Tobia 9
9
Kthimi i parave
1Atëherë Tobia thirri Rafaelin e i tha: 2«Vëlla Azari, merr katër shërbëtorë e dy deve e shko në Rages te Gabaeli. Jepi dëftesën, merr argjendin dhe merre me vete në dasmë edhe atë. 3Ti e di se im atë po numëron ditët, prandaj, nëse vonohem edhe një ditë të vetme, do ta mërzis shumë. 4Ti je dëshmitar i betimit që bëri Ragueli dhe unë nuk mund ta thyej betimin».
5Rafaeli shkoi me katër shërbëtorë e dy deve në Rages të Medës dhe bujti tek Gabaeli. I dha dëftesën dhe e njoftoi se Tobia, biri i Tobitit, ishte martuar dhe po e ftonte në dasmë. Gabaeli u ngrit, i numëroi thasët e vulosur dhe i ngarkuan. 6Në mëngjes u ngritën herët dhe shkuan në dasmë. Kur mbërritën te shtëpia e Raguelit, e gjetën Tobinë në tryezë. Ai brofi më këmbë dhe përshëndeti Gabaelin, i cili qau, e bekoi e i tha: «Djalë i mbarë e i mirë i një ati të mbarë e të mirë, të drejtë e bujar, Zoti të dhëntë bekimin qiellor ty, gruas sate dhe atit e nënës së gruas sate. Qoftë bekuar Perëndia, që po shoh Tobinë, nipin tim, që i ngjan të atit».
Currently Selected:
Tobia 9: AL1
Highlight
Share
Copy
Want to have your highlights saved across all your devices? Sign up or sign in
© Shoqëria Biblike Ndërkonfesionale e Shqipërisë 2020
© Interconfessional Bible Society of Albania 2020