BOISIONIKAB CHE KIYOKTOI 2

Konunetab Tamirmiriet ne Tilil

1Ak kingoitei betutab Pentekost, ko kimi tugul komosta agenge. 2Ak kimong’ eng’ sainato cheet ne bunu kipsengwet ko u usonet ne usei eng’ kimnatet ne o, ak kinyi got komugul ole kitebe. 3Ak kimong’ji ng’elyebwek che pcheotin, ko u che bo mat; ak kitebe age tugul eng’ ichek. 4Ak kinyi ichek tugul Tamirmiriet ne Tilil, ak kitoi kong’alale kutuswek alak, ko u ye kiigochi Tamirmiriet kong’alal.

5Ak kimi Yahudik che kimenyei Jerusalem, bik che kigonyiti Jehovah, che kibunu bororiet age tugul ne mi kureretab kipsengwet. 6Ak kingogas cheonoto, koyumgei tuiyet, ak kokwong’io, amu kigas chi tugul bichoto kong’alali eng’ kutinnyi. 7Ak kitang’any tugul ak kokwong’io, kolen, Ogeero, tos ma Galilik chu tugul ng’alaldos? 8Ak katepto ano si kegas achek chi tugul eng’ kutinnyo, ne kigisiktech? 9Partik ak Medoik ak Elamik, ak che menyei Mesopotamia, ak Judea ak Kapadokia, ak Ponto ak Asia, 10ak Prugia ak Pampulia, ak Misri ak komoswek che bo Libya che negite Kurene, ak toek che bunu Rom, Yahudik koboto che kibunji Yahudik eng’ kayanenywa, 11Kretik ak Marabuk, kigase ichek kong’alali eng’ kutuswekyok boisionik che eechen che bo Jehovah. 12Ak kitang’any tugul, ak kogerer met, kolenjingei ichegei, Egu nee ng’olyondoni? 13Ago kichombil alak kole, Kabogityo eng’ divaik che leelach.

Amdaetab Petero eng’ betutab pentekost

14Ago kitonon Petero koboto taman ak aeng’, ak kolenji, eng’ kutit ne o, Okwek, bikab Judea, ak okwek tugul che omenye Jerusalem, ingonaak ni eng’ okwek, ak oepchi it ng’alekyuk. 15Amu ma bogityo bichu, ko u ye obwati; amu ta ko sait somok kityo; 16ago nito ne kimwaei maotiot Joel; kole,

17Mwaei Jehovah kole, Tun eng’ betusiek che bo let,

Arong’jini bik tugul Tamirmiriennyu,

Ak komaoten werikwok ak tibikwok,

Ak kogeer murenikwok ng’ang’utik,

Ak koruotyi boisiekwok karuotitaosiek:

18Arong’jini Tamirmiriennyu eng’ betusiechoto;

Ee, agot otwogikyuk murenik ak tibik, si komaoten.

19Ak abarte kwong’utik eng’ kipsengwet barak,

Ak kaborunoik eng’ oli bo ng’ony;

Korotik, ak mat, ak koiyenetab iyeto:

20Kiwalei asista koek mesundeito,

Ak kewal arawet koek korotik,

Kotom koit betutab Kiptaiyat,

Betut ne o agobo ne toogunot:

21Ak tun kisoru age tugul ne kuurei kainetab Kiptaiyat.

22Okwek bikab Israel, ogas ng’alechu: Jesu ne bo Nasaret, chito ne kiibarta Jehovah eng’ okwek eng’ boisionikab kimnatet ak kwong’utik ak kaborunoik, che kiyai Jehovah eng’ inendet eng’ kwenung’wong’, ko u ye ongen okwek; 23inendet ne kiigoito Jehovah eng’ begechinetab ng’olyondennyi ak naet ne kiga kechob eng’ tai, kiogartat okwek inendet ak obar eng’ eunekab bik che bistoe ng’atutik: 24inendet ne kiing’eet Jehovah ko kagotiach eng’ ng’wanindo ne bo meet: amu kima komuchi meet konam inendet. 25Amu kimwa Daudi agobo inendet, kole,

Kiageere Kiptaiyat kotugul komi tainnyu:

Amu mi inendet eunnyu ne bo tai, si ma kitumduma:

26Amu noto anyun kiigasgei muguleldanyu, ak kibaibait ng’elyeptanyu;

Ak koboto noto komeng’isiei bortanyu agine eng’ kamang’unet:

27Amu mebagakyini sobondanyu oldab che kigobek,

Amegoitoi neng’ung’ Ne Tilil kogeer nunet.

28Kiigona anai ortinwekab sobondo;

Inyiitwa boiboiyet eng’ taing’ung’.

29Che kitupche, amwawok komie agobo boiyot ne o Daudi, ale, kime ak kigitub, ak mitei kererinnyi kwenunnyo agoi ra. 30Ak amu kimaotio, ak kiingen kole kiga koyosiechi Jehovah inendet kole, indoi Jehovah ng’echerennyi chito ne tun bunu iyotennyi; 31kingogeer nito anyun kong’alal agobo ng’eetyetab Kristo kole, ma kibagakyin inendet oldab che kibek, ama nunei bortanyi. 32Kiing’eet Jehovah Jesu nito, ne ki baorinikyik achek tugul. 33Amu itororot inendet eng’ eutab tai ne bo Jehovah, ak ko kagetaach eng’ Kwanda kayomiset ne bo Tamirmiriet ne Tilil, ko kagorong’ anyun nito ogeere ak ogase. 34Amu kima togosta Daudi kipsengwetisiek: ago kimwa inendet kole,

Kilenji Kiptaiyat Kiptaiyandennyu, Tebe eunnyu ne bo tai,

35Agoi ayai buniguk koek ng’echeretab kelyeguk.

36Ingonai anyun komie got komugul ne bo Israel, kole, kigoyai Jehovah inendet koek Kiptaiyat ak ko Kristo, Jesu nito ne kiogartat.

37Kingogas anyun nito, kotoor mugulelwekwak, ak kolenji ichek Petero ak che kiyoktoi chun alak, Che kitupche, kiyai nee? 38Kolenji Petero ichek, Osigu, si kibatisan age tugul eng’ okwek eng’ kainetab Jesu Kristo agobo nyoetab kaat ne bo tengekwogikwok; si otaach konunetab Tamirmiriet ne Tilil. 39Amu neng’wong’ kayomisoni, ak lagokwok, ak tugul che mi ole loo, ak tugul che ta koguurei Kiptaiyat Jehovah nenyo kobwanji inendet.

40Ak kibaorian eng’ ng’alek alak che chang’, ak kogiil, kolenji, Osoruge eng’ ibini kunur. 41Kigibatisan anyun icheget che kitaach ng’olyondennyi: ak kigitesyi ichek betunoto bik olo bo elfusiek somok.

Ole nyolu kotepto sobetab bikab Kristo

42Ak kiigiiljingei ichek tugul konetisietab che kiyoktoi ak yamdaet, eng’ butuletab makatiat ak sautik.

43Ak kinyor chi tugul kaiyweisiet: ak kiyaak kwong’utik che chang’ ak kaborunoik eng’ che kiyoktoi. 44Ak kimi tugul kibagenge che kiga koyan, ak kiyamdoi tuguk tugul; 45ak kialda mbarenikwak ak tuguk alak che kitinyei ak kopchechi ichek tugul che te che kinyalili chi age tugul. 46Ak kimi hekalut betut age tugul kotebyei eng’ kabwatet agenge, ak eng’ butuletab makatiat eng’ ga, ak kiamisiei eng’ kagasetab ge, ak eng’ muguleldo agenge, 47kolosu Jehovah, ak kiiboiboi ichek bik tugul. Ak kitesyin Kiptaiyat betut age tugul icheget che nyoru sorunet.

Currently Selected:

BOISIONIKAB CHE KIYOKTOI 2: BUKUIT

Highlight

Copy