Luka 3

Yoane-Wini la lilako likae

(Mt 3.1-12; Mk 1.1-8; Yoa 1.19-28)

1Nda mbula ea jom lʼitano ea likulaka ja Tibelio Kaisala, aki Pontio Pilato gouverneur ea Yudea, ko Elode vice-gouverneur ea Ngalilaya, ko bokune okae Filipo, vice-gouverneur ea Itulaya la Tulakoniti, ko Lusania vice-gouverneur ea Abilene; 2ko aki Anasa la Kayafa nkanga ya joso mongo, joi ja Nzakomba joya ele Yoane, bonʼowa Zekalaya, ndʼetekeleke. 3Ko ende aoya ndʼokili bouma wijʼa Yoladane, ayongoza inamelo ea mbututala ele etungwelo limʼaoyiʼobe; 4elenge ekotama joi ndʼonkanda wa boteli Yesaya,

Lofoso jʼonto obeleza ndʼetekeleke,

Loongya mboka ea Nkolo,

Locilaza mboka ikande ci.

5Wengi bofoku wifosakezama,

Ko wengi ngongo ea ntale la wengi

ngongo ya tosisi bifokitezama.

Ko bakumba bifosembwa ci mongo,

Ko mboka ya kootoko kootoko

yifoyalema lalee.

6Ko bantʼauma bifena loiko ja

Nzakomba.

7Ko aotefeela bitukuluku biʼanto bayaki jinama lʼende, Inyo bana ba njwa, olakakʼinyo wete lolote nkele eyoya na? 8Locwekʼamuka bandeji lʼeututaelo limʼobe, ko taloangakʼosanga ndʼetema bekinyo, Abalayama ale ise ekiso mo! elʼemi nsangelʼinyo, Nzakomba akuseya jemya bana ba Abalayama lima bikenje bine. 9Nkʼaeyoko yanda yolambyema nda biiji biʼetamba. Ndʼewelʼeko wengi botamba botacwekʼamuka bʼolotsi wumbame ko wusame nda tsa.

10Mpanga ba linyenga bouole, Mpangʼiso tokele na? 11Ende aolaamba, aokela, Ende ole la kasakʼife ambʼokafe lʼende ofoate; ko ole la toma ta ndala akele nkʼelengʼeko. 12Ko la batakanyi ba mpuci baoyʼoinama lʼende. Ko iyo baolokela, Bolaki, mpangʼiso tokele ngamo? 13Ende aolasangela, Talokolake mpuci elekola eko endezamʼelʼinyo. 14Ko la soldats baolouola, O lʼiso mpanga tokele na? Ko aolatefeela, Talofunzakʼanto, talokakatanyakʼanto, ko lokitezʼetema lʼofuto bofutamʼinyo.

15Alendezʼanto la lolendezo, ko akakazʼiyo, ndʼetema bekiyo ndʼeloko ea Yoane wete nkinʼende ale Masiya mongo, 16Yoane aolamba, aolakela iyʼauma, Emi njinʼinyo ndʼasi; lolo oyoya ndʼafeka bakami andekolʼemi la mpamba, mpeji lolembola bekulu bia bikoto bikae. Ende ifinʼinyo nda Bolimo wʼoeko ko la tsa. 17Ifufa ile nda likata likae, ko ifofetola ilombe ifufʼende biofo mpetola mongo, ko ifotakanya biofo ndʼefongelo ekae, lolo ifotumba mposo nda tsa totafofyamaka.

18La baoyiʼane, ko la bilenge binkina, aokamʼanto ko aolasangela nsango eʼolotsi. 19Lolo vice-gouverneur Elode, oki Yoane ofelaka la ncina ea Elodia, waji owʼokune okae, ko la bebe beuma beki Elode okelaka, 20laolafya bobe bone bomo ndʼeko beuma, wete aokomba Yoane ndʼilombe ya njanga.

Inelo ea Yesu

(Mt 3.13-17; Mk 1.9-11)

21Aki bantʼauma inamaka, Yesu, o lʼende, aolinama. Ko aondʼende, loola lokombwa. 22Ko Bolimo wʼoeko aokitela elʼende ndʼekoza eʼembenga. Ko lolaka loyaki lima loola, lokela, We ole Bonʼokami olangema lʼeefe, ndokʼesaza la we.

Bonkokoolo wa Masiya

(Mt 1.1-17)

23Aki Yesu oangaka elakelo ekae, aki ngole mbula ntuku isato. Aki (nda lokai jʼanto) bonʼowa Yosefa, ko Yosefa aki bonʼowʼEli, 24oki bonʼowa Matata, oki bonʼowa Lewi, oki bonʼowa Meleki, oki bonʼowa Yanai, oki bonʼowa Yosefa, 25oki bonʼowa Matatia, oki bonʼowa Amosa, oki bonʼowa Nauma, oki bonʼowa Elesi, oki bonʼowa Naga, 26oki bonʼowa Mata, oki bonʼowa Matatia, oki bonʼowa Simi, oki bonʼowa Yoseke, oki bonʼowa Yoda, 27oki bonʼowa Yoana, oki bonʼowa Lesa, oki bonʼowa Zelubabela, oki bonʼowa Salatiele, oki bonʼowa Neli, 28Koki bonʼowa Meleki, oki bonʼowa Adi, oki bonʼowa Kosama, oki bonʼowa Elemadama oki bonʼowa Ele, 29oki bonʼowa Yose, oki bonʼowa Eliezala, oki bonʼowa Yolima, oki bonʼowa Matata, oki bonʼowa Lewi, 30loki bonʼowa Simona, oki bonʼowa Yuda, oki bonʼowa Yosefa, oki bonʼowa Yonama, oki bonʼowa Eliyakima, 31oki bonʼowa Melea, oki bonʼowa Mena, oki bonʼowa Matata, oki bonʼowa Natana, oki bonʼowa Dawidi, 32oki bonʼowa Yisai, oki bonʼowa Obede, oki bonʼowa Boaza, oki bonʼowa Salamona, oki bonʼowa Nasona, 33oki bonʼowa Aminadaba, oki bonʼowa Aluni, oki bonʼowa Eselone, oki bonʼowa Pelese, oki bonʼowa Yuda, 34oki bonʼowa Yakoba, oki bonʼowa Yisaka, oki bonʼowa Abalayama, oki bonʼowa Tela, oki bonʼowa Naola, 35oki bonʼowa Selunga, oki bonʼowa Lu, oki bonʼowa Pelenge, oki bonʼowa Ebele, oki bonʼowa Sela, 36oki bonʼowa Kainana, oki bonʼowa Alufakasada, oki bonʼowa Seme, oki bonʼowa Noa oki bonʼowa Lemeke, 37oki bonʼowa Metusela, oki bonʼowa Anoka, oki bonʼowa Yelede, oki bonʼowa Malalele, oki bonʼowa Kainana, 38oki bonʼowa Enosa, oki bonʼowa Sete, oki bonʼowa Adama, oki bonʼowa Nzakomba.

Currently Selected:

Luka 3: LOL87

Highlight

Copy