Abarumi 3

1Gaki rende, Omoyahudi inki abuete abande? Na okwaroka inki kogwenerete? 2Nkogwenerete mono ase kera enchera. Ritang’ani, Abayahudi mbegenetwe konyora ring’ana ria Nyasae. 3Inki rende onye abande tibari abegenwa? Inee! Ogotegenwa kwabo nakonyaare gokora obwegenwa bwa Nyasae bobe bosa? 4#Zab 51:4Yaya, taibo! Goika Nyasae amanyekane ng’a nomonyene ekeene, nonya ’nkera omonto ore omorimo, buna eriikire,

“Erinde omanyekane ng’a mboronge ore ase amang’ana ao, na obue ekero ogosoa ase ekiina.”

5Korende ker’abe ng’a obobe bwaito bokoorokia oboronge bwa Nyasae, inki torateebe rende? Nyasae noy’otari omooronge ekero akorenta endamwamu? (Nakwanire buna Mwanyabaanto). 6Yaya, taibo! Onye nabo, inaki rende Nyasae aranyare kogaambia ense? 7Korende onye oboene obonge bwa Nyasae bwamentekire ase obonene bwaye ase engencho y’oborimo bwane, nase ki inche nonya mbono nkona‐kogambigwa buna omonyene ebibe? 8Inaki rende totagokora obobe, erinde obuya boche? Buna abande bagoteeba ase ogotoitania. Okogambigwa kwabo nigo kore boronge.

Onde tari ore omooronge

9Ninki rende? Intwe Abayahudi n’abaya tore kobua abande? Yaya, nonya ng’ake! Inaki nasoereire Abayahudi amo n’Abagiriki ng’a bonsi nigo bare inse y’okobua kw’ebibe; 10#Zab 14:1-3; 53:1-3buna eriikire ng’a,

“Onde tari omonyene oboronge, nonya noyomo;

11onde tari okomanya,

onde tari okorigia Nyasae.

12Bonsi bachiire bogeeka korwa ase Nyasae, bonsi babeire bosa;

onde tari oy’ogokora amaya, nonya n’oyomo.

13 # Zab 5:9; Zab 140:3 Emioyo yabo noboina bwasie,

ase emenwa yabo nigo bagokwana obong’ainereria,

obosongo bwe ching’iti nigo bore ase ebikoba bi’emenwa yabo.

14 # Zab 10:7 Emenwa yabo yaichoirwe nokoragereria na obororo,

15 # Isaya 59:7,8 amagoro abo nigo are amaango ase ogoitera amanyinga,

16obosareku na emechando nigo bire ase chinchera chiabo.

17Enchera y’omorembe tibayemanyeti.

18 # Zab 36:1 Okomoiroka Nyasae tikori ase amaiso abo.”

19Twamanyire ng’a amang’ana onsi agokwanwa n’amachiiko nigo agokwanwa ase baria bare inse y’amachiiko, erinde kera omonwa osiekwe, na ense yonsi ebekwe inse ase ekiina kia Nyasae. 20#Zab 143:2; Abagl 2:16Inaki ase ogokora kw’amachiiko onde tari ase Mwanyabaanto oranyare konyora oboronge ase obosio bwa Nyasae, ekiagera amachiiko n’aro akorenta okomanya ebibe.

Buna tokobekwa boronge ase Nyasae

21Korende bono oboronge bwa Nyasae bwaorokigwe machiiko ataiyo, obwaberetwe kirori namachiiko na ababani, 22#Abagl 2:16engencho yaye oboronge bokorwa ase Nyasae obo bogocha ase enchera y’okomwegena Yeso Kristo ase bonsi abegenete. Inaki gwatananekana tikori, 23ekiagera bonsi bakorire ebibe, na baremeirwe n’obonene bwa Nyasae; 24baeirwe oboronge buna ekeegwa ase obuya bwaye, ase enchera y’okoboorigwa kore ime ase Kristo Yeso. 25Ere Nyasae omobekire koba ekeng’wanso gi’okobwatania ase amanyinga aye, erinde tomonyoore ase enchera y’okwegena. Igo Nyasae oorokirie oboronge bwaye, ekiagera ase okoremereria kwaye atigete ebibe biria biatang’anete. 26Ekero ekeiga oorokirie ng’a ere nomonyene oboronge, naende nere okomoa oboronge oyo okomwegena Yeso.

27Ng’ai rende ogwetogia gwaito kore? Kende tikeri. Ase ogochika ki? Ase ogochika kw’ogokora? Yaya, korende ase ogochika gw’okwegena. 28Naboigo, tokobara ng’a omonto nigo akoegwa oboronge ase okwegena kore ao nogokora kw’amachiiko. 29Gose Nyasae nigo are Nyasae bw’Abayahudi boka? Tari Nyasae bw’Ebisaku boigo? Ee, ere ’Nyasae bw’Ebisaku boigo. 30#Okoir 6:4; Abagl 3:20Inaki Nyasae noyomo, oranyare koa Abayahudi oboronge ase okwegena, na abanto b’ebisaku ase enchera y’okwegena. 31Inee! Ntwaonchoire amachiiko abe bosa ase okwegena okwo? Yaya, taibo! Nigo togwanchera amachiiko.

Currently Selected:

Abarumi 3: EKGE

Highlight

Copy