YUHANI 21
21
Na pa-wuwangu-na wiki i Miri Yehu la papanau-na da mapihu
1Hà laka nu nahili pa-wuwangu wikina i Yehu la pa-panaungu-na la Tà ma Timbiria. Tuna nu la rehi nu: 2La hau na lodu pauhi-danya i Himungu Peturu, i Tomahu i Ana Ndua ba wà danya, i Natanaïlu na ma-pawelingu la Kana la tana Nggalilia, da anana i Hambandiu dà ngu da madua da pa-panaungu hawiangu. 3Tà ka i Himungu Peturu, “Lua-nggunya payà pa iyangu nyungga,” wà nanja da anguna.
“Malua-madui duma nyuma,” wà danya. Ka lua-danyaka ba dawà ngu pali la tena. Tà ka nu la rudungu lundu mbà kahu wà na paharii nda ana nggà rama pangala-da. 4Ba na-mareni hungaka na lodu, ndolaku-nanyaka i Yehu la hingi tà ma, tà ka nda da tanda-aya ba jiaya Nyuna. 5Hi napanii dà nja, “Mà la hiana, ningudu pangala-mi anakeda,” wà nanja.
“Ndia-a,” wà da na hemada.
6Tà ka i Yehu, “Walaya na njeringu-mi la patuu kawana, napa ingalangu-ma duna,” wà nanja. Hi dawala-ya na njeringu, tà ka nda damà ka-a payila beliya paraï padangu iyangu-na.
7Tà ka na pa-panaungu pambuha-na i Yehu, “Ha, jiaya i Miri, ni,” wà nanya i Peturu. Ba narongu-ka i Himungu Peturu ba jiaya i Miri, hau-nanyaka na kalembi-na (maa ba nda nahau-a kalembi) hi na-linjungu la wai. 8Tà ka da pa-panaungu hawiangu la tenaha da-pandutungu la mara, ba dà ngu yila-danya na njeringu mambinu iyangu-na. Nda nggi tuana marauda welingu la mara, rà kangu hangahu metiru-ana. 9Ba dapuru-ka welingu la tena, daita-ya lai nu na epi pa-lawarangu maningu iyangu-na dà ngu rotina. 10Tà ka i Yehu, “Mà la ngà ndinda hawutu nà mu iyangu pabidi yà pami,” wà nanja.
11Hei-nanyaka la tena i Himungu Peturu, hi nayila-ya na njeringu-na la mara. Nambinu-nya iya bokulu nuna na njeringu; hangahu lima kambulu tailu ngiuda nggubulu-da. Jiapa kai ba tuna nu danguda, nda na-kahira-a na njeringu-na. 12Tà ka i Yehu, “Maiwa ka ngangu,” wà nanja. Nda haà tu-a la hongada matoru mbeni pa-paà ra-nya, “Nggamukau Umbu?” na mawà na-nya. Maa ba pii-mada-nyaka ba jiaya i Miri. 13Tunaka nu ndà harungu-nanyaka i Yehu, hi napiti roti, hi na-paberi-nja nyuda. Tunanja numbu da iyangu.
14Jiaya yiana-duka na pa-pandilungu wĂ na ba na-pawuwangu wikina i Yehu la pa-panaungu-na ba hĂ la pa-pahada-nya welingu la meti.
I Miri Yehu dĂ ngu i Peturu
15Ba dahà la-ka pangangu, napanii i Yehu lai Himungu Peturu, “Ha Himungu anana i Yona, urihi-njapa nyuda yiada la pambuha-ngga Nyungga?” wà nanya.
Tà ka i Peturu, “Deningu-mana Miri,” wà na “Bau pi-madungga Miri ba kumbuha-nggau Nyumu,” wà nanya.
Nanapa-ya i Yehu, “Opanja da ana mbimbinggu,” wà nanya.
16La pa-panduangu wà na na-paà ra-nya paraïna i Yehu, “Ha Himungu anana i Yona, umbuha-dungga Nyungga?” wà nanya.
“Deningu-mana, Miri,” wà na i Peturu. “Bau pi-madungga Miri ba kumbuha-nggau Nyumu,” wà nanya.
Nanapa-ya i Yehu, “Opanja da mbimbinggu,” wà nanya.
17La pa-ndilungu wà na na-paà ra-nya paraïna i Yehu, “Ha Himungu Anana i Yona, umbuha-dungga Nyungga?” wà nanya.
Ka hawina wà ngu-nanyaka i Peturu ba lundu na-pandilu wundangu-ma pa-paà ra-nya paraïna i Yehu. Ka hili hema-nanyaka i Peturu, “Miri, upi hà lamanya dumu mbuu ndà bana. Upi-mangga Miri ba kumbuha-nggau Nyumu,” wà nanya.
Tà ka i Yehu, “Opanja da mbimbinggu, wà nanya. 18Ma-langatà ka-maya yiana na paniinggu: Ba bidi mini-kaupa, nyumu wikima dumu ma-borungu, hiu laku la ngia pambuha etimu. Na nyuna napa jà kau kaweda-ka, upajola-nja da limamu, tà ka hi haà tu-ka matanggu paboru-nggau, hi dangà ndi-kau la ngia panda mbuhamu,” wà nanya. 19(Ba panii tuna nu i Yehu pa-hakubu-nanya jà ka nggiki hama metina napa i Peturu ba na pa-mangunju-ya i Ala.) Hà laka nu ka panii-nanyaka i Yehu lai Peturu, “Tundu-nggawa,” wà nanya.
I Miri Yehu dĂ ngu na papanaungu haĂ tu
20Ba nambaili-ka i Peturu, naita-ya la kajia-na na pa-panaungu pambuha-na i Yehu. (Jiaya nyuna-maka na ma-mandapu lihinya i Yehu ba dangangu dà ngu na ma-paà ra-nya, “Miri, nggamuya duna Miri na ma-kaleka-nggau?” na mawà na.) 21Ba naita-yaka nyuna, paà rangu-nanyaka i Peturu lai Yehu, “Mà la Miri, nggiki-naika duna nyuna ni napa?” wà nanya.
22Nanapa-ya i Yehu, “Ngera hama tuna mà ta ka naluri lundu tà kanggu jà ka wà nggunya, nda ngera-amunya la pa-paà ra wà nya. Na nyuna nyumu dumu utundu biangga Nyungga,” wà nanya.
23Nu ka kada-danyaka da pa-panaungu-na i Yehu ba nda nameti-a napa nuna pa-panaungu. Tà ka là ti duna, nda nameti-a napa nuna na pa-panaungu nda wà na-a duna i Yehu, tà ka, “Ngera hama tuna, mà ta ka naluri lundu tà kanggu jà ka wà nggunya, nda ngera-amunya la pa-paà ra wà nya,” wà na-a duna.
24Jiaya na pa-panaungu nuna-maka na ma-hakahii-nja yiada da manjadi. TĂ ka nyunamai na ma-tulihu-ha. DĂ ngu tapi-manya ba ma-padeningu-maha da papanii-na.
Na hupu kareuku
25Dadangu-mapa hawiangu da pawunda-na i Yehu. Na nyuna ngera hama tuna jĂ ka tulihu ndĂ baha mĂ ra hau - mĂ ra haunja, ba kuwangu pakaka-aya nda ningua pangia la pinu tana mawotu ndĂ baha nuda da mbuku da pa-tulihu.
Currently Selected:
YUHANI 21: KAM
Highlight
Share
Copy
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
