DEDI 11
11
Na Lewatu la Mbambilu
1La kawunga-na, da banja - banjaru la pa-nggubulu awangu hau hilu-aha, dàngu da kareuku pawàda da-pahama-ma. 2Ba da-njadangu-ka la pahunga lodu, tàka-danyaka la hau maràda la tana Mbambilunia, ka pa-engangu-danyaka lai nu. 3Dapanii dàngga anguda, “Màla ka ta-pandoi watu rara ka tatunu-ha lundu da-kalatungu,” wàdaka. Nu-duyaka hi ningu watu rarada pawulu wàngu uma dàngu teru pa-panditaku wàngu. 4Dapanii ba da-pahamangu, “Màla ka ta-pahadangu paraingu dàngu hau lewatu na kawuku-na na matoma la awangu, ka peku wuwa wàngunda dàngu ka àmbu ta-paihangu la pa-nggubulu awangu,” wàdaka.
5Ka puru-nanyaka i MIRI pa-tàngaru-ya na paraingu dàngu na lewatu pa-pahada-da da tau. 6Hi napanii, “Nyuda yia hau banjaru-aha dàngu hau hilu-aha, dàngu yiana hina-apa pakiri-nanya na pawuku - pawuku-da. Nda namandai-apa ba damàka pa-pandoi-ya jàka nggàra biaya na pambuha-da. 7Nahàmu-pa ka tapuru dàngu ka ta-kubaru-ya na hiluda, ka àmbu da-maràngga papingu hilu dàngga anguda,” wànaka. 8Tuna nu i MIRI ba na-paiha nggangganja la pa-nggubulu awangu. Ka pànjangu-danyaka pa-pahada-nya na paraingu. 9Jia-duyaka hi datunya tamuna na paraingu nuna, Mbambilu,#Mbambilu; ba wàngu parongu-ya hamana na kareuku hilu Imbarani, “pakili-korungu,” ba wàna. nadu ba lai nuduka i MIRI ba na-kubaru-ya na hiluna mbuu ndàbana na banjaru, dàngu welingu lai nuduka ba na-paiha - paiha-nya la pa-nggubulu awangu paraïna i MIRI.
Da wàla wuana i Hemu
(1 L Nd. 1:24-27)
10Yiada-haka da wàla wuana i Hemu. Dàmbu ndau-naka la hambeli iwa obungu, ba 100 mbua ndau-naka na lurina i Hemu, ngalangu-nanyaka haàtu anakeda mini, na tamuna Àrapàkahàtu-ya. 11Hàlaka nu naluri-mapa 500 mbua ndaungu, dàngu nangala-manjapa da anana hawiangu.
12Ba 35 mbua ndau-naka na lurina i Àrapàkahàtu, ngalangu-nanyaka haàtu anakeda mini, Helàhu-ya na tamuna. 13Hàlaka nu i Àrapàkahàtu naluri-mapa 403 mbua ndaungu, dàngu nangala-manjapa da anana hawiangu.
14Ba 30 mbua ndau-naka na lurina i Helàhu, ngalangu-nanyaka haàtu anakeda mini, Embiru-ya na tamuna. 15Hàlaka nu i Helàhu naluri-mapa 403 mbua ndaungu dàngu nangala-manjapa da anana hawiangu.
16Ba 34 mbua ndau-naka na lurina i Embiru, ngalangu-nanyaka haàtu anakeda mini, Peliku-ya na tamuna. 17Hàlaka nu i Embiru naluri-mapa 430 mbua ndaungu, dàngu nangala-manjapa da anana hawiangu.
18Ba 30 mbua ndau-naka na lurina i Peliku, ngalangu-nanyaka haàtu anakeda mini, i Rehuya na tamuna. 19Hàlaka nu i Peliku naluri-mapa 209 mbua ndaungu, dàngu nangala-manjapa da anana hawiangu.
20Ba 32 ndau-naka na lurina i Rehu, ngalangu-nanyaka haàtu anakeda mini, i Heruku-ya na tamuna. 21Hàlaka nu i Rehu naluri-mapa 207 mbua ndaungu, dàngu nangala-manjapa da anana hawiangu.
22Ba 30 mbua ndau-naka na lurina i Heruku, ngalangu-nanyaka haàtu anakeda mini, i Nahuru-ya na tamuna. 23Halaka nu i Heruku naluri-mapa 200 mbua ndaungu, dàngu nangala-manjapa da anana hawiangu.
24Ba 29 mbua ndau-naka na lurina i Nahuru, ngalangu-nanyaka anakeda mini, i Teraya na tamuna. 25Hàlaka nu i Nahuru naluri-mapa 119 mbua ndaungu, dàngu nangala-manjapa da anana hawiangu.
26Ba 70 mbua ndau-naka na lurina i Tera, ngala-nanjaka da anana ba dadua haàtuda, i Àmbaràmu, i Nahuru dàngu i Haràngu.
Da wàla wuana i Tera
27Yiada-haka da wàla wuana i Tera: i Tera amada i Àmbaràmu, i Nahuru dàngu i Haràngu. I Haràngu ninya na anana mini, i Lòtuya na tamuna. 28I Haràngu nameti la kotaku wikina la Uru, la tana Mbambilunia, ba naluri-ipa na amana. 29I Àmbaràmu na-kanoma-ya i Harai, tàka i Nahuru na-kanoma-ya i Miluka na anana kawini i Haràngu. I Haràngu ni-manyapa na anana mini haàtu, i Yikàhu-ya na tamuna. 30I Harai nambuta.
31I Tera na-dunjaku-nya na paraingu Uru la Mbambilunia hi da-pakariangu dàngu i Àmbaràmu na anana, i Lòtu umbuku-na, dàngu i Harai na ri anana, na papaha-na i Àmbaràmu. Na pawuku-na ka kulaku la tana Kanaàngu wàna làti. Tàka ba datàka-ka la Haràngu, pa-engangu-danyaka lai nu. 32Lai nu-mbuduka nameti ningu i Tera, 205 mbua ndauna na lurina.
Currently Selected:
DEDI 11: KAM
Highlight
Share
Copy
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)