Baruke 5
5
1Yerushalayime, vula muntumpu uuvua
mutuale diba dia dikenga,
uvuale tshilamba tshia lumu tshidi Mvidi Mukulu mukupe bua kashidi.#5.1 Fuanyikija ne 4.20. 2Dibuikila tshinkutu tshia buakane.
Ke lupandu ludi lufuma kudi Mvidi Mukulu.
Butumbi bua Mvidi Mukulu wa tshiendelele,
budi bu nsala wa ka lumbandi udi muasa ku mutu kuebe.#5.2 Tun. 1-2: fuanyikija ne Yesh 52.1; 61.3,10; Didim 21.2.
3Bualu Mvidi Mukulu nealeje bantu bonsu pa buloba bujima lumu ludiye mukupe.
4Neakupe bua kashidi dina dia ne:
“Tshimenga tshia bupole tshidi Mvidi Mukulu wambuluisha,
kabidi tshimenga tshidi ne lumu, bualu bantu badimu badi balamata Mvidi Mukulu.#5.4 Fuanyikija ne Yirm 33.16.”
5Yerushalayime, juka, banda pa mukuna,
ukenzakane, utangile kudi diba dipatukila,
umone mudi Mvidi Mukulu wa tshijila usangisha bana bebe ku luseke
ludi diba dibuelela too ne kudidi dipatukila.
Bonsu badi basanka padi Mvidi Mukulu mubavuluke.
6Bavua bumuke kuebe benda ku makasa, benda babasakila kudi baluishi.
Kadi Mvidi Mukulu wabapingaji kuudi,
badi ne butumbi bu bua bakalenga badi mu nkuasa ya bamfumu.
7Bualu Mvidi Mukulu mmutume diyi bua mikuna yonsu ipuekele,
kabidi ne tukuna tutumbuke, uvua muele diyi bua buwuje mpangu ne buloba,
bua buloba buikale bulandakane,#5.7 Fuanyikija ne Yesh 40.3-4. bua Izrayele apingane kuende amu bimpe, wenda utumbisha Mvidi Mukulu.
8Mvidi Mukulu muntume diyi bua metu ne mitshi yonsu idi ne mupuya muimpe,
bifile dileji kudi bena Izrayele.
9Bualu Mvidi Mukulu neapingaje Izrayele kuende,
neamulombole ne butumbi buende,
neapingane ne disanka, bualu Mvidi Mukulu mmumufuile luse mmumane kumupandisha.
Currently Selected:
Baruke 5: TSH96
Highlight
Share
Copy
Want to have your highlights saved across all your devices? Sign up or sign in
Bible avec Livres Deutérocanoniques en Tshiluba © Société Biblique de la R. D. Congo, 1996