Luka 10
10
1Eegi waan kana Aabbooni nama torbaatami lama d'ibi fohate, lama lamaani lafa inni d'aqu fed'u ch'ufa ufi dura erge. 2#Mat 9.37-38 Inni waan worraani jed'e, Mid'aani murani guddo, ammo nami muru diqa; tanaafi abba mid'aani kad'ad'a, aka nama mid'aani muru oobruti ergu. 3#Mat 10.16 Kara qabad'a, anini aka ilmoole hooliye yeyi keesa isani erga. 4#Mat 10.7-14; Mar 6.8-11; Luk 9.3-5 Borsa imfud'atiina, subba yokhaani kopele, nama karaati argitani nagaya imfud'iina. 5Mana seentani ch'ufaani, Waaqi nagaya isani kenniina jed'a. 6Yo nami nagaya fed'u achi jiraate, nageenni keesani isa woliini taa; ammo yo injirre isaniti deebia. 7#1 Kor 9.14; 1 Tim 5.18 Manuma suni keesa tataa, waan isanii kennani ch'ufa nyaad'a d'uga, wonti akanatiifi nami wo hojatu wo argachu male. Mana d'ibi induudiina. 8Dira duuddani ch'ufa yo isani yaamani, waan isanii kennani ch'ufa soorad'a; 9nama fayya intahiini fayyisa, Finni Waaqa la isaniti d'iaate jed'aani. 10#Huji 13.51Ammo dira keessumooma ira inargatiini ch'ufa, kara isa gula yaa, waan jettani, 11Awaara dira keesani ta faana teennati qabatte nu isaniti hat'aanna; ammo waan kana beekha, Finni Waaqa ya d'iaate. 12#Uum 19.24-28; Mat 11.24; 10.15 Waan anini isaniti himu, Guyya Muumme diri Sodoma dira suni ira gooma.
Gaargala dira ind'ugefanne
(Matayo 11.20-24)
13 #
Isa 23.1-18; Eze 26.1—28.26; Yoe 3.4-8; Amo 1.9-10; Zek 9.2-4 Gaargala kanke dira Korazini! Gaargala kanke dira Bethsaida! Ato sila huji gugurdo isani keesati tolchani suni Tirofi Sidoni keesati tolchani, worri arra kale daba iraa deebie ch'arqi naqate daara ufi indibiini. 14Ammo gaafa qorsuma Waaqi fulla isaanii nahu, dira Tirotiifi ka Sidoniti naha. 15#Isa 14.13-15 Dira Kapernaumu, ehayi, gubbati ufi olfuud'u feeta? Ammo qile si buusani!
16 #
Mat 10.40; Mar 9.37; Luk 9.48; Yoh 13.20 Nami isani d'agayu nale d'agaya, ka isani didu nale dida; ammalle ka na didu nama na erge dida.
Deebia jara torbaatama
17Jari torbaatami Lamaani kaani gammadaani gale waan jed'e Aabbo, jinnileeni nuu sarmiti maqa kanketiini. 18Inni waan jed'eeni, Anini Sheet'ana aka angaasu gubba gadi buu arge. 19#Far 91.13 Ch'aqasa anini yayu humna isanii kenne aka bofafi qaanjibu ira ejaanjatani, ammalle irre nyaapa sunile ira ejaanjateniini; wonti tokoleeni isani intut'u. 20Ammo waan jinniini isani sarmitufi ingammadina, ammo maro maqa keesani gubbati t'aafanifi gammada.
Yesoni galata Waaqaa deebisa
(Matayo 11.25-27; 13.16-17)
21Hojuma suni inni gammada Lubbu Qulqullotiini waan jed'e, Galata si deebisa, Aabbo, Abba lafafi gubba, waan atini waan kana qarofi nama wo beekhu d'ossite ijoolle didiqo garsiifteefi. Ee, Aabbo, wonti akana kuni fed'i tanteti.
22 #
Yoh 3.35; 10.15 Abbaani kiyya yayu waan ch'ufa nati kenne: nami tokoleeni ka Ilma beekhu injiru Abba male, ammalle ka Abba beekhu injiru Ilmaafi nama Ilmi garsiisu fed'u male.
23Jennaani Yesoni jara ufiti garagale d'ossaani waan jed'eeni, Ayyaana ila waan isani argitani argatu. 24Wonti akanatiifi anini isaniti hima, raagootafi hayyooti hedduuni waan isani argitani kana argu feete ammo d'ad'abde, ammalle waan isani d'ageetani kana d'agayu feete ammo d'abde.
Mammaasa nama Samaria dansa toko
25 #
Mat 22.35-40; Mar 12.28-34 Jennaani namichi Seera beekhu toko, aka sila Yeso ilaalatu, olkae waan jed'eeni, Aabbo, maal tolchu male aka jireenna hegeri argad'u? 26Yesoni waan jed'eeni, Seera keesati maal t'aafani? Maal soomta? 27#Law 19.18; Qab-Ser 6.5 Inni waan jed'eeni, Abba Waaqa kanke jaalad'u, garaa kanke ch'ufaani, lubbu tante ch'ufaani, jabeenna kanke ch'ufaani, qalbi tante ch'ufaani; ammalle nama ch'ufa aka ufi jaalatu jaalad'u. 28#Law 18.5 Inni waan jed'eeni, Aka dansa deebifte, akana tolchi, injiraata.
29Ammo inni ufi d'ugeesu fed'e waan Yesoni jed'e, Oboleesi kiyya eenufa? 30Yesoni waan jed'eeni, Nami toko Yerusalemu bahe Yeriko d'aqe; karaati harka shifta keesa, seene, woya isa ira baafatani, mata d'oosani, isa ch'ichu gahe lakisani kaani biraa yaani. 31Aka ayyaana qaallichi toko kara suni bahe; isa arginaani d'aatu dabre. 32Akasuma namichi Lawi tokoleeni fulla isaa geennaani arge bira dabre. 33#2 Od-dur 28.15 Ammo namichi lafa Samaria toko, ato kara deemu, isaani bahe; isa arge jennaani naheefi. 34Isati d'iaate, mada isaa hid'e, d'ad'afi qorsa dibe gaange ufi gubbaa kaye, Mana keessumatini d'ufe isa qorqorate. 35Boriyya qarsi lama baase abba manati kenne waan jed'eeni, isa qorqorad'u, hori atini iti darte deebieti sii baasa. 36Worra sadeeni kana keesa eenuti namicha harka shifta seene suni jaalate seeta? 37Inni waan jed'eeni, Namicha naheefi suni seha. Jennaani Yesoni waan jed'eeni, Beeni, atileeni akasi tolchi.
Marthafi Mariamu
38 #
Yoh 11.1 Ato yaanu, Yesoni olla toko seene; niitiini toko ta Martha jed'ani mana ufiti isa yaamte. 39Isiini oboleeti qabdi ta Mariamu jed'ani; Mariamuni miila Yeso jala teete dubbi isaa ch'aqafte. 40Ammo Marthani waan gololaatiini gaargalte; duuba isati d'ufte waan jetteeni, Aabbo, aka oboleetiini tiyya waan golola ch'ufa nati lakifte ingartu? Deemi isi qarqaari jed'iini. 41Ammo Aabbooni waan jed'eeni, Martha, Martha, atini waan hedduuni ufi gaargalchita, 42ammo waan toko ch'alla fed'ani. Mariamuni yayu waan ira dansa fohatte, isi iraa imfuud'ani.
Kad'acha Aabbo keenna
(Matayo 6.9-13; 7.7-11)
Currently Selected:
Luka 10: BOR
Highlight
Share
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.
