YUHANI 14
14
I Miri Yehu jiaya na ngarangia lai Ama
1Tàka i Yehu, “Àmbu jia nda ngudu-daka da etimi,” wànanja. “Mipawai-wa#Mipawai-wa; jàka ndia: Nyimi mipawai. lai Ala, hamanai mipawai-wa lai Nyunggambu. 2La umana na Amanggu dadangu da ngia pa-ngiangu. Na lakunggu lai nàhu ka paloku-nja pangia-da nyuda wànggunggai. Nda jia panii tuanggu nu jàka nda dadangu làti#La umana ... jàka nda dadangu làti; jàka ndia: La umana na Amanggu dadangu da ngia pa-ngiangu; jàka nda dadangu làti, ka jia panii-nggunggaika nu ba laku-nggunya lai nu pa-paloku-nggai pangia-mi? da ngia pa-ngiangu. 3Jàka mbàda laku-ngguka pa-paloku-nggai pangia-mi, napa kubeli papiti-kai nyimi, màtawa la ngia paningga Nyungga, ka lai numbukai nyimi. 4La ngia palaku-nggu Nyungga mipi-manya na ngarangia-na,” wànanja.
5Ka panii-nanyaka i Tomahu lai Yehu, “Miri, nda mapi-anya duma na ngia palaku-mu, nggiki hama pi bia-manya na ngarangia-na?” wàna.
6Nanapa-ya i Yehu, “Jiaka Nyungga-maka na ngarangia la patanda wànya i Ala dàngu la pa-ngalangu wàngu luri. Nda jia haàtu-a ma-ngalangu patàka lai Ama jàka nda nalika Nyungga. 7Jàkai tandaka Nyungga, jiangu-ma bai tanda-mbuya#Jàkai tandaka Nyungga, jiangu-ma bai tanda-mbuya; Da lawiti ndai da manda pirada: Ba mbàda tanda-minggaka Nyungga jiangu bai tandaya. na Amanggu. Nàhu mbàda tanda-minyaka Nyuna, dàngu mbàda ita-minyaka,” wànanja.
8Tàka i Pilipu, “Miri, paita-àru-nggamanya làti i Ama ka na-lànyapu na etima,” wànanya i Yehu.
9Na nyuna nanapa-ya i Yehu, “Mandai bia-nggunyaka ba ningga la pahiku-mi, ka ndedi-mapa nu utandaka Nyungga, Pilipu? Na tau na mambàda itaka Nyungga mbàda ita mbuna-nyaka i Ama. Ka ni, ‘Paita-nggamanya i Ama,’ hi jia wàmu bia? 10Màla Pilipu! Ndau pawaia, ba ku-mbulungu Nyungga dàngu i Ama, tàka i Ama ba na-mbulungu dàngu Nyungga? Na papanii-nggu lai nyumu, nda wàngu-nggunya eti wiki-anggu ba kupanii-ha. I Ama na ma-padaingu pa-pambulu dàngga Nyungga, jiaya duna na mawunda ndàbaha nuda. 11Mupawai-wa lai Nyungga, ba ku-mbulungu Nyungga dàngu i Ama dàngu ba na-mbulungu i Ama dàngu Nyungga. Jàka ndiakai, mili upawai rukuda da pambàda wundanggu. 12Langatàka ma-padeningu-maya yiana na paniinggu: Na tau mapawai lai Nyungga, napa nawunda-ha da pambàda wundanggu Nyungga, – jiapa nawunda-mbupa napa marihi bokulu – maa ba laku-nggunya lai Amadu. 13Jiapa ka nggàra-yakadu na pakarai wàminya na tamunggu, napa ku-pahàra-manggainya duku, ka pa-mangunju-ya i Ama lai Ana. 14Nggàra biaya na pakarai wàminya#Nggàra biaya na pakarai wàminya; Da lawiti ndai da manda pirada: Nggàra biaya na pakarai-mi lai Nyungga. na tamunggu, napa ku-pahàra-nya,” wànanja.
Nanjanji-nanja Ngahuna i Ala paraïna i Miri Yehu
15“Jàkai mbuhangga, jiangu-ma bai pahàra-nja napa da hupu liinggu. 16Napa kukarai-ya i Ama, dàngu napa ka nawua-nggai Ma-pandulangu haàtu, na ma-ndàdiku pa-engangu angunggai nyimi lundu nu - nu. 17Nyuna nu jiaya na Ngahuna i Ala na mapeka ma-padeningu rukuna i Ala. Nda na-ngalangu-a pa-kataku-ya pinu tana, ba nda daita-ya dàngu ba nda datanda-ya. Tàka nyimi dimi itanda-maya, maa ba na-ndàdiku angunggai dàngu napa na pambulu-danggai.#dàngu napa na pambulu-danggai; Da lawiti ndai da manda pirada: dàngu na-pambulu-danggai.
18Nda jia dunjaku meha-anggunggai hama tuna ana mamila. Napa kubeli lai nyimi. 19Nda nggi tu-anapa ba nda nahili itaka na pinu tana. Tàka nyimi napa miitaka. Tàka ba kuluri Nyungga, napai lurimbu nyimi. 20Jàka jia-yaka na loduna, napai pinya ba ku-mbulungu Nyungga dàngu i Ama, tàka nyimi bai mbulungu dàngu Nyungga, tàka Nyungga ku-mbulungu dàngu nyimi.
21Na tau na ma-kataku-ha da hupu liinggu dàngu hi na-pahàra-nja, jiaya nyuna na mambuha-ngga Nyungga. Napa na Amanggu nambuha-nya na tau na mambuha-ngga Nyungga. Tàka Nyungga kumbuha-mbunya na tau nuna hi ku-pawuwangu wikinggu lai Nyuna,” wàna.
22Tàka i Yundahu (nda jia-aya i Yundahu Ihikariu) na-paàra-nya i Yehu, “Miri, ka nggikina napa hi pa-wuwangu bia-munyai wikimu lai nyuma, tàka hi ndiai la pinu tana yiana?” wànanya.
23Nanapa-ya i Yehu, “Na tau na mambuha-ngga Nyungga, napa nanunju-ha da lii papekangu-nggu. Tàka i Ama nambuha-nya nyuna. Napa i Ama dàngu Nyungga ka mamai lai nyuna hi ma-ndàdiku angunya. 24Na tau na manda mbuhangga Nyungga, nda nanunju-aha da lii pa-pekangu-nggu. Na lii pa-pekangu na parongu-mi, nda welina lai Nyungga-a tàka welina lai Ama duna na ma-palewa-ka Nyungga.
25Kupanii ndàba-nggaiha nuda, ka ba ni-dunggapa lai nyimi. 26Na nyuna na Ngahuna i Ala, i Ma-pandulangu na papalewa-na napa i Ama la tamunggu Nyungga, jiaya duna na ma-papeka-nggainja mbuu ndàbada dàngu na ma-panamu ndàba nggainja nu da pambàda panii-nggunggai.
27Ku-bànjalu-nggai mapeku mahàmu. Nu na mapeku mahàmu na paruku wikinggu jiaya na pawua nggunggai. Nu na pawua-nggu nda hama tuana na pawua-nanggai na pinu tana. Àmbu jia nda ngudu-daka da etimi, àmbi mangàdatu. 28Mbàda rongu-mika ba kupanii-nggai, ‘Napa kulaku, na nyuna jiangu-ma napa kubeli lai nyimi,’ ba wànggu. Jàkai mbuhangga Nyungga dahàmu-ma duda da etimi ba kulaku lai Ama, maa ba narihi bokulu-dupa i Ama welingu lai Nyungga. 29Nàhu kupanii haha-nggaiha nuda, ba ndedi danjadi ndàba, màta jàka danjadi-ka napa, pawai-dimi-nyaka. 30Nda nahili dangu-apa na papanii-nggunggai, maa ba jia-yaka na rehi nàmunya na ma-katanya na pinu tana. Na nyuna nda nggàra-a parautu-na lai Nyungga. 31Na nyuna ba tuna, lupangu-ma bàdi danjadi ndàba nuda màta ka napinya pinu tana ba kumbuha-nya i Ama dàngu hi ku-pahàra-nya na hupu liina i Ama lai Nyungga.
Nàhu màlawa ka ta-yilangu welingu lai yiahu,” wànanja.
Currently Selected:
YUHANI 14: KAM
Highlight
Share
Copy
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
