DEDI 12
12
I Àmbaràmu na-paaunya paraïna i Ala
1I MIRI natuu liina lai Àmbaràmu, “Dunjaku-nyawa na paraimu, da nua kalembi-mu dàngu na uma amamu, hàla lakuwa la tana na pa-paitanggu-nggau napa. 2Napa Nyungga kuwua-nggau wàla wuamu mada - dangu dàngu nyuda napa nadedi-ha banjaru bokulu. Napa ku-pakanyuru-nggau dàngu ku-wulaku-ya na tamumu hi nawuwa, hi lupa munjadi kanyuru.
3Napa Nyungga ku-pakanyuru-nya na ma-pakanyuru-nggau
dàngu napa kuràtu-nya na tau maràtu-nggau.
Dàngu rukumu nyumu
Napa Nyungga ku-pakanyuru-nya mbuu ndàbana na banjaru la pa-nggubulu awangu,”#Dàngu rukumu nyumu ... na banjaru la pa-nggubulu awangu; jàka ndia: Napa mbuu ndàba na banjaru da-kamahi-ngga ka ku-pakanyuru-ha hama tuna na pa-kanyuru-nggunggau nyumu. wànanya.
4-5I Àmbaràmu na ndau lurina pihu kambulu lima-naka ba jiaya na-dunjaku-nanya la Haràngu, pa-jàngapu-nya na pareta-na i MIRI lai nyuna. I Àmbaràmu nalaku la tana Kanaàngu anguda i Harai na papaha-na, dàngu i Lòtu, ana anguna paluhu, dàngu mbuu ndàbada da banda pawulu-na lupa da ata da pangala-da la Haràngu.
Ba datàka-ka la Kanaàngu, 6i Àmbaràmu nanjada-nya na tana nuna lupa natàka la pingi ai hàri la Mori, nu na ngia pa-hamayangu la Hikimu. (La rehi nuna na tau Kanaàngu ngiangu-mana-nyapa la tana nuna.) 7I MIRI na-paitangu wikina lai Àmbaràmu, hi napanii-nya, “Yiana-yaka na tana na pawua-nggunya napa na wàla wuamu,” wànanya. Ka pahadangu-nanyaka i Àmbaràmu lai nu hau ngia pawotu maraku tungguna i MIRI na mambàda pa-itangu wikina lai nyuna. 8Hàlaka nu pangala-nanyaka na lakuna hu luru, la ngaba ma-patandulangu la pahunga loduna na paraingu Mbetilu, dàngu hi nawulu maüna la manggawa paraingu Mbetilu dàngu paraingu Aï: Na Mbetilu la patama loduya dàngu na Aï la pahunga loduya. Lai numbu nyuna na-pahadangu hau ngia pawotu maraku, hi na-maraku-nya i MIRI. 9Tunaka nu pangala-nanyaka na lakuna welingu la hau pa-ngiangu lupa hilu la hau pa-ngiangu, hanggangu-nanya la mbara luruna na tana Kanaàngu.
I Àmbaràmu la Mehiru
10Tàka la tana Kanaàngu talànga tunguna na rimbangu nda palàda, hi lupa nyuna i Àmbaràmu narihi marau-maipa hu luru na palaku-na, la tana Mehiru la pa-engangu lai nu lundu na-làpahu nuna na ura pàda. 11La rehi ka pànggatu-ya na padira dàngu ka tamawa la tana Mehiru ba wànaka, panii-nanyaka i Harai na papaha-na, “Mu-manandangu nyumu, papaha-nggu. 12Jàka daita-kau tau Mehiru, papaha-nanya ni wàda-maka duda, nu ka pameti-danggaka nyungga, tàka nyumu hi damàta-nggau paluri. 13Jia ba tuna nahàmu-pa, eri-nangga ka wàmu bia, ka peku màta-dangga paluri dàngu ka peku kataku dàngu hàmu-dangga lumumu nyumu,” wànanya. 14Tàka tuba-mana, ba na-pànggatu-yaka na padira tana i Àmbaràmu dàngu ba natàka-ka la tana Mehiru, ita-danyaka paraï tau Mehiru i Harai ba lalu manandangu-ya. 15Ba mapira-ha da panggawi uma hanganji ba daita-yaka, lua-danyaka papanii la hanganji ba kanjupu manandangu-ya na kawini nuna; jia-duyaka hi da-karia-nya la uma hanganji. 16Lumuna i Harai ka kataku dàngu hàmu-nanyaka i Àmbaràmu paraïna hanganji, hi nawua-nya ata, kabàba mbimbi, kamàmbi, hapi, kalandai dàngu ota.
17Tàka paraï ruku piti-nanya i Harai nyuna na hanganji, i MIRI patàka-nanyaka panyaki ma-mbàringu na hanganji dàngu na tau la kuru umana. 18Ka paau-nanyaka i Àmbaràmu paraïna hanganji hi na-paàra-nya, “Nggàraya na pawunda-mu hanggangu lai nyungga? Nggikina hi ndau pekangga, ba papaha-munya nyuna? 19Nggikina eri-nggunya hi wàmungga tàka hiu pahia-ngga la papiti-ya tu papaha-nggu? Yiana-yaka na papaha-mu; piti-yawa kau laku!” wànanya. 20Na hanganji nawua-nja pareta ba mapira-ha da panggawi-na, tàka nyuda hi da-pulinya palaku i Àmbaràmu, welingu la tana lai nu, dàngu na papaha-na hamanai mbuu ndàbada da manguna.
Currently Selected:
DEDI 12: KAM
Highlight
Share
Copy
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)