Luka 3
3
Mahubiri ya Yoane Mubatizaji
(Mat 3.1-12; Mk 1.1-8; Yn 1.19-28)
1Katika mwaka wa kumi na tano wa utawala wa Tiberio mufalme wa Roma, Pontio Pilato alikuwa liwali wa jimbo la Yudea, na Herode alikuwa mutawala wa jimbo la Galilaya na ndugu yake Filipo alikuwa mutawala wa inchi ya Iturea na ya Tarakoniti. Vilevile Lisania alikuwa mutawala wa inchi ya Abilene, 2nao Anasi na Kayafa walikuwa Makuhani Wakubwa. Halafu Mungu akatoa ujumbe wake kwa Yoane mwana wa Zakaria katika jangwa. 3Basi Yoane akapita katika inchi zote zinazokuwa pembeni ya muto Yordani, akihubiri. Akawaambia watu wageuke toka zambi zao, wabatizwe, na Mungu atawaondolea zambi. 4Hivi yakatimia maneno haya yaliyoandikwa katika kitabu cha maneno ya nabii Isaya:
“Sauti inatangaza katika jangwa:
‘Mutengeneze njia ya Bwana,
munyooshe pahali atakapopita!
5Hivi kila bonde litafunikwa.
Kila mulima na kila kilima vitasawanishwa.
Njia zenye lukumba zitanyooshwa,
nazo njia zenye mashimo zitalainishwa.
6Kila mutu ataona jinsi Mungu atakavyotuokoa.’ ”
7Halafu watu wengi walimufikia Yoane kusudi awabatize. Naye aliwaambia: “Ninyi kikundi cha nyoka! Ni nani aliwaambia kwamba munaweza kuponyoka azabu ya Mungu inayokaribia? 8Basi muonyeshe kwa njia ya matendo kwamba mumegeuka toka zambi zenu. Musianze tu kujisemesha kwamba Abrahamu ndiye babu yenu. Ninawaambia kwamba Mungu anaweza kugeuza mawe haya kuwa watoto wa Abrahamu! 9Hata sasa shoka limekwisha kuwekwa tayari kwenye mashina ya miti. Kila muti usiozaa matunda mazuri utakatwa na kutupwa katika moto.”
10Halafu watu wale wakamwuliza: “Basi tufanye nini?”
11Naye akawajibu: “Mwenye kuwa na kanzu mbili atoe moja kwa yule asiyekuwa na kitu, na anayekuwa na vyakula afanye hivi vilevile.”
12Walipishaji wa kodi nao wakamufikia vilevile kusudi wabatizwe. Wakamwuliza: “Mwalimu, tufanye nini?”
13Naye akawajibu: “Musilipishe zaidi kuliko vile inavyoamuriwa.”
14Nao waaskari wakamwuliza: “Na sisi, tufanye nini?”
Naye akawajibu: “Musifanye ukorofi kwa mutu yeyote wala kumusingizia mutu, lakini mutoshelewe na mishahara yenu.”
15Watu walikuwa wakitazamia kuja kwa Kristo, na wote wakazania kwamba labda Yoane ndiye yeye. 16Basi Yoane akawaambia wote: “Mimi ninawabatiza kwa maji, lakini yule atakayekuja nyuma yangu ni mwenye uwezo kunipita; nami sistahili hata kufungua kamba za viatu vyake. Yeye atawabatiza kwa Roho Mutakatifu na kwa moto. 17Anashika lungo katika mikono yake kwa kupepeta ngano. Atakusanya ngano na kuitia katika gala yake, lakini atateketeza maganda katika moto usiozimika.”
18Na Yoane aliwahubiria watu wale Habari Njema akiwatolea maonyo mengi mbalimbali. 19Yoane alimukaripia mutawala Herode juu ya kumwoa Herodia, muke wa ndugu yake Filipo na juu ya mabaya mengine. 20Lakini Herode akaongeza ubaya mwingine kwa kumutia Yoane ndani ya kifungo.
Kubatizwa kwa Yesu
(Mat 3.13-17; Mk 1.9-11)
21Watu wale wote walipobatizwa, Yesu akabatizwa vilevile. Alipokuwa akiomba, mbingu zikafunguka, 22na Roho Mutakatifu akashuka juu yake katika hali ya kimwili kwa mufano wa njiwa. Na sauti ikasikilika toka mbinguni ikisema: “Wewe ndiwe Mwana wangu mupendwa; ninapendezwa nawe sana.”
Kizazi cha Yesu
(Mat 1.1-17)
23-38Wakati Yesu alipoanza kazi yake alikuwa na umri wa miaka yapata makumi tatu. Yeye alizaniwa kuwa mwana wa Yosefu.
Yosefu alikuwa mwana wa Heli,
Heli alikuwa mwana wa Matati,
Matati alikuwa mwana wa Lawi,
Lawi alikuwa mwana wa Melki,
Melki alikuwa mwana wa Yana,
Yana alikuwa mwana wa Yosefu,
Yosefu alikuwa mwana wa Matatia,
Matatia alikuwa mwana wa Amosi,
Amosi alikuwa mwana wa Nahumu,
Nahumu alikuwa mwana wa Esili,
Esili alikuwa mwana wa Nage,
Nage alikuwa mwana wa Mati,
Mati alikuwa mwana wa Matatia,
Matatia alikuwa mwana wa Simei#3.23-38 Simei: Katika maandiko mengine ya asili kuna jina “Simeni” pahali pa “Simei.”,
Simei alikuwa mwana wa Yosefu,
Yosefu alikuwa mwana wa Yoda,
Yoda alikuwa mwana wa Yoana,
Yoana alikuwa mwana wa Resa,
Resa alikuwa mwana wa Zerubabeli,
Zerubali alikuwa mwana wa Saltieli,
Saltieli alikuwa mwana wa Neri,
Neri alikuwa mwana wa Melki,
Melki alikuwa mwana wa Adi,
Adi alikuwa mwana wa Kosamu,
Kosamu alikuwa mwana wa Elmadamu,
Elmadamu alikuwa mwana wa Eri,
Eri alikuwa mwana wa Yoshua,
Yoshua alikuwa mwana wa Eliezeri,
Eliezeri alikuwa mwana wa Yorimu,
Yorimu alikuwa mwana wa Matati,
Matati alikuwa mwana wa Lawi,
Lawi alikuwa mwana wa Simeoni,
Simeoni alikuwa mwana wa Yuda,
Yuda alikuwa mwana wa Yosefu,
Yosefu alikuwa mwana wa Yonamu,
Yonamu alikuwa mwana wa Eliakimu,
Eliakimu alikuwa mwana wa Melea,
Melea alikuwa mwana wa Mena,
Mena alikuwa mwana wa Matata,
Matata alikuwa mwana wa Natani,
Natani alikuwa mwana wa Daudi,
Daudi alikuwa mwana wa Yese,
Yese alikuwa mwana wa Obedi,
Obedi alikuwa mwana wa Boazi,
Boazi alikuwa mwana wa Salmoni#3.23-38 Salmoni: Katika maandiko mengine ya asili kuna jina “Sala” pahali pa “Salmoni.”,
Salmoni alikuwa mwana wa Nasoni,
Nasoni alikuwa mwana wa Aminadabu,
Aminadabu alikuwa mwana wa Aramu#3.23-38 Aramu: Kwa pahali pa Aramu, katika maandiko mengine ya asili kuna jina la Admimimu mwana wa Arani.,
Aramu alikuwa mwana wa Hesironi,
Hesironi alikuwa mwana wa Peresi,
Peresi alikuwa mwana wa Yuda,
Yuda alikuwa mwana wa Yakobo,
Yakobo alikuwa mwana wa Isaka,
Isaka alikuwa mwana wa Abrahamu,
Abrahamu alikuwa mwana wa Tera,
Tera alikuwa mwana wa Nahori,
Nahori alikuwa mwana wa Serugu,
Serugu alikuwa mwana wa Reu,
Reu alikuwa mwana wa Pelegi,
Pelegi alikuwa mwana wa Eberi,
Eberi alikuwa mwana wa Sela,
Sela alikuwa mwana wa Kainana,
Kainana alikuwa mwana wa Aripakisadi,
Aripakisadi alikuwa mwana wa Semu,
Semu alikuwa mwana wa Noa,
Noa alikuwa mwana wa Lameki,
Lameki alikuwa mwana wa Metusela,
Metusela alikuwa mwana wa Enoki,
Enoki alikuwa mwana wa Yaredi,
Yaredi alikuwa mwana wa Mahaleli,
Mahaleli alikuwa mwana wa Kainana,
Kainana alikuwa mwana wa Enosi,
Enosi alikuwa mwana wa Seti,
Seti alikuwa mwana wa Adamu,
Adamu aliumbwa na Mungu.
Currently Selected:
Luka 3: SWC02
Highlight
Share
Copy
Want to have your highlights saved across all your devices? Sign up or sign in
Bible in Swahili Congo © Bible Society of the Democratic Republic of Congo (DRC), 2002.
