KĨAMBĨRĨRIA 36

1Na rĩrĩ, ici nĩcio njiaro cia Esau (na nowe Edomu). 2#Kĩam 26.34.Esau egũrĩire aka thĩinĩ wa airĩtu a Kanaani; nao ũmwe nĩ Ada mwarĩ wa Eloni, Mũhiti; na ũrĩa ũngĩ nĩ Oholibama mwarĩ wa Ana, ũrĩa warĩ mwarĩ wa Zibeoni, Mũhivi; 3#Kĩam 28.9.O na Basemathu, mwarĩ wa Ishumaeli, mwarĩ wa nyina na Nebaiothu. 4Ada agĩgĩciarĩra Esau Elifazu; nake Basemathu akĩmũciarĩra Reueli, 5nake Oholibama agĩciara Jeushu na Jalamu, na Kora; acio nĩo ariũ a Esau, arĩa aaciarĩirũo nĩo bũrũri wa Kanaani. 6Nake Esau akĩoya atumia ake, na ariũ ake, na airĩtu ake, o na andũ arĩa othe maarĩ gwake mũciĩ, na mahiũ make mothe ma mĩthemba yothe, na indo ciake ciothe, iria aarĩmĩire kũu bũrũri wa Kanaani, agĩthiĩ bũrũri ũraihanĩrĩirie na Jakubu mũrũ wa nyina, 7nĩ gũkorũo indo ciao ciarĩ nyingĩ mũno itangĩreka matũũranie; na makĩaga kũiganĩra bũrũri ũcio maatũire marĩ ageni, nĩ ũndũ wa mahiũ marĩa maarĩ namo. 8Esau agĩgĩtũũra kĩrĩma gĩa Seiru; nake Esau ũcio, nĩwe Edomu. 9Nacio ici nĩcio njiaro cia Esau, ithe wa Aedomu, cia kũu kĩrĩma-inĩ gĩa Seiru; 10marĩĩtwa ma ariũ a Esau nĩ maya, nĩ Elifazu, mũrũ wa Ada, mũka wa Esau; na Reueli, mũrũ wa Basemathu, mũka wa Esau. 11Nao ariũ a Elifazu nĩ Temani, na Omari, na Zefo, na Gatamu, na Kenazu. 12Nake Timina aarĩ thuriya ya Elifazu, mũrũ wa Esau, nake agĩgĩciarĩra Elifazu Amaleki; acio nĩo maarĩ ariũ a Ada mũka wa Esau. 13Nao aya nĩo ariũ a Reueli; nĩ Nahathu, na Zera, na Shama, na Miza; acio nĩo maarĩ ariũ a Basemathu mũka wa Esau. 14Nao aya nĩo maarĩ ariũ a mũka ũcio wa Esau wetagwo Oholibama, mwarĩ wa Ana, ũrĩa warĩ mwarĩ wa Zibeoni; we aaciarĩire Esau Jeushu, na Jalamu, na Kora. 15Nao aya nĩo anene a ita thĩinĩ wa ariũ a Elifazu, irigithathi rĩa Esau; nĩ mũnene Temani, na mũnene Omari, na mũnene Zefo, na mũnene Kenazu, 16na mũnene Kora, na mũnene Gatamu, o na mũnene Amaleki; acio nĩo anene a ita arĩa Elifazu aaciarĩire bũrũri wa Edomu; na nĩo maarĩ ariũ a Ada. 17Nao aya nĩo ariũ a Reueli wa Esau; nĩ mũnene Nahathu, na mũnene Zera, na mũnene Shama, na mũnene Miza; acio nĩo anene a ita arĩa Reueli aaciarĩire bũrũri wa Edomu, nao nĩo maarĩ ariũ a Basemathu mũka wa Esau. 18Nao ariũ a Oholibama, mũka wa Esau, nĩ aya: nĩ mũnene Jeushu, na mũnene Jalamu, na mũnene Kora; acio nĩo anene arĩa maaciarirũo nĩ Oholibama, mũka wa Esau, mwarĩ wa Ana. 19Acio othe nĩ ariũ a Esau, na nĩo anene ao a ita; nake Esau ũcio nowe Edomu.

20Nao aya nĩo ariũ a Seiru, Mũhori, o andũ arĩa maarĩ ene bũrũri ũcio: nĩ Lotani, na Shobali, na Zibeoni, na Ana, 21na Dishoni, na Ezeri, na Dishani; acio nĩo anene a ita arĩa maaciarirũo nĩ Ahori, ciana cia Seiru, cia kũu bũrũri wa Edomu. 22Nacio ciana cia Lotani nĩ Hori, na Hemamu, na mwarĩ wa nyina na Lotani nĩ Timina. 23Nacio ici nĩcio ciana cia Shobali: nĩ Alivani, na Manahathu, na Ebali, na Shefo, na Onamu. 24Nacio ici nĩcio ciana cia Zibeoni: nĩ Aia, na Ana, nake Ana ũcio nĩwe wonire ithima cia maĩ mahiũ werũ-inĩ, akĩrĩithia ndigiri cia ithe Zibeoni. 25Nacio ici nĩcio ciana cia Ana: nĩ Dishoni, na Oholibama mwarĩ wa Ana. 26Nacio ici nĩcio ciana cia Dishoni: nĩ Hemudani, na Eshibani, na Ithirani, na Cherani. 27Nacio ici nĩcio ciana cia Ezeri: nĩ Bilihani, na Zaavani, na Akani. 28Nacio ciana cia Dishani nĩ ici: nĩ Uzu, na Arani. 29Nao aya nĩo anene a ita arĩa maaciarirũo nĩ Ahori: nĩ mũnene Lotani, na mũnene Shobali, na mũnene Zibeoni, na mũnene Ana, 30na mũnene Dishoni, na mũnene Ezeri, na mũnene Dishani; acio nĩo anene a ita arĩa moimire kũrĩ Ahori, o ta ũrĩa anene a ita ao maatariĩ kũu bũrũri wa Seiru.

31Nao aya nĩo athamaki arĩa maathamakaga bũrũri wa Edomu, o mbere ciana cia Isiraeli itanagĩa na mũthamaki wacio o na ũmwe. 32Bela, mũrũ wa Beori, nĩwe wathamakaga Edomu, na itũũra rĩake rĩetagwo Dinihaba. 33Bela agĩgĩkua, nake Jobabu, mũrũ wa Zera, wa handũ hetagwo Bozira, agĩthamaka ithenya rĩake. 34Jobabu ũcio agĩgĩkua, nake Hushamu wa bũrũri wa Atemani agĩthamaka ithenya rĩake. 35Hushamu agĩgĩkua, nake Hadadi, mũrũ wa Bedadi, ũrĩa wahũrire Amidiani kũu werũ wa Moabi akĩmatoria, agĩthamaka ithenya rĩake; narĩo itũũra rĩake rĩetagwo Avithu. 36Hadadi agĩgĩkua, nake Samala, wa kũrĩa gwetagwo Masereka, agĩthamaka ithenya rĩake. 37Samala agĩgĩkua, nake Shauli wa kũrĩa gwetagwo Rehobothu, o kũu gũkuhĩ na rũũĩ rũa Farati, agĩthamaka ithenya rĩake. 38Shauli agĩgĩkua, nake Baali-hanani, mũrũ wa Akibori agĩthamaka ithenya rĩake. 39Baali-hanani, mũrũ wa Akibori, agĩgĩkua, nake Hadari agĩthamaka ithenya rĩake; narĩo itũũra rĩake rĩetagwo Pau; na mũtumia wake etagwo Mehetabeli, mwarĩ wa Matiredi, ũrĩa warĩ mwarĩ wa Me-zahabu. 40Namo maya nĩmo marĩĩtwa ma anene a ita arĩa moimire harĩ Esau, o ta ũrĩa mbarĩ ciao ciatariĩ bũrũri ũcio, o na ta ũrĩa marĩĩtwa mao maatwaranĩte; nĩ mũnene Timina, na mũnene Aliva, na mũnene Jethethu, 41na mũnene Oholibama, na mũnene Ela, na mũnene Pinoni, 42na mũnene Kenazu, na mũnene Temani, na mũnene Mibizaru, 43na mũnene Magidieli, na mũnene Iramu; acio nĩo anene a ita a Edomu, o ta ũrĩa maatũũrĩte kũu bũrũri ũcio watuĩkĩte wao. Nake Esau ũcio nĩwe ithe wa Aedomu.

Currently Selected:

KĨAMBĨRĨRIA 36: OGKBIBLE

Highlight

Copy