YUHANI 18
18
Ba yĂ paya i Miri Yehu
(Mat. 26:47-56; Mrk. 14:43-50; Luk. 22:47-53)
1Ba nahà la-ka pa-hamayangu tuna nu i Yehu, laku-danyaka dà ngu da papanau-na la hapapa Luku Kindurungu. Lai nu ninya ba hauna na woka ngia pambawa, hi datama lai nu i Yehu dà ngu da papanau-na. 2I Yundahu na ma-kaleka, napinya lai nu; ba mbà da pauhi mà nu-daka lai nu i Yehu dà ngu da papanau-na. 3Ka lua-nanyaka lai nu i Yundahu ba na-kariangu hapamba tanatara Roma dà ngu da tau da matanggu dai la Umana i Miri, da papalewa-da da ratu pangora dà ngu tau Parihi. Dangà ndi madà ka, epi lanutera dà ngu hulu. 4Pi ndà ba-mananya paraïna i Yehu na manjadi napa la wikina. Nu ba tuna lua toma-nahaka nuda da tau hi na-paà ra-nja, “Nggamuya na pahimbu-mi?” wà nanja.
5“I Yehu tau Naharitu,” wà da na hemada.
“Jiaka Nyungga-maka yia,” wà na i Yehu.
Nu i Yundahu na ma-kaleka ndolaku dà nanja nyuda lai nu. 6Jiaka Nyungga-maka-yia ba wà na-njaka i Yehu, kandulingu-danyaka hi pà ha wà da la tana. 7Hi nahili paà ra-nja paraïna i Yehu, “Nggamuya na pahimbu-mi?” hili wà nanja.
“I Yehu tau Naharitu,” wà da na hemada.
8“Jiaka Nyungga-maka yia mbà da wà nggu-nggaika,” wà na i Yehu. “Tà ka jà ka Nyungga madu pahimbu-mi, mà ta ka dalaku yiada hawiangu,” wà nanja. ( 9Nu ba panii tuna nu i Yehu hà rangu-nanyaka na pambà da paniina la mangilu i Yehu: “Ama, welingu la tau da pawua-mungga, nda haà tu-a ma-mbulangu,” ba wà na.)
10I Himungu Peturu na-binjiru-ya na hapanda pangà ndi-na, hi na-là ndahu-nya na atana na Ratu Bokulu, nahà pu-maya na kahilu kawana-na. Na tamuna nuna na ata, Mà luku-ya. 11Tà ka i Yehu, “Patiku belinya na hapanda-mu!” wà nanya i Peturu. “Bau kakaka nu, Nda jia unu-anggunya na kaba wai mayila na pawua-nangga i Ama, wà mu?” wà nanya.
I Miri Yehu la hanggana i HanĂ hu
12Ka yĂ pa-danyaka i Yehu hi da hondu-ya paraĂŻ da tanatara Roma dĂ ngu na kimunda-da dĂ ngu da tau Yahundi da matanggu dai la Umana i Miri. 13DangĂ ndi mangilu-yapa i Yehu la hanggana i HanĂ hu, ama yerana i KayapĂ hu. I KayapĂ hu jiaya na Ratu Bokulu la ndaungu nuna. 14Jiaya nyuna-maka na mambĂ da panaunja da liku uru Yahundi ba narihi hĂ mu ningu-mapa jĂ ka nameti na haĂ tu tau ndumana na banjaru nggubulu-na, na mawĂ na.
Na pahiningu-na i Peturu
(Mat. 26:69-70; Mrk. 14:66-68; Luk. 22:55-57)
15I Himungu Peturu dà ngu na haà tui na pa-panaungu da kikunya i Yehu. Nu na pa-panaungu haà tu natanda-ya paraïna Ratu Bokulu; jia duyaka hi natama karia-nya i Yehu la talora umana na Ratu Bokulu, 16tà ka i Peturu patiangu-nanya la hambeli la pindu. Tunaka nu luhu-nanyaka la hambeli nu na pa-panaungu haà tu hi napanii danya na ata kawini na madaiya na pindu, hi namangu patama karia-nya i Peturu hu daa. 17Tà ka nu na ata kawini na madaiya na pindu, “Yi ha, ka nda jia-mbukau nyumu haà tu la papanau-na na tau nina?” wà nanya i Peturu.
“Ndia-a duku,” wà na na hemana i Peturu.
18La rudungu nu lalu maringu-ya. Jia ba tuna mbĂ da padukulu-daka epi pa-lawarangu da matanggu paloku dĂ ngu da matanggu dai hi dadiru epi lai nu. Lua-nanyaka i Peturu lai nu hi na-ndolaku padiru dĂ nja epi.
Na paĂ ra-nanya i Miri Yehu paraĂŻna Ratu Bokulu
(Mat. 26:59-66; Mrk. 14:55-64; Luk. 22:66-71)
19Na Ratu Bokulu na-paà ra-nya i Yehu rukuna da papanau-na dà ngu rukuna da pa-pekangu-na. 20Nanapa-ya i Yehu, “Naingu-mana ba kupanii pa-habolangu la hangga-na i madangu. Naingu-mana na pa-pekangu-nggu tau la uma bunggu - uma bungguru dà ngu la Uma Ala, ngia pakà li pauhi-na na tau Yahundi. Ndedi ku-handà kangu-ma papanii ngga - nggà ra la ma-kawiningu. 21Ka nggikina umbu hiu paà ra ningga Nyungga? Paà ra bianja nyuda da mambà da ronguka ba ku-papekangu tau. Jiangu-ma duda dapinya jà ka nggà ra papanii-nggu,” wà nanya.
22Ba panii tunaka nu i Yehu, na haà tu na matanggu dai lai nu natà ba-ya i Yehu, “Utoru mbeni pà ku Nyumu papanii tumu nu la Ratu Bokulu!” wà na.
23Nanapa-ya i Yehu, “Jà ka nanjala na papanii-nggu, panii-yawa nà hu jà ka nggà raya na manjala! Tà ka jà ka ma-deningu bi-duaya nu na papanii-nggu, ka nggikina hiu tà baka?” wà na.
24Tunaka nu parĂ hangu-nanyaka tau i HanĂ hu pangĂ ndi mangu hondunya i Yehu lai Ratu Bokulu KayapĂ hu.
Na hili pahiningu-na i Peturu
(Mat. 26:71-75; Mrk. 14:69-72; Luk. 22:58-62)
25Ndolaku-mana-nyapa i Himungu Peturu padiru epi lai nu. Tà ka da tau lai nu, “Ka nda papanau-mbunanggau dumu na tau nina?” wà danya. Ka pahiningu-nanyaka i Peturu, “Ndia-a duku,” wà na.
26Ka panii-nanyaka na haà tu na atana na Ratu Bokulu, nu na kalembi-na na tau pahà pu-na kahilu i Peturu, “Ka nda kuita-akau dumu la woka dà ngu Nyuna?” wà nanya.
27Ka hili pahiningu-mananyai i Peturu, “Ndia-a” wà na – nu pà ku nu, hakuku-nanyaka na manu.
I Miri Yehu la hanggana i Pilatu
(Mat. 27:1-2, 11-14; Mrk. 15:1-5; Luk. 23:1-5)
28La mba - mbaru ngà ndi-danyaka i Yehu la Uma Nggumbunuru welingu la umana i Kayapà hu. Da tau Yahundi wiki nda datama-a la uma Nggumbunuru ka à mbu ta-iraku ba wà da, maa ba mbuhangu-danya panganya na pangangu Paha. 29Tuna nuduka hi naluhu tomaha paraïna i Pilatu hi na-paà ra-nja, “Nggà raya na pakà la wà minya na tau yiana?” wà nanja.
30Danapa-ha nyuda, “Jà ka nda ningu njalana, nda jia ngà ndi-amanya la hanggamu umbu Nggumbunuru,” wà danya.
31Tà ka i Pilatu, “Pitiya kai patanda-nya ngerana pa-namatu-nya na uku wiki-mami dimi,” wà nanja.
Ka hema-danyaka da tau Yahundi, “Nda peku-ama duma la pa-hukungu pameti tau,” wà da. (32Nu hi tuna ka na-hà rangu na papanii-na i Yehu jà ka nggiki metina Nyuna.)
33Tama beli-nanyaka i Pilatu hi napaau-nya i Yehu, hi na-paà ra-nya, “Deningu-na dumu ba Hanganji tau Yahundi-kau?” wà nanya.
34Nanapa-ya i Yehu, “Welina lai nyumu wikima yiana na paà rangu, jà ka ndia hi ningu tau hawiangu mapanii-nggaunya na rukunggu Nyungga?” wà nanya.
35Nanapa-ya i Pilatu, “Ka tau Yahundi-ya nyuna wà mungga? Hi na banjaru wiki-mamu dumu dà ngu da ratu pangora da ma-pakata-nggau lai nyungga. Nggà raya na pambà da wundamu?” wà nanya.
36Nanapa-ya i Yehu, “Na pa-hanganji-nggu nda welina la pinu tana-a. Ngera hama tuna jà ka welina la pinu tana, dambeni hanggangu-ka là ti da taunggu, ka à mbu pakata-ngga la liku uru Yahundi. Tà ka nda paweli-na yia la pinu tana-a duku na pa-hanganji-nggu,” wà nanya.
37Ka paà ra-nanyaka paraïna i Pilatu “Jà ka tuna nu, ka Hanganji-kau dumu Nyumu?” wà nanya.
Nanapa-ya i Yehu, “Hanganji ba wà mu-madu-nggaka. Ninguma pawuku, hi kiri dedinggu dà ngu hi kiri mainggu la pinu tana, nu ka ku-hakahii-nya na ma-padeningu. Na tau na ma-pawelingu la ma-padeningu marongu-ka Nyungga,” wà na.
38Na-paà ranya paraïna i Pilatu, “Nggà raya nu na ma-padeningu, ba wà mu?” wà nanya.
Ba ratanya hukungu meti i Miri Yehu
(Mat. 27:15-31; Mrk. 15:6-20; Luk. 23:13-25)
Ka hili luhu-nanyaka welingu la uma i Pilatu hi napanii-nja da tau Yahundi, “Nda ana haua njala pahunggu-nggu lai Nyuna. 39Na nyuna pa-namatunya na pakà li ndà mami, ku-pahà la-mà numa haà tu tau pa-tahangu la Lodu Remi Paha. Mà la imbuhangu-du ka ku-pahà la-nggainya na Hanganji tau Yahundi?” wà nanja.
40Ka hema-danyaka ba dawà ngu pakaba - bà tingu, “Ndia-a, à mbu Nyunadu, i Mbaramba wà ma duma,” wà da. (I Mbaramba tau rambangu-ya.)
Currently Selected:
YUHANI 18: KAM
Highlight
Share
Copy
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
