ԾՆՈՒՆԴՔ Գլուխ ԼԵ
Գլուխ ԼԵ
1 Եւ ասէ Աստուած ցՅակոբ. Արի ել #35։1 ՅԵբր. պակասէի տեղին ի Բեթէլ, եւ անդ բնակեսցես, եւ արասցես անդ սեղան Աստուծոյ որ երեւեցաւն քեզ ի փախչելն քո յերեսաց Եսաւայ եղբօր քո։ 2Եւ ասէ Յակոբ ցընտանիս իւր եւ ցամենեսին որ ընդ նմա էին. Ի բաց առէք զաստուածսդ օտարոտիս որ ընդ ձեզ են ի միջոյ ձերմէ, եւ սրբեցարուք, եւ փոխեցէք զպատմուճանս ձեր։ 3Եւ յարուցեալ ելցուք ի Բեթէլ, եւ արասցուք անդ սեղան Աստուծոյ, որ լուաւ ինձ յաւուր նեղութեան, որ էր ընդ իս եւ ապրեցոյց զիս ի ճանապարհին՝ զոր գնացի։ 4Եւ ետուն ցՅակոբ զաստուածսն օտարոտիս որ էին ի ձեռս նոցա, եւ զգինդս որ յականջս իւրեանց. եւ ծածկեաց զնոսա Յակոբ ի ներքոյ բեւեկնոյն #35։4 Եբր. ի Սիւքեմ։ (5) Եւ չուեցինի Սիկիմ, եւ կորոյս զնոսա մինչեւ ցայսօր ժամանակի։ 5Եւ չուեաց Իսրայէլ ի Սիկիմայ՝՝. եւ եղեւ ահ Աստուծոյ ի վերայ քաղաքացն որ շուրջ զնովաւ, եւ ոչ ելին զհետ որդւոցն #35։5 Եբր. ՅակոբայԻսրայելի։ 6Եւ եկն Յակոբ ի Լուզ, որ է յերկրին Քանանացւոց, այն ինքն է Բեթէլ, ինքն եւ ամենայն ժողովուրդն որ ընդ նմա։ 7Եւ շինեաց անդ սեղան, եւ կոչեաց զանուն տեղւոյն #35։7 Եբր. Աստուած ԲեթելայԲեթէլ. զի անդ երեւեցաւ նմա Աստուած ի փախչել նորա յերեսաց Եսաւայ եղբօր իւրոյ։
8Եւ մեռաւ Դեբովրա դայեակն Ռեբեկայ, եւ թաղեցաւ ի ներքոյ Բեթելայ ընդ կաղնեաւն. եւ կոչեաց զանուն նորա Կաղնի սգոյ։
9Եւ երեւեցաւ Աստուած Յակոբայ՝ #35։9 ՅԵբր. պակասէմինչդեռ անդ էր ի Լուզ,՝՝ յորժամ եկն ի Միջագետաց Ասորւոց, եւ օրհնեաց զնա Աստուած։ 10Եւ ասէ ցնա Աստուած. Անունդ քո Յակոբ՝ ոչ եւս կոչեսցի Յակոբ, այլ Իսրայէլ եղիցի անուն քո։ Եւ կոչեաց զանուն նորա Իսրայէլ։ 11Եւ ասէ ցնա Աստուած. Ես եմ Աստուած #35։11 Եբր. Ամենակալքո բաւական՝՝. աճեսջիր եւ բազմասջիր. ազգք եւ ժողովք ազգաց եղիցին ի քէն, եւ թագաւորք յերանաց քոց ելցեն։ 12Եւ զերկիրդ զոր ետու Աբրահամու եւ Իսահակայ՝ քեզ տաց զդա, քեզ եղիցի, եւ զաւակի քում յետ քո տաց զերկիրդ զայդ։ 13Եւ վերացաւ ի նմանէ Աստուած ի տեղւոջէն ուր խօսեցաւ ընդ նմա։ 14Եւ կանգնեաց Յակոբ արձան ի տեղւոջն ուր խօսեցաւ ընդ նմա, արձան քարեղէն, եւ նուիրեաց ի նմա նուէրս, եւ արկ ի վերայ նորա եւղ։ 15Եւ կոչեաց զանուն տեղւոյն ուր խօսեցաւ ընդ նմա Աստուած՝ Բեթէլ։
16Եւ #35։16 Եբր. չուեցին ի Բեթելայ, եւ էր տակաւին ճանապարհ ի մտանելչուեաց ի Բեթելայ. եւ եղեւ իբրեւ մերձեցաւ ի Քաբրաթա երկիր, մտանել՝՝ յԵփրաթա, ծնաւ Ռաքէլ, եւ դժուարածին եղեւ ի ծննդեանն։ 17Եւ եղեւ ի վշտանալն նորա ի ծննդեանն, եւ ասէ ցնա ծնուցիչն. Քաջալերեաց, զի եւ այդ եւս քո ուստր է։ 18Եւ եղեւ ընդ հանել ոգւոցն, քանզի մեռաւ, կոչեաց զանուն նորա Որդի վշտաց իմոց. եւ հայրն կոչեաց զնա #35։18 Այսինքն՝ որդի աջոյԲենիամին։ 19Մեռաւ Ռաքէլ եւ թաղեցաւ ի ճանապարհին Եփրաթայ, այն իսկ է Բեթղեհեմ։ 20Եւ կանգնեաց Յակոբ արձան ի վերայ շիրմին նորա, այն է արձան շիրմի Ռաքելայ մինչեւ ցայսօր ժամանակի։
21Եւ չուեաց Իսրայէլ եւ եհար զխորան իւր յայնկոյս աշտարակին Գադերայ։ 22Եւ եղեւ իբրեւ բնակեաց Իսրայէլ յերկրին յայնմիկ, գնաց Ռուբէն եւ ննջեաց ընդ Բալլայ հարճի հօր իւրոյ. լուաւ Իսրայէլ #35։22 ՅԵբր. պակասէեւ չար թուեցաւ առաջի նորա՝՝։
Եւ էին որդիք Յակոբայ երկոտասանք։
23Որդիք Լիայ, անդրանիկ Յակոբայ՝ Ռուբէն, Շմաւոն, Ղեւի, Յուդա, Իսաքար, Զաբուղոն։ 24Եւ որդիք Ռաքելի՝ Յովսէփ եւ Բենիամին։ 25Եւ որդիք Բալլայ նաժշտին Ռաքելայ՝ Դան եւ Նեփթաղիմ։ 26Եւ որդիք Զելփայ նաժշտին Լիայ՝ Գադ եւ Ասեր։ Այս են որդիք Յակոբայ, որ եղեն նմա ի Միջագետս Ասորւոց։
27Եւ եկն Յակոբ առ Իսահակ հայր իւր ի Մամբրէ՝ #35։27 Եբր. ի քաղաքին Արբոկայ (տե՛ս Գլ. ԻԳ 2)ի քաղաք դաշտին՝՝, այն եւ Քեբրոն, #35։27 ՅԵբր. պակասէյերկրին Քանանացւոց,՝՝ ուր պանդխտեցան Աբրահամ եւ Իսահակ։ 28Եւ եղեն ամենայն աւուրք Իսահակայ զոր եկեաց՝ ամք հարեւր եւ ութսուն։ 29Եւ պակասեալ Իսահակայ մեռաւ, եւ յաւելաւ յազգ իւր, ծերացեալ եւ լի աւուրբք. եւ թաղեցին զնա Եսաւ եւ Յակոբ որդիք իւր։
Currently Selected:
ԾՆՈՒՆԴՔ Գլուխ ԼԵ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
