ԾՆՈՒՆԴՔ Գլուխ ԼԶ
Գլուխ ԼԶ
1 Եւ այս են ծնունդք Եսաւայ, նա է Եդովմ։ 2Եւ առ իւր Եսաւ կանայս ի դստերաց Քանանացւոց, զԱդդա զդուստր Ելոնայ Քետացւոյ, եւ զՈղիբամա դուստր Անայի՝ որդւոյ Սեբեգովնի Խեւացւոյ։ 3Եւ զԲասեմաթ զդուստր Իսմայելի՝ զքոյր Նաբէութայ։ 4Եւ ծնաւ Ադդա Եսաւայ զԵղիփազ, եւ Բասեմաթ ծնաւ զՌագուէլ։ 5Եւ Ողիբամա ծնաւ զՅէուս եւ զԵգղոմ եւ զԿորխ. սոքա են որդիք Եսաւայ, որ եղեն նմա յերկրին Քանանացւոց։
6Եւ առ Եսաւ զկանայս իւր եւ զուստերս եւ զդստերս իւր եւ զամենայն մարդիկ տան իւրոյ, եւ զամենայն ինչս եւ զանասուն, եւ զամենայն ինչ զոր ստացաւ #36։6 ՅԵբր. պակասէեւ զոր արար՝՝ յերկրին Քանանացւոց, եւ գնաց յերկրէն Քանանացւոց յերեսաց Յակոբայ եղբօր իւրոյ։ 7Զի էին բազում ինչք նոցա ի միասին բնակելոյ. եւ ոչ կարէր երկիրն պանդխտութեան հանդարտել նոցա ի բազմութենէ ընչից իւրեանց։ 8Եւ բնակեցաւ Եսաւ ի լերինն Սէիր. Եսաւ՝ որ նա ինքն է Եդովմ։
9Եւ այս են ծնունդք Եսաւայ՝ հօրն Եդովմայեցւոց, ի լերինն Սէիր։ 10Եւ այս են անուանք որդւոցն Եսաւայ. Եղիփազ որդի Ադդայի կնոջ Եսաւայ, եւ Ռագուէլ որդի Բասեմաթայ կնոջ Եսաւայ։ 11Եւ եղեն որդիք Եղիփազայ՝ Թեման, Ովմար, Սովբար, Գոթոմ եւ Կենէզ։ 12Եւ Թամնա էր հարճ Եղիփազու որդւոյ Եսաւայ, եւ ծնաւ Եղիփազու զԱմաղէկ. սոքա են որդիք Ադդայի կնոջ Եսաւայ։ 13Եւ այս են որդիք Ռագուելի՝ Նաքովթ, Զարեհ, Սամմա եւ Մեզա. սոքա են որդիք Բասեմաթայ կնոջ Եսաւայ։ 14Եւ այս են որդիք Ողիբամայ դստեր Անայի որդւոյ Սեբեգովնի կնոջ Եսաւայ, եւ ծնաւ Եսաւայ զՅէուս եւ զԵգղոմ եւ զԿորխ։
15Սոքա են իշխանք՝ որդիք Եսաւայ. որդիք Եղիփազու անդրանկանն Եսաւայ, իշխան Թեման, իշխան Ովմար, իշխան Սովփար, իշխան Կենէզ, 16իշխան Կորխ, իշխան Գոթոմ, իշխան Ամաղէկ. սոքա են իշխանք Եղիփազու յերկրին Եդովմայեցւոց. սոքա են որդիք Ադդայի։ 17Եւ այս են որդիք Ռագուելի որդւոյ Եսաւայ. իշխան Նաքովթ, իշխան Զարեհ, իշխան Սամմա, իշխան Մոզէ. այս են իշխանք Ռագուելի յերկրին Եդովմայ. սոքա են որդիք Բասեմաթայ կնոջ Եսաւայ։ 18Եւ այս են որդիք Ողիբամայ կնոջ Եսաւայ. իշխան Յէուս, իշխան Յեգղոմ, իշխան Կորխ. այս են իշխանք Ողիբամայ դստեր Անայի կնոջ Եսաւայ։ 19Այս են որդիք Եսաւայ, եւ այս են իշխանք նոցա, #36։19 Եբր. այսինքնեւ այս են որդիք՝՝ Եդովմայ։ 20Եւ այս են որդիք Սէիրայ Քոռացւոյ որ բնակեալ էր յերկրին. Ղովտան, Սեբաղ, Սեբեգովն, Անա, 21Դեսոն եւ Ասեր եւ Ռիսոն. սոքա են իշխանք Քոռեցւոյն, որդւոյ Սէիրայ յերկրին Եդովմայ։ 22Եւ եղեն որդիք Ղովտանայ՝ Քոռի եւ Եմման, եւ քոյր Ղովտանայ՝ Թամնա։ 23Եւ սոքա են որդիք Սոբաղայ. Գաղոմ եւ Մանաքաթ եւ Գեբաղ եւ Սովփար եւ Ովնան։ 24Եւ այս են որդիք Սեբեգովնի. Այիէ եւ Ովնան. այս Ովնան է որ եգիտ #36։24 Եբր. զջերմուկսնզաղբեւրն յանապատի՝ մինչ արածէր զէշսն Սեբեգովնի հօր իւրոյ։ 25Եւ այս են որդիք Անայի. Դեսոն եւ Ողիբամա դուստր Անայի։ 26Եւ այս են որդիք Դեսոնայ. Ամադան եւ Եսբան եւ Յեթրան եւ Քառան։ 27Եւ այս են որդիք Ասերայ. Բալլան եւ Զուկան եւ #36։27 ՅԵբր. պակասէՈսնիկան եւ՝՝ Ուկամ։ 28Եւ այս են որդիք #36։28 Եբր. ԴեսանայՌիսոնի. Ովս եւ Առան։ 29Եւ այս են իշխանք Քոռեայ. իշխան Ղովտան, իշխան Սովբաղ, իշխան Սեբեգոն, իշխան Անա, 30իշխան Դեսոն, իշխան Ասեր, իշխան #36։30 Եբր. ԴեսանՌիսոն. այս են իշխանք Քոռեայ ի պետութիւնս իւրեանց յերկրին Եդովմայ։
31Եւ այս թագաւորք են որ թագաւորեցին յերկրին Եդովմայեցւոց, մինչչեւ թագաւորեալ էր թագաւոր յԻսրայելի։ 32Եւ թագաւորեաց յԵդովմ Բաղա որդի Սեպփովրայ. եւ անուն քաղաքին նորա Դեննաբա։ 33Եւ մեռաւ Բաղա, եւ թագաւորեաց ընդ նորա Յովբաբ որդի Զարեհի ի Բոսորայ։ 34Եւ մեռաւ Յովբաբ, եւ թագաւորեաց ընդ նորա Ասոմ յերկրէ Թեմանացւոց։ 35Եւ մեռաւ Ասոմ, եւ թագաւորեաց ընդ նորա Ադադ որդի Բադադայ, որ կոտորեաց զՄադիամ ի դաշտին Մովաբացւոց. եւ անուն քաղաքի նորա Գեթէմ։ 36Եւ մեռաւ Ադադ, եւ թագաւորեաց ընդ նորա Սամաղա ի Մասեկկայ։ 37Եւ մեռաւ Սամաղա, եւ թագաւորեաց ընդ նորա Սաւուղ յՌոբոթայ՝ որ առ Գետեզերն։ 38Եւ մեռաւ Սաւուղ, եւ թագաւորեաց ընդ նորա Բալլայենոն որդի Ոքոբորայ։ 39Եւ մեռաւ Բալլայենոն որդի Ոքոբորայ, եւ թագաւորեաց ընդ նորա Ադադ #36։39 ՅԵբր. պակասէորդի Բարադայ՝՝. եւ անուն քաղաքի նորա Փոգով. եւ անուն կնոջ նորա Մետաբէէլ դուստր Մատրեթայ, որդւոյ Մազովբայ։ 40Այս են անուանք #36։40 ՅԵբր. պակասէորդւոցն Եսաւայ եւ՝՝ իշխանացն Եսաւայ յազգս իւրեանց, ըստ տեղիս իւրեանց՝ #36։40 ՅԵբր. պակասէյաշխարհս իւրեանց, եւ ի տոհմս իւրեանց՝՝ ըստ անուանց նոցա. իշխան Թամանա, իշխան Ղովտան, իշխան Յեթաթ, 41իշխան Ողիբամասա, իշխան Հելայ, իշխան Փենովն, 42իշխան Կենէզ, իշխան Թեման, իշխան Մազար, 43իշխան Մագէդիէլ, իշխան Զաբոյին։ Սոքա են իշխանք Եդովմայեցւոց ըստ բնակութեան յերկրի ստացուածոց իւրեանց. եւ այս է Եսաւ հայր Եդովմայ։
Currently Selected:
ԾՆՈՒՆԴՔ Գլուխ ԼԶ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
