Popular Bible Verses from Abarumi 3

Share

ekiagera bonsi bakorire ebibe, na baremeirwe n’obonene bwa Nyasae; baeirwe oboronge buna ekeegwa ase obuya bwaye, ase enchera y’okoboorigwa kore ime ase Kristo Yeso.

engencho yaye oboronge bokorwa ase Nyasae obo bogocha ase enchera y’okomwegena Yeso Kristo ase bonsi abegenete. Inaki gwatananekana tikori

Ere Nyasae omobekire koba ekeng’wanso gi’okobwatania ase amanyinga aye, erinde tomonyoore ase enchera y’okwegena. Igo Nyasae oorokirie oboronge bwaye, ekiagera ase okoremereria kwaye atigete ebibe biria biatang’anete. Ekero ekeiga oorokirie ng’a ere nomonyene oboronge, naende nere okomoa oboronge oyo okomwegena Yeso.

Inaki ase ogokora kw’amachiiko onde tari ase Mwanyabaanto oranyare konyora oboronge ase obosio bwa Nyasae, ekiagera amachiiko n’aro akorenta okomanya ebibe.

buna eriikire ng’a, “Onde tari omonyene oboronge, nonya noyomo; onde tari okomanya, onde tari okorigia Nyasae. Bonsi bachiire bogeeka korwa ase Nyasae, bonsi babeire bosa; onde tari oy’ogokora amaya, nonya n’oyomo.

Naboigo, tokobara ng’a omonto nigo akoegwa oboronge ase okwegena kore ao nogokora kw’amachiiko.

Yaya, taibo! Goika Nyasae amanyekane ng’a nomonyene ekeene, nonya ’nkera omonto ore omorimo, buna eriikire, “Erinde omanyekane ng’a mboronge ore ase amang’ana ao, na obue ekero ogosoa ase ekiina.”