TAUNET 46
46
Kochortogei Jakobo Misri koboto bikab gonnyi
1Ak kinam banda anyun Israel koboto tugul che kitinyei, ak kiit Beer-seba ak kiigochi tiseiywek Kamuktaindet ne bo kwandanyi Isak. 2Ak king’alalji Kamuktaindet Israel eng’ ng’ang’utik che bo kemoi, kolenji, Jakobo, Jakobo, Ak kile, Ami yu. 3Ak kile, A Kamuktaindet, Kamuktaindet ne bo kwandang’ung’: ameiywei, ichortege iwe Misri; amu ayain iegu bororiet ne o eng’ oloto: 4ak achortege agane koboten awendi Misri; ak tun amutun iman itogosu kogeny; ak kotwae Josep eunnyi konyeguk.
5King’eet anyun Jakobo eng’ Beer-seba: ak kiimut werikab Israel Jakobo kwandanywa, ak lagokwak, ak osotikwak, eng’ karisiek che kiga koyok Parao si kobiit kimute inendet. 6Kikweri tukwak, ak kiib tugukwak che kiga konyor eng’ emetab Kanan, ak kiit Misri, Jakobo, koboto lagokyik tugul: 7werikyik ak tibikyik koboto mochogoronikyik che werik ak tibik, ak kiimut lagokyik tugul koba Misri.
8Chu kainaikab lagokab Israel, che kiit Misri, Jakobo ak werikyik: Reuben, werit ne bo tai ne bo Jakobo. 9Ak werikab Reuben chu; Hanok, Palu, Hesron, ak Karmi. 10Ak werikab Simeon chu; Jemuel, Jamin, Ohad, Jakin, Sohar, ak Shaul weritab Chepkananindet. 11Ak werikab Lawi chu; Gerson, Kohat, ak Merari. 12Ak werikab Juda chu; Er, Onan, Sela, Peres, ak Sera: ago kibek Er ak Onan eng’ emetab Kanan. Ak werikab Peres ko ki Hesron ak Hamul. 13Ak werikab Isakar chu; Tola, Pupa, Job, ak Simron. 14Ak werikab Sebulun chu, Seret, Elon, ak Jaleel. 15Chuto ko werikab Lea che kisikyi Lea Jakobo eng’ Padan-aram, koboto cheptanyi Dina: ki sosom ak somok werikyik koboto tibikyik.
16Ak werikab Gad chu; Sipion, Hagi, Suni, Esbon, Eri, Arodi, ak Areli. 17Ak werikab Aser chu; Jimna, Isba, Isbi, Beria, ak Sera chekametinywa: ak werikab Beria chu; Heber, ak Malkiel. 18Chuto ko werikab Silpa ne kiigochi Laban Lea cheptanyi, kisikyi Jakobo choto, ki bik taman ak lo. 19Chu werikab Rael osotiotab Jakobo; Josep ak Benjamin. 20Ak kigisikyi Josep eng’ emetab Misri Manase ak Epraim, che kisikyi Asenat cheptab Potipera tisiindet ne bo On. 21Ak werikab Benjamin chu; Bela, Beker, Asbel, Gera, Naaman, Ei, Ros, Hupim, ak Ard. 22Chuto werikab Rael che kisikyi inendet Jakobo: ki bik taman ak ang’wan.
23Ak werikab Dan ko Husim. 24Ak werikab Naptali chu; Jaseel, Guni, Jeser, ak Silem. 25Chuto ko werikab Bila, ne kiigochi Laban Rael cheptanyi, kisikyi Jakobo chuto: ki bik tisab tugul.
26Ak bik tugul che kiit Misri koboto Jakobo, ko ki bik tamanwogik lo ak lo che kimong’une bortab Jakobo, kobate osotikab werikab Jakobo. 27Ak werikab Josep, che kigisikyi eng’ Misri, ko ki aeng’: bik tugul che bo gotab Jakobo che kiit Misri, ko ki tamanwogik tisab.
28Ak kiiyokto Jakobo Juda kondoe inendet kwo oldab Josep, koarorji oret ne wendi Gosen; ak kiit anyun emonoto kiguure Gosen. 29Kichob anyun Josep karinnyi, ak kwo kotorokta kwandanyi Israel agoi Gosen; ak kiiborjigei Josep, ak kotoroigei, ak korir eng’ kaatinnyi konyil ak konyil. 30Ak kilenji Israel Josep, Kamee anyun, amu kaageer togeng’ung’, ak kaga taisobe kora. 31Ak kilenji Josep tupchosiekyik, ak bikab gotab kwandanyi, Katogoste anyun awe amwachi Parao, alenji, Kagobwanja werik che ketupche, ak bikab gotab baba, che kimi emetab Kanan; 32ak bichoto ko kayogik, ak icheget ko bikab tuga; ak kaget kechirekwak, tukwak ak tugukwak tugul che tinyei. 33Ak eng’ yoto anyun ye kuurok Parao, koteebenak kole, Boisieng’wong’ ko nee? 34Olenji, Achek otwogiguk ko ki bikab tuga koboch ko ki mengech agoi kora, achek, ak kwanisiekyok agichek; si kobiit omeny emet ne kiguure Gosen; amu chi age tugul ne iyagisiei ko ng’wan eng’ Misri.
Currently Selected:
TAUNET 46: BUKUIT
Highlight
Share
Copy
Want to have your highlights saved across all your devices? Sign up or sign in
God's word open for all
©Bible Society of Kenya, 2020
