruzokūrwaho: Abefurayimu ntibazoba bakigirira Abayuda ishari, kand’ Abayuda ntibazoba bakigirira Abefurayimu urwanko. 14#2 Sam 8:1, 2, 14; 12:26; Yer 49:28.Bazohwikira Abafilisitiya b’i burengerazuba, babagwe ku gakanu, bazokwifatanya banyage ab’i burasirazuba; bazorāmvura ukuboko bacakire Abanyedomu n’Abanyamowabu; Abamoni bazobayoboka. 15#Yes 7:20.Uhoraho azokamya rwose ikigobe c’ikiyaga ca Egiputa, azozana umuyaga wiwe ururumba, abāngīrire ukuboko rwa Ruzi, arukubite arucemw’ imigezi ndwi, maz’ ajabutse abantu batarinze gukūra inkweto. 16#Kuv 14:29; Yes 19:23.Kandi hazoba inzira y’iroro y’amasigarira y’abantu biwe, abazoba bagisigaye, iva muri Ashuri, nk’iyo Abisirayeli bābonye hamwe bādūga bava mu gihugu ca Egiputa.

Currently Selected:

Yesaya 11: RUN1967

Highlight

Copy