Gyenesis 50

1Na Josef twae hwee n’egya n’enyim, na osui guu no do, na ɔfeew n’ano. 2Na Josef hyɛɛ no nkowaa a wɔhyɛ fun edur no dɛ wɔnhyɛ n’egya akyenkyendur: na wɔhyɛɛ Israel akyenkyendur. 3Na wɔdze adaduanan dzii ho dwuma: nna mber a wɔdze wie akyenkyendur hyɛ nye no: na Egyptfo no suu no nda eduosuon.

4Na nda a wɔdze suu no no twaa mu no, Josef kaa kyerɛɛ Farao ne fifo, dɛ, Sɛ afei menya hom enyim enyimnyam a, meserɛ hom, wɔnka no wɔ Farao n’asomu, dɛ, 5#Gye 47.29-31 M’egya maa midzii nsew dɛ, Hwɛ, muruwu: na nda a mabɔ ama moho wɔ Keenan asaase do no mu hɔ na kesie me. Dɛm ntsi, afei meserɛ wo, ma monkɔ, na minkesie m’egya, na membra bio. 6Na Farao see dɛ, Kɔ, na kesie w’egya, dɛ mbrɛ ɔmaa idzii nsew no ara. 7Na Josef kɔree dɛ orikesie n’egya: na Farao no nkowaa nyinara, ne fie mpanyimfo, nye Egypt asaase do mpanyimfo nyinara, 8nye Josef ne fifo nyinara, nye no nuanom, nye n’egya ne fifo, nyinara nye no kɔree. Hɔn mbofraba, nye hɔn nguan, nye hɔn anantwi, nko na wɔdaan hɔn gyaa Gosen asaase do. 9Na ntseaseanam nye mpɔnkɔdofo nyina nye no kɔree: na ɔyɛɛ kuw kɛsenara. 10Na wɔbaa Atad ewuporoweebea a ɔwɔ Jordan egya no, na hɔ na wotwaa kwadwom kɛse a no mu yɛ dzen papanara: na Josef suu n’egya nda esuon. 11Na hɔn a wɔtse asaase no do no, Keenanfo no, hun osu a wosuu no wɔ Atad ewuporoweebea no, wɔsee dɛ, Iyi yɛ eyi kɛse ma Egyptfo: dɛm ntsi wɔfrɛɛ ne dzin Abel-mizraim a ɔwɔ Jordan egya. 12Na ne mba yɛɛ no dɛ mbrɛ ɔhyɛɛ hɔn no ara: 13#Ndwu 7.16 na ne mba soaa no kɔr Keenan asaase do, na wokesiee no wɔ Makepela haban mu ɔbo tu no mu, dza Abraham dze kaa haban no ho tɔɔ no wɔ Hetnyi Efron hɔ, dze yɛɛ efunsiebea wɔ Mamre enyim no a.

14Na Josef siee n’egya wiei ekyir no, ɔnoara nye no nuanom no, nye hɔn a wɔnye no kɔree kesiee n’egya no nyinara sanee kɔr Egypt.

Josef Gye No Nuanom Anoyie

15Na Josef no nuanom no hun dɛ hɔn egya ewu no, wɔsee dɛ, Bɛyɛ na Josef atan hɛn, na bɔn a yɛdze yɛɛ no no nyinara oesusu mbrɛ ɔtse no ara atɔ hɛn do wer. 16Na wɔsomae ma wɔkɛsee Josef dɛ, Ansaana w’egya ruwu no ɔhyɛɛ dɛ, 17Dɛm na hom nka nkyerɛ Josef, Afei meserɛ wo, fa wo nuanom hɔn mbrato, nye hɔn bɔn kyɛ hɔn, dɛ wɔyɛɛ wo bɔn: na afei yɛserɛ wo, fa w’egya ne Nyankopɔn no nkowaa hɔn bɔn kyɛ hɔn. Na Josef sui wɔ aber a wɔkaa dɛm kyerɛɛ no no. 18Na no nuanom no so kɔree, na wokotwitwae hwehwee n’enyim; na wɔsee dɛ, Hwɛ, yɛyɛ wo nkowaa. 19Na Josef see hɔn dɛ, Mma hom nnsuro: ana migyina Nyankopɔn ananmu a? 20Hom dze, hom dween dɛ wɔreyɛ me bɔn; na Nyankopɔn dze ɔdween dɛ oye, ma ɔaayɛ dɛ mbrɛ ndɛ ɔayɛ yi, ma wɔaagye nkorɔfo piinara nkwa. 21Dɛm ntsi afei, mma hom nnsuro: mobɔhwɛ hom, nye hom mbofraba. Na ɔkaa hɔn akoma too hɔn yamu, na ɔkasaa ayamuyie mu kyerɛɛ hɔn.

Josef No Wu

22Na Josef tsenaa Egypt, ɔnoara nye n’egya ne fifo: na Josef dzii mfe ɔha nye du. 23Na Josef hun Efraim ne mbanana a otsia ebiasa: Manaasɛ ne babanyin Makir ne mba so wɔwoo hɔn guu Josef n’aserɛ do. 24Na Josef see no nuanom no dɛ, Morobɔkɔ me nsamankyir: na ampaara Nyankopɔn bɛba abɛsera hom, na oebeyi hom efi asaase yi do akɔ asaase a ɔkaa ho ntam kyerɛɛ Abraham, Isaak nye Jakob no no do. 25#Eks 13.19; Jos 24.32; Heb 11.22 Na Josef maa Israelmba dzii nsew dɛ, Ampaara, Nyankopɔn bɛba abɛsera hom, na hom nsoa me mbiew mfi ha nkɔ. 26Na Josef wui, nna oedzi mfe ɔha nye du: na wɔhyɛɛ no akyenkyendur, na wɔtoo no adaka mu wɔ Egypt.

Currently Selected:

Gyenesis 50: MFANBRPC

Highlight

Copy