BOISIONIKAB CHE KIYOKTOI 16
16
Komuti Paulo Timoteo eng’ Lustra
1Ak kinyo agine Derbe ak Lustra: ak ogeero, kimi age ne bo alamalyet oloto, ne kigiguure Timoteo, weritab Chebyahudiot ne kiiyani; ago ki Yunanindet kwandanyi. 2Kibaorianjin inendet tupchosiek che kimi Lustra ak Ikonio kole mie. 3Kimachei Paulo chichito koba tuwai; ak kiimut inendet ak komuratan amu Yahudik che kimi komoswechoto: amu kiingen tugul kole Yunanindet kwandanyi. 4Ak ye kibendi bandanywa kobunoti nganasok kogochi ichek ng’atutik, che kiga ng’at che kiyoktoi ak boisiek che kimi Jerusalem, si korib. 5Kigigimit anyun kanisosiek eng’ kayanet, ak kotesak koitenywa betut age tugul.
Bandab Paulo eng’ Asia
6Kiba anyun kobun koret ne bo Prugia ak Galatia, ko kagoete ichek Tamirmiriet ne Tilil komwaita ng’olyot eng’ Asia; 7ak ye kingotorjigei Musia, kotiem koba Bitunia; ago ma chamji ichek Tamirmirietab Jesu; 8ak kingosiir Musia, kochortagei Troa. 9Kinyonji anyun ng’ang’utiet Paulo kemoi; kimi chitab Makedonia ne kitononi, kogoigoi inendet, kolen, Long’u Makedonia, nyo toretech. 10Ak ye kingo kagogeer ng’ang’utiet, eng’ sainato kemach kebe Makedonia, ko kagenai kele kogoguurech Jehovah si kobiit keamji ichek logoiywek che miach.
Kolandoi Paulo Makedonia komi Pilipi
11Kigibun anyun melit kebunu Troa, kitorjige Samotrake, ak betut ne kiisubi noto keit Neapoli: 12ak keng’eetyo oloto kebe Pilipi, ne nganasetab Makedonia, ne ki toogunot eng’ emonoto, ne kiuchi Romanik: ak kigitebe nganasanato betusiek alak. 13Ak eng’ betutab sabato kemandae ormarichet kebe ole negite ainet, ole kigilen oldab saet; ak kigiteb ng’ony ak keng’alalji kobogorisiek che kiga tuiyo. 14Ak kigasech kobogoriot age, ne kigiguure Ludia, aldaindetab ngoroik che arusen ne birir, ne bo nganaset ne kiguure Tuatera, ne kiilosu Jehovah: ne kiyat Kiptaiyat muguleldanyi, si koepchi it tuguk che kimwaei Paulo. 15Ak ye kiga kibatisan inendet, ak bikab gonnyi, kogaigaech, kole, Ngo kaogeer ole ayani Kiptaiyat, obwa gonnyu, ak otebi. Ak kibirjech kebe.
16Ak ye kigibendi oldab saet, kotuiyenech chepto ne kitinyei tamirmiriet ne ng’orsei ne kiipchi kiptainikyik tuguk che chang’ amu ng’orset. 17Kiisubot Paulo kebendi tugul, ak komwaei eng’ kutit ne o, kolen, Bichu ko otwogikab Jehovah ne Toror Mising’, che mwawok oretab yetunet. 18Ak kiyai inendet ko u noto eng’ betusiek che chang’. Ago kiarogen Paulo mising’, ak kowelelgei ak kolenji tamirmirionoto, Kang’atin eng’ kainetab Jesu Kristo ale, mong’u eng’ inendet. Ak kimong’ eng’ sainato.
Ratisietab Paulo ak Sila si Kitiach kogeny
19Ago kingogeer kiptainikyik kole kagobet kamang’unetab keljinenywa, konam Paulo ak Sila, ak kochuut koba taitab bounik eng’ oldab aldaisiet, 20ak kingo kagomut ichek kobwa taitab kiruogik, komwa kole, Inyalili bichu nganasennyo mising’, ago icheget ko Yahudik, 21ak ineti bitonwek che ma chamdaat eng’ ng’atutik ketaach, anan kisub, amu achek ko ki Romanik. 22Ak king’eet tuiyet kibagenge kobokyi ichek: ak kogerer kiruogik ngoroikab bichoto, ak kong’at kebir eng’ kirokwek. 23Ak kingo kagobir ichek mising’, kotoorji korgoret, ak kong’at ribindetab korgoret korib komie: 24ak kingo kagonyor ng’atutiet ne u noto, kotoorji ichek got ne bo orit, ak koratyi kelyekwak temeleiywek.
25Ago kisaei Paulo ak Sila ak kotienjin Jehovah tienwogik olo bo kemoi kwen, ak kiepchin it ichek kimonjororinik; 26ak kibotan emet mising’ eng’ sainato, kot kotumdumgei lumeiywekab korgoret: ak eng’ sainato koyatogis kurgotik tugul; ak kiitiagogis tuguk che kigirate chi tugul. 27Ak kingosiir eng’ ruondo ribindetab korgoret, ak kogeer kurgotikab korgoret ko yatotin, kong’us rotwennyi bo chok, ak ki negit kobargei, kolen kagochililyo kimonjororinik. 28Ago kimwa Paulo eng’ kutit ne o, kole, Ameyachige kiy ne ya: amu kimi yu achek tugul.
29Ak kiguur keib taisiek, ak kotoromben kwo orit, ak kiibutyi kelyekab Paulo ak Sila kobotananu eng’ kaiyweisiet, 30ak kiimut komong’ sang’, ak kole, Kiptainichu, ayai nee si kesorua? 31Kolenji, Iyan Kiptaiyat Jesu, si kesorun, inye ak gong’ung’. 32Ak kimwachi inendet ng’olyotab Kiptaiyat, koboto tugul che kimi gonnyi. 33Ak kiimut ichek sainato bo kemoi, ak kounji birutikwak; ak kigibatisan inendet ak bikyik eng’ sainato. 34Ak kiimut koba gonnyi ak kogochi amitwogik, ak kiboiboitu mising’, koboto gonnyi tugul, amu kagoyan Jehovah.
35Ak ye kingoeech, koyokto kiruogik kiptainikab askarik, kole, Ounde bicho koba. 36Ak kimwachi ribindetab korgoret Paulo ng’alechato, kole, Kagoyok kiruogik kole keundak obe: omong’u anyun ak obe eng’ kalyet. 37Ago kilenji Paulo ichek, Kagobirech eng’ taitab bik, ama kiruokwech, achek bik che ki Romanik, ak kogotoorjech korgoret; ak nguno komachei koonech eng’ ung’ot? Achicha, ma u noto; ago ingobwa icheget komutech kemande. 38Ak kimwachi kiptainikab askarik ng’alechuto kiruogik: ak kiiywei, kingogas kole icheget ko Romanik: 39ak kibwa kogaigai ichek; ak kingo kagomut ichek kobwa sang’, kosom, kolenji, Oba eng’ nganaset. 40Ak kimanda eng’ korgoret, ak kiba agoi gotab Ludia: ak kingo kagogeer tupchosiek, kogaigai ichek, ak koba.
Currently Selected:
BOISIONIKAB CHE KIYOKTOI 16: BUKUIT
Highlight
Share
Copy
Want to have your highlights saved across all your devices? Sign up or sign in
God's word open for all
©Bible Society of Kenya, 2020
