YUHANI 20
20
Na reti jua
(Mat. 28:1-8; Mrk. 16:1-8; Luk. 24:1-12)
1La lodu Minggu la mba - mbaru hada rudungu, lua-nanyaka la reti i Maria Mandalena. Naita-ya na watu ndà bi reti mbà da tanggihiru-naka welingu la ngaru reti. 2Ka ri - ringa-naka palua pahimbu-ha i Himungu Peturu dà ngu na pa-panaungu pambuha-na i Yehu, hi napanii-nja, “Napiti-yaka tau welingu la reti i Miri, tà ka nda kupi-anya jà ka nggii dahili bà njalu niya,” wà nanja.
3Ka lua-danyaka la reti i Himungu Peturu dĂ ngu nu na pa-panaungu haĂ tu. 4Ka handĂ ka nyanyaru-danyaka na nyuna narengga-pa na pa-panaungu haĂ tu welingu lai Peturu, hi natĂ ka mangilu la reti. 5Na-kahinu hu daa la reti hi naita-ha da tera yubuhu pa-bĂ njalu lai nu tĂ ka nda natama-a. 6Ka tĂ ka pa-ndutungu-nanyaka i Himungu Peturu, hi ailulu pa-ngalangu-mananya hu daa la reti. Naita-ha da tera yubuhu da pa-bĂ njalu lai nu, 7na nyuna na tera pahondu la katiku-na i Yehu nda nianya la lihida da tera yubuhu, tĂ ka pa-kulurungu meha-maya la hau pangia. 8Ba tunaka nu tama-mananyai duna na pa-panaungu na matĂ ka mangilu la reti. Ba naita-haka nuda ka pawai-nanyaka. ( 9Lundu la rehi nu ndedi-mapa da jĂ ngapu-ya na pa-tulihu la Huratu Matua ba lupangu-ma na-hadangu welingu la meti, ba wĂ na.) 10Tunaka nu beli-danyaka.
Na pa-wuwangu-na wiki i Miri Yehu lai Maria Mandalena
(Mat. 28:9-10; Mrk. 16:9-11)
11Tà ka i Maria Mandalena ndolaku-nanya la hangga reti ba dà ngu hiina. Nu ba nahii na-kahinu hu daa la reti, 12hi naita-ha da madua da papalewa da mapaki mabara, da ma-mandapu la ngia pa-bà njalu-ya i Yehu, na haà tu la katiku-ya tà ka na haà tu la wihiya. 13Ka paà rangu-danyaka nu da papalewa, “Ha rà mbu, ka nggikina hiu hii?” wà danya.
Nanapa-ya i Maria, “Ninguka mapiti-ya na Miringgu, tà ka nda kupi-anya jà ka nggi da-bà njalu niya,” wà nanja.
14Ba nahà la-ka papanii tuna nu, hi nambaili la kajia ka ita-nanyaka i Yehu ba na-ndolaku lai nu. Tà ka nda natanda-aya ba jiaya i Yehu. 15Ka paà rangu-nanyaka i Yehu, “Ha rà mbu, ka nggikina hiu hii? Nggamuya na pahimbu-mu?” wà nanya.
Tà ka i Maria, là bu jiaya na madai woka duna wà na bia hi napanii, “Ai, mà la à ru Umbu, jà ka nyumu ma-paleli-nya welingu lai yiahu, peka à ru-ngganya là ti jà ka nggii ubà njalu niya, ka peku luanggu papiti-ya,” hi wà nanya.
16Nanapa-ya i Yehu, “Maria!” wà nanya.
Ka mbaili-nanyaka i Maria lai Yehu hi napanii, “Rabbuni!” wà na la hilu Imbarani, (nu Umbu Ngguru! wà na duka).
17Tà ka i Yehu, “Àmbu yà pa-duka,” wà nanya, “nadu ba ndedia kuhei lai Ama. Na nyuna luawa papanii-nja da angunggu paluhu, ba hei-nggunyaka nà hu la Amanggu nu na Amami, la Alanggu nu na Alami,” wà nanya.
18Ka laku-nanyaka i Maria papanii-nja da papanau-na i Yehu ba mbĂ da ita-nanyaka i Miri dĂ ngu ba mbĂ da panii ndĂ ba-nahaka nuda lai nyuna.
Na pawuwangu-na wiki i Miri Yehu la papanau-na
(Mat. 28:16-20; Mrk. 16:14-18; Luk. 24:36-49)
19La lodu Minggu nunama, ba na-rudungu-ka, pauhi-danyaka da papanau-na i Yehu la hau uma ba dà ngu kabitangu-da da pindu, paraï pa-mangà datu-nja da liku uru Yahundi. Hi jia mai biana pa-ndolaku i Yehu la padua-da, “Ipeku hà muwa,” hi wà nanja.
20Ba nahà la-ka papanii tuna nu, paita-nanjaka da limana dà ngu na karaha-na. Ka dira hawola-haka ba daita-yaka i Miri. 21Hi nahili paniinja paraïna i Yehu, “Ipeku hà muwa,” hili wà nanjai. “Hama tuna i Ama ba na-palewa-ka Nyungga, tuna numbu Nyungga ba kupalewa-kai nyimi,” wà nanja. 22Hà laka nu hi nahapui-nja wà ngu kayeku-na hi napanii, “Kataku-yawa na Ngahuna i Ala. 23Jà kai jà manya na njalana na haà tu tau, najà ma-manya duna paraïna i Ala. Jà ka ndai jà manya na njalana na haà tu tau, nda najà ma-mbunya duna paraïna i Ala,” wà nanja.
I Miri Yehu dĂ ngu i Tomahu
24Tà ka i Tomahu (“i Ana Ndua,” ba wà danya) na haà tu la honga ha-kambulu madua papanau-na i Yehu nda nianya ba namai i Yehu. 25Da papanau-na hawiangu i Yehu dapanii-nya i Tomahu, “Mbà da ita-manyaka nyuma i Miri,” wà danya.
Na nyuna nahema i Tomahu, “Jà ka ndedima kuita-ha da ruku paku la limana, hi kurà ma wà nja wua limanggu nu da ruku paku dà ngu jà ka ndedima kurà ma wà nya limanggu na karaha-na, nda jia pawai à nga-anggu,” wà nanja.
26Palà ngangu hau minggu hili pa-mà tungu-madanyai lai nu da papanau-na i Yehu, nimbunya i Tomahu la rehi nu. Pa-rà pitu ndà ba-maha da pindu. Hi jia mai biana i Yehu pa-ndolaku la padua-da, “Ipeku hà muwa,” hi wà nanja. 27Hà laka nu hi napanii-nya i Tomahu, “Tà ngaru-ha da limanggu, kau rà ma wà nja wua limamu. Pajola-nya nà mu na limamu kau rà maya na karaha-nggu. Àmbu nahili mbili mbua dupa na etimu, tà ka mà tawa kau pawai,” wà nanya.
28Nanapa-ya i Tomahu, “Dou na Miringgu, dou na Alanggu duku,” wà nanya i Yehu.
29Tà ka i Yehu, “Jia ba ngahamu paita-aka, tà ka hiu pawai wà ngguka?” wà nanya. “Oha-adaka da tau da mapawai jiapa-kai ka nda daita-ka Nyungga!” wà na.
Na ngia pa-orangu-na yiana na mbuku
30Dadangu-mapa hawiangu da pa-hangĂ tarungu pawunda-na i Yehu la hanggada da papanau-na, da panda tulihu la mbuku yiana. 31Na nyuna hi tulihu ndĂ baha yiada, ka peku pawaimi#ka peku pawaimi; Da lawiti ndai da manda pirada: ka pa-daingu pawaimi. ba Hanganji Ma-pamĂ nangu dĂ ngu ba Ana Alaya i Yehu, dĂ ngu ka peku ngalangu-mi luri rukuna bai pawai lai Nyuna.
Currently Selected:
YUHANI 20: KAM
Highlight
Share
Copy
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
