Baruke 4
4
1Meji ke mukenji wa Mvidi Mukulu,
mukenji wende udi ushala kashidi.
Badi baufunda mu mukanda wa mikenji yende.
Muntu udi ulama mikenji udi upeta muoyi.
Kadi udi uyipetula udi ufua.#4.1 Fuanyikija ne 3.9; Mis 119.98; Sir 24.23; Mat 5.18.
2Ndelanganyi ya Yakobe, pinganayi tshianyima!
Kuatayi Meji.
Endayi mu butoke budi bufumina kudi Meji.
3Kanuena mua kutumbisha bantu bakuabu,
kanuena mua kupa bantu benyi lumu luenu.
4Tuetu bena Izrayele tudi bena diakalenga,
bualu tudi bamanye bionsu bidi bilengelela Mvidi Mukulu!
BADI BASAMBA BANTU BA MVIDI MUKULU
Badi bakolesha badi mu bupika ku muoyi
5Wewe tshisamba tshianyi, kolesha muoyi.
Wewe nkayebe udi ne dina dia Izrayele.
6Bavua banupana ku ba bende,
kadi kanutua mua kubutuka nansha.
Bualu nutua bafikishe Mvidi Mukulu munda,
ke pavuaye munufile kudi baluishi benu.
7Nutua balambule nwidie ya dishima milambu,
kadi kanutua bamulambule yeye to,
nutua bakebe matandu kudi Mvidi Mukulu utua munufuke.#4.7 mvidie ya dishima nansha mikishi mibi. Fuanyikija ne Diel 32.15-18; Mis 106.37; 1 Kor 10.20.
8Nutua bapue Mvidi Mukulu wa tshiendelele muoyi!
Yeye ke uvua munudishe!
Nuenu kubungamija bikole mamuenu Yerushalayime,
uvua munukoleshe.
9Pavuaye umona muvua Mvidi Mukulu munufikile munda,
kuambaye ne:
“Ntelejayi, nuenu bimenga bidi mutumba ne Siyone,
Mvidi Mukulu muntumine dikenga dinene.#4.9 Tun. 9-16: fuanyikija ne Muad 1.
10Ndi mumone, muvua Mvidi Mukulu wa tshiendelele mutuma bana banyi,
ba balume ne ba bakaji mu bupika.
11Ndi mukoleshe bana banyi ne disanka,
kadi meme kubungama, kunyingalala bikole pavuabu baye nabu.
12Muntu nansha umue kena mua kusanka padiye umona,
meme mushale mukamba, tshiyi ne bana banyi nansha umue.
Nkadi mushale tshipela tshia munda mutupu, bua mibi ya bana banyi,
bavua bumuke mu njila wa Mvidi Mukulu.
13Kabavua banyisha mikenji yende,
kabavua bateleja mibelu yende kabidi,
kabavua nansha balonda njila wa buakane uvua Mvidi Mukulu ubaleja.
14Nuenu bena mutumba ne Siyone! Luayi numone.
Nuvulukayi muvua Mvidi Mukulu wa tshiendelele mutume bana banyi,
ba balume ne ba bakaji mu bupika!
15Uvua mubatumine bantu ba kule bua babakengeshe,
bantu badi kabayi luse, badi bakula muakulu wa benyi.
Kabena banemeka bakulakaja, kabena bafuila bana luse.#4.15 Fuanyikija ne Diel 28.49-52.
16Meme mukamba, bantu aba kuyabu ne bana banyi ba balume,
bamvua munange, mu bupika,
kunshiya nkayanyi tshiyi ne bana banyi ba bakaji.
Yerushalayime udi ukolesha bana bende ku muoyi
17“Kadi bana banyi, mundi mua kunuambuluisha mbishi?
18Amu udi unutumina makenga awu
ke udi mua kunupandisha mu bianza bia baluishi benu. 19Bana banyi, nuaya bimpe.
Meme ndi nshala nkayanyi, tshiyi ne muana. 20Ndi nkopola muntumpu umvua muvuale matuku atuvua ne disanka.
Ndi mvuala kabidi tshilamba tshia madilu.#4.20 Mbilamba bia madilu, tangila Mukanda udi ne diumvuija: Kupanda bilamba.
Ndi ngela amu kuela Mvidi Mukulu wa tshiendelele mbila matuku anyi onsu bua angambuluishe.
21Bana banyi, koleshayi muoyi!
Elayi Mvidi Mukulu mbila.
Neanupandishe ku tshinyangu tshia baluishi benu.
22Bualu, meme ndi ntekemena kudi Mvidi Mukulu wa kashidi,
yeye neanupandishe.
Ndi muindile bua anusungidile.
Mvidi Mukulu wa tshijila mmumpe disanka.
Ndi mumanye ne: Musungidi wenu neanufuile luse mpindiewu.
23Bualu mvua ne dikenga ne dibungama dituku divuabu baye nenu!
Kadi Mvidi Mukulu neanupingaje kashidi kundi.
Nanku nensanke ntua tshianga#4.23 Fuanyikija ne Yirm 31.12-13. kashidi.
24Bakaji bena mutumba wanyi, mbamone muvuabu baye nenu mu bupika.
Kadi nebamone mudi Mvidi Mukulu uvua mpindiewu kunupatulamu,
ne butumbi buende ne bumfumu buende.
25Bana banyi, umvuayi ne lutulu, dinyoka didi Mvidi Mukulu unutumina.
Muluishi wenu udi unutatshisha,
kadi nenumumone mudibu bamubutula mpindiewu nenumudiate pa dikoshi diende.#4.25 Tangila Yosh 10.24; Mis 18.39 ne diumvuija.
26Bana banyi banange, nuvua bapitshile mu njila ya mabue.
Bavua banunyenga bu mudi bivi bakuata nyama, biiba.
27Bana banyi, koleshayi muoyi, elayi Mvidi Mukulu mbila yenu,
bualu Mvidi Mukulu uvua munufile ku bupika, neanuvuluke.
28Nuvua bapangadike bua kuela Mvidi Mukulu nyima,
mpindiewu, nukebe ne disuminyina dikole bua nupingane kudiye nudilengeje.
29Bualu Mvidi Mukulu utua munutumine makenga aa, neanupandishe,
kabidi neanusankishe kashidi.”
Yerushalayime udi utekemena lupandu
30Yerushalayime, kolesha muoyi!
Mvidi Mukulu uvua mukuangate ku mudimu wende,#4.30 Uvua mukuangate ku mudimu wende nansha uvua mukuinyike dina, tangila Yesh 45.4. neakusambe.
31Bantu bavua bakuenzela bibi, bavua basanka bonsu, pauvua
mudishinde, mbena diakabi.
32Diakabi ndia bimenga bitua bibueja bana bebe mu bupika!
Diakabi nangananga ndia tshimenga tshivua tshikunyenga bana bebe ba balume.#4.32 Bumue ke bena Ngreke bavua bakengesha bena Yuda mu bidimu nkama ibidi bgbg ne Y.K.
33Bu muvuatshi tshisanka, pautua mudishinde,
tshitue tshianga pauvua mu dikenga,
nanku netshibutuke tshishale tshipela.
34Tshidi tshimue tshia ku bimenga bidi ne bantu bavule.
Nanku, ditambisha diatshi nedijike, dikamakama diatshi nedienze dikenga.
35Bualu meme Mvidi Mukulu wa kashidi nendokeshemu kapia,
kadi mua kutshibutula bua matuku mavule.
Nenku, mikishi#4.35 Fuanyikija ne Yesh 13.21 ne diumvuija. mibi isombemu matuku mapite bungi kabidi.
36Yerushalayime, tangila luseke ludi diba dipatukila.
Mona disanka didi Mvidi Mukulu mukutuadile.
37Tangila bana bebe bavuabu baye nabu ku bupika mudibu bapingana kuudi.
Mvidi Mukulu wa tshijila mmuele diyi,
badi basangila eku ne eku.
Mpindiewu badi bapingana, benda batumbisha Mvidi Mukulu.#4.37 Fuanyikija ne Yesh 43.5; 60.4-9.
Currently Selected:
Baruke 4: TSH96
Highlight
Share
Copy
Want to have your highlights saved across all your devices? Sign up or sign in
Bible avec Livres Deutérocanoniques en Tshiluba © Société Biblique de la R. D. Congo, 1996