Zekaria 6
6
1Anini ammalle olmillad'e, maro tana gaari afuri, ka jiddu gaara sibiila daalacha lama gabahu, arge. 2#Mul 6.4,5 Gaari qara fardoole dadaamati hirkisa, ka lameeso guguraatiti hirkisa, 3#Mul 6.2 ka sadeeso bororati hirkisa, ka afreeso dadaamititi hirkisa. 4Jennaani anini malaikaani, Aabbo, wonti kunini maani? jed'e gaafad'e.
5 #
Mul 7.1
Isiini waan naani jette, Kunini qilleensa afuri, ka ammumatana abba lafa ch'ufa iraa d'ufe.
6Gaariini fardooleeni guguraatiini hirkiftu mirga qajeele, ka fardo borora ila galchu qajeele, ka fardo daamicha bita qajeele. 7Fardooleeni daamooti akuma gabaateeni, hurifte lafa keesa yaate sot'e. Malaikaani waan jetteeni, Beena, lafa keesa yaa, soqa, wo barbaada. Duuba worri iti d'aabate. 8Jennaani malaikaani iyyite waan naani jette, Fardi mirga qajeele yayu dallansu AABBO Waaqaa qabaneese.
Aka ruufa hayyumaa Yoshua ira kayani
9AABBO Waaqi na yaame waan naani jed'e, 10Waan Heldaifi Tobiafi Yedayaani worri boojiani baasu fud'ad'u, kai, hojuma suni deemi, mana Yosia, ka ilma Sefania, d'aqi. Worri kuni ch'ufti lafa boojiani iti geesani ta Babiloniti dachae. 11Qarsifi worqi worri d'ufeeni sunini ruufa mid'aasi, mata qaallicha gudda Yoshua, ilma Yehosadaki jed'ani ira kayi. 12#Yer 23.5; 33.15; Zek 3.8 Duuba waan jettuuni, AABBO Waaqi Guddaani waan jed'u, Namichi Dame jed'ani sunini aka dansaa fulla jiru suniiti late bahe Mana AABBO Waaqaa jaara. 13Nami Mana Waaqaa jaare guddinna hayyu argate gosa ufii fidu isuma. Qaallichi toko barch'uma isaa ka hayyu d'aatu eje, wold'agayani woliini taani. 14Duuba ruufti suni Heldaifi Tobiafi Yedayafi Yosiaa qaabacha taati, Mana AABBO Waaqaa keesa.
15Nami lafa fagooti d'ufe ijaarsa Mana Waaqaa qarqaara. Eegi jaarani, aka AABBO Waaqi Guddaani na erge beetani. Yo isani seera AABBO Waaqa keesani aka dansaa guuttani, wonti kuni ch'ufti intaati.
Aka nama waan d'araati ufi agabse iraa dubbatani
Currently Selected:
Zekaria 6: BOR
Highlight
Share
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.
