Mariko 8

Okoragerigwa kw’ abanto chilifu inye

(Mat 15:32-39)

1Ase amatuko aria ekero omoganda omonene osangererekanete, na barabwo tibarenge na gento bakoria, Yeso akarangeria aborokigwa baye, akabateebia, 2“Naroreire abanto aba amaabera, ekiagera barabwo babeire amatuko atato baikaransete amo nainche batari na gento bakoria; 3ninsa koa abanto aba ribaga bagende chinsobo n’enchara, nabagoye ’nchera, na abande ase egati yabo ng’are barwete.” 4Aborokigwa baye bakamoiraneria, “Inaki omonto aranyare koigotia abanto aba, na aiga nerooro?” 5Yeso akababoria, “Emegati nerenga mobwate?” Bakamoiraneria, “Netano na ebere.” 6Agachiika omoganda oikaranse inse, akabogoria emegati eria etano na ebere. Kayesesenirie, akayesamunyora, akaa aborokigwa baye bayebagere abanto, na barabwo bakayegagera omoganda. 7Igo barenge ne chinswe chinsinini nke igo. Gachisesenirie, akabora, “Nechi bagagere”! 8Bakaria, bakaigota; bagasangereria ebisamunye ebiatigarete, ebitonga bitano na bibere. 9Na barabwo nigo barenge ang’e chilifu inye (4,000). 10Akabaa ribaga bagende, na erio bwango akariina obwato amo naborokigwa baye, akagenda chinsemo chia Dalumanuta.

Abafarisai bakoboria baorokigwe egekone

(Mat 16:1-4; Luk 12:54-56)

11 # Mat 12:38; Luk 11:16 Abafarisai bakaoroka, bagachaaka koamererania na Yeso, bakarigia aborokie egekone buna ekemanyererio korwa igoro, bakomoteema. 12#Mat 12:39; Luk 11:29Agaichana ase omoika oye, akabora, “Inaki ekegori eke gekorigia egekone? Ekeene nabateebirie: Ekegori eke tigekoegwa egekone buna eke.” 13Akabatiga, akariina obwato naende, akamboka ng’umbu.

Yeso ogotogonyera obouko bw’aborokigwa

(Mat 16:5-12)

14Aborokigwa bakeeba koirana emegati; nonya nase obwato tibarenge na gento, otatiga omogati oyomo bwoka. 15#Luk 12:1Yeso akabachiika, akabora, “Rigereria, mwerende nememera y’Abafarisai na ememera ya Herode.” 16Bakaamererania barabwo ase barabwo, bakobora, “Nigo agokwana igo ase engencho totari n’emegati.” 17Yeso akamanya aya, akabateebia, “Inaki mokoborania, ekiagera motari nemegati? Timokoinyora gose timokomanya? Chinkoro chiaino nigo chire chinkong’u goika bono? 18#Yer 5:21; Ezek 12:2; Mar 4:12’More namaiso, ko timori korora? ’More namato, ko timori koigwa? Gose timoinyoreti? 19Ekero nasamunyorete emegati eria etano nkaa baria chilifu isano, ebitonga mbirenga mwasangererete biichire ebisamunye?” Bakamoteebia, “Ikomi na bibere.” 20“Na eria etano na ebere nkaa baria chilifu inye, ebitonga mbirenga mwasangereretie biichire ebisamunye?” Bakamoteebia, “Mbitano na bibere.” 21Akabateebia, “Inaki motaramanya?”

Yeso okogwenia omonto omouko agwo Bethisaida

22Bagaika Bethisaida. Bakarentera Yeso omonto omouko, bakamosorora amokune. 23Yeso akabwata omouko oria okoboko, akamoira isiko y’ekenyoro, Kamotwereire amate ase amaiso, akabeeka amaboko aye igoro asare, akamobooria, “Kwarorire gento?” 24Omouko oria akarigereria igoro, akabora, “Narorire abanto, ko nigo banga buna emete bakogenda.” 25Erio naende Yeso akabeeka amaboko aye igoro ase amaiso aye. Omouko oria akarigereria mono, akagwena, akarora ebinto bionsi buya. 26Yeso akamoteebia, “Genda bwoo, tosoa nonya nekenyoro!”

Okoorokia gwa Petero ng’a Yeso nere Kristo

(Mat 16:13-20; Luk 9:18-21)

27Yeso agasoka amo naborokigwa baye, bakagenda ebinyoro bia Kaisaria Filipi. Ekero baare nchera akaboria aborokigwa baye, “Abanto nigo bakobora ng’a ninche ning’o?” 28#Mar 6:14,15; Luk 9:7,8Bakamoiraneria, “Yohana Omobatisi; na abande: Elija; na abande: Oyomo ase ababani.” 29#Yoh 6:68,69Akababoria, “Nainwe nigo mokobora ng’a ninche ng’o?” Petero akamoiraneria, “Aye naye Kristo.” 30Erio Yeso akabatianera tibateebia monto amanya amang’ana aye.

Yeso okobana ogokwa na okobokigwa kwaye

(Mat 16:21-23; Luk 9:22)

31Erio Yeso agachaaka koborokereria, ng’a negwenerete Omwana-o-Mwanyabaanto anyore ogochandeka ase chinchera chinyinge, na kwangwa nabagaaka na abakuani abanene, na aborokia b’amariiko, na goitwa, na magega y’amatuko atato nabooke. 32Agakwana amang’ana aya maiso marore. Petero akamoira ensemo, agachaaka komokania. 33Yeso akeonchora, akarigereria aborokigwa baye, agatogonyera Petero, akabora, “Irana magega y’ane Saitani, ekiagera tori ase ensemo ya Nyasae, korende nase Mwanyabaanto.”

Okorangerigwa kw’ogwekeyia omonyene

(Mat 16:24-28; Luk 9:23-27)

34 # Mat 10:38; Luk 14:27 Erio Yeso akarangeria omoganda na aborokigwa baye, akabateebia, “Oyorigetie gontunyana, tiga ekaane ere omonyene, etweke omosalaba oye, antunyane. 35#Mat 10:39; Luk 17:33; Yoh 12:25Inaki onde bwensi orarigie koegera obogima bwaye, oyio nabosirie; na oyorasirie obogima bwaye ase engencho y’ane, na ase engencho y’enchiri, oyio naboegere. 36Ninki eragwenere omonto konyora ense yonsi, ko asirie omoyo oye? 37Gose inki omonto ararue ribaga ri’omoyo oye? 38Inaki oyio oranyare kondorera obosooku inche, na amang’ana aane, ase ekegori eke ki’obotomani na ebibe, Omwana-o-Mwanyabaanto namororere obosooku ere, ekero agocha n’obonene bwa Ise amo nabamalaika abachenu.”

Currently Selected:

Mariko 8: EKGE

Highlight

Copy