Matayo 10

Aborokigwa ikomi na babere

(Mar 3:13-19; Luk 6:12-16)

1Yeso akarangeria aborokigwa baye ikomi na babere bache asare, akabaa okobua ase ebirecha ebibe na kobiseria, na kogwenia amarwaire onsi na oboreu bwonsi. 2Na amarieta abotomwa baria ikomi na babere naro aya: Oyo bw’eritang’ani, Simioni, oyio ore korokwa naende Petero, na Anderea momura omwabo; Yakobo, omwana o Zebedi na Yohana momura omwabo; 3Filipo na Batholomayo; Thomas na Matayo, omorusia ebango; Yakobo bw’Alufayo na Tadayo; 4Simioni omoKaanani, na Yudasi Iskariota, ere oria omoruete.

Emeremo ya baria ikomi na babere

(Mar 6:7-13; Luk 9:1-6)

5Aba ikomi na babere Yeso akabatoma, akabachiika, “Timogenda enchera ende yonsi y’ abanto b’Ebisaku, timosoa nonya nomochie onde bwonsi bw’Abasamaria, 6korende mbuya mochiere ching’ondi chinsiru chi’enyomba ya Israeli. 7Na inwe ase okogenda kwaino, randia, moteebe: Oborwoti bwa igoro bwaikire ang’e. 8Abarwaire bagwenie, abakuure babokie, abare noborwaire bwa ukoma basibie, na ebirecha birusie. Mwaeirwe bosa, nainwe karue bosa. 9Timobogoria chitaabu, gose chifeta, gose chitaai ase ebimoya biaino, 10#1 Abakr 9:14; 1 Tim 5:18gose esaro ase orogendo, gose chianga ibere, gose ebikoroto, nonya nenyimbo, ekiagera omokori emeremo nagwenerete endagera yaye. 11Na omochie onde bwonsi morasoe, na ase ekenyoro gionsi, morigie ning’o ogwenerete aroro, mobeere nere goika moruo. 12Ekero mogosoa enyomba eria, yekwanie. 13Onye enyomba eria egwenerete, tiga omorembe oino oyeikere; ko onye tegwenereti, omorembe oino nobairanere inwe. 14#Ogok 13:51Onye onde tari orabaroisie inwe, gose koigwa amang’ana aino, kamokorua enyomba eria gose omochie oria, orotu rw’amagoro aino morokong’ontereo. 15#Mat 11:24; Omoch 19:24-28#Luk 10:4-12Nekeene nabateebirie: Nebe aororo ase Sodomu na Gomora ase rituko ri’ekiina kobua ase omochie oria.

Ogochandwa kogochia gocha

16 # Luk 10:3 “Rigereria, nabatomire inwe buna ching’ondi gati‐gati ye chisese chi’orosana. Ase ayio mobe abang’aini buna ching’iti, na abororo buna amaruma. 17#Mar 13:9-11; Luk 12:11,12; 21:12-15Inwe mwerende ase Mwanyabaanto, ekiagera barabwo nabaabaire ase ebigambero, babang’wanie emecharichi ase chisinagogi chiabo. 18Na inwe namoirwe ase abagabana na ase abarwoti ase engencho y’ane, koba kirori ase bare na ase abanto b’Ebisaku. 19Ekero bakobaira, timoichana buna mogochia koiraneria, gose eki mogochia gokwana, ekiagera ase ekero keria inamoegwe aya morakwane; 20inaki tari inwe morakwane, korende n’Omoika o Iso oino orakwane goetera ase more. 21#Mar 13:12; Luk 21:16Na momura omwabo omonto narue oyomwabo, erinde aitwe, na ise nomwana oye, na abana nabaimokere abaibori babo babaite, 22#Mat 24:9; Mar 13:13; Luk 21:17; Mat 24:13; Mar 13:13na inwe namogechwe n’abanto bonsi ase engencho y’erieta riane, korende oyoraaremererie goika omoerio, oyio natooreke. 23Ekero barabwo barabachande ase omochie oyomo, motame gochia ase oyonde; nekeene nabateebirie: Timogokoora emechie y’Abaisraeli Omwana-o-Mwanyabaanto ataracha.

24 # Luk 6:40; Yoh 13:16; 15:20 “Omworokigwa tari omonene kobua Omworokia oye, gose omosomba tari omonene kobua omonene oye. 25#Mat 9:34; 12:24; Mar 3:22; Luk 11:15Yamoisanire omworokigwa koba buna Omworokia oye, na omosomba buna omonene oye. Inee! Onye bamorogete omonyene enyomba Beelizebuli, tibakobachecheria baria b’enyomba yaye mono komobua ere?

Oyogwenerete koirokwa

(Luk 12:2-9)

26 # Mar 4:22; Luk 8:17 “Ase ayio, timoiroka baria, ekiagera ing’ana rinde tiriri ribisire ritache koorokigwa, gose erikenganete ritache komanyekana. 27Eri nkobateebia ase omosunte ime, ritebe ase omobaso; na eri mokoigwa rikomonywa, rirarie igoro ase ebirama. 28Timoiroka abagoita omobere, abatanyare goita omoyo; kobua moiroke oyo oranyare goita omobere na omoyo ase omorero o kare na kare. 29Inee! Chinchiro#10:29 Chinchiro: enyoni ibere tichiri koonigwa ase ebesa eyemo? Naende nonya nakamo kabo tigakogwa inse, Iso oino atancheti. 30Korende nonya nechitukia chionsi chi’emetwe yaino chiabarirwe. 31Ase ayio, timoiroka; inwe imobuete rigori rie chinchiro chinyinge. 32Inaki kera omonto oranyatore ase Mwanyabaanto, nainche boigo nimwatore ase Tata one ore igoro, 33#2 Tim 2:12korende oyorankane ase Mwanyabaanto, nainche nimokane ase Tata one ore igoro.

Tari omorembe korende n’omoyio

(Luk 12:51-53; 14:26-27)

34“Timokaga ng’a nigo naachire korenta omorembe ase ense; tincheti korenta omorembe, korende omoro bw’eseegi. 35#Mika 7:6Eke nacheire nakio eke: nogwatanana omonto na ise, omwana omoiseke na ng’ina, na moka momura na ng’ina biara. 36Na abanto b’enyomba y’omonto inababe ababisa baye. 37Oyo bwanchete ise gose ng’ina kombua, oyio tangwenereti, na oyo bwanchete omwana oye omomura gose omoiseke kombua, oyio tangwenereti. 38#Mat 16:24; Mar 8:34; Luk 9:23Na oyo otabogoreti omosalaba oye na gontunyana, tangwenereti. 39#Mat 16:25; Mar 8:35; Luk 9:24; 17:33; Yoh 12:25Oyorarigie koegera obogima bwaye nabosirie, na oyorasirie obogima bwaye ase engencho y’ane nabonyore.

Eng’eria

40 # Luk 10:16; Yoh 13:20; Mar 9:37; Luk 9:48 “Oyobanchire inwe, onyanchire na inche, na oyo oranyanche inche, omwanchire ere oyontomete. 41Oyobwanchire omobani ekiagera ere nomobani, nanyore eng’eria y’omobani; na oyo bwanchire omonto omooronge ekiagera ere nomonto omooronge, nanyore eng’eria y’omonto omooronge. 42Inaki onde bwensi oramoe oyomo obo bw’aba abake egekombe kiamaache amakendu ekiagera are omworokigwa one, nekeene nabatebirie: Takoyesiria eng’eria yaye nonya ng’ake.”

Currently Selected:

Matayo 10: EKGE

Highlight

Copy