NA RUKUDA DA PA-PAHURUNGU 6
6
Da tau mapihu ma-pambapangu
1Da tau ma-kikungu lai Yehu bonja - bonjangu-madanya padangu. La rehi nu da tau Yahundi da mawà ngu hilu Yunani, dapulu-nja da tau Yahundi memangu. Na paniida da mawà ngu hilu Yunani, “Da kawini lai nyuma da mameti leida nda da-ngalangu-a ndumada paluri wà da hau lodu - hau lodu na pa-paberi-nya na tau,” wà da. 2Jia-duyaka da hakambulu madua pa-pahurungu hi da-pauhi ndà banya na tau ma-kikungu, hi dapanii-nja, “Nda nahà mu-a jà ka ma-pà njangu nyuma pa-bobaru-ya na puluna i Ala, paraï pa-paloku-ya na ngera pangangu. 3Jia batuna angu dedi, nahà mu kai pindi la hongami nyimi tau mapihu, mahà mu tamuna, na pa-kuaha-na na Ngahuna i Ala dà ngu na ma-manggà na, ka ma-patanggu-nja la pa-paloku-ya na matuna nu; 4nadu mà ta nyuma ka ma-hamayangu dà ngu ka ma-bobaru-ya na puluna i Ala-a,” wà da.
5Mbuu ndĂ bada da tau daora-nya nuna na palibu-da da pa-pahurungu. HĂ la pindi-danyaka i Hitipanu, haĂ tu tau mapawai langatĂ ka lai Yehu, dĂ ngu na-kuaha-ya paraĂŻna Ngahuna i Ala. Dapindi-mbuha: i Pilipu, i Porukoru, i Nikanuru, i Timungu, i PĂ rumenahu dĂ ngu i NikulaĂĽ welingu la Atiokia; nyuna nda tau Yahundi-aya tĂ ka natama-ka la anggama Yahundi. 6Nuda da tau mapihu da-huharu-nja la pa-pahurungu, hĂ la da pa-pahurungu hi da-hamayangu dĂ ngu hi dakarai-nja kanyuru welingu lai Miri.
7Tuna nuduka na lii welingu lai Ala ba na-parukangu pa-hamboka dĂ ngu da ma-kikungu lai Yehu la Yeruhali da-parukangu-mbu pa-pabonjangu na danguda. DĂ ngu dadangu-mbu da ratu da mapawai lai Yehu.
Ba yĂ paya i Hitipanu
8I Hitipanu lalu pakanyuru-nanya paraïna i Ala, hi lupa dadangu da pa-hangà tarungu dà ngu da panda ita hamangu da pa-patumbu-na la padua tau dangu. 9Tà ka ningu tau da ma-ndubaku-ya nyuna; nyuda jiaha da anggota uma Hamayangu Tau Mbembahu.#Tau Mbembahu; Nyuda nu tau Yahundi-ha, là ti à mangu ata pakeiha, tà ka mbà da mbayaru-daka ndumana na marandeka-da, jà ka ndia mbà da pa-marandeka-haka. Da anggota uma hamayangu nuna jiaha da tau Yahundi ma-pawelingu la Kireni dà ngu Alikuhandaria. Nyuda dà ngu da tau Yahundi welingu la Kilikia dà ngu Ahia da pa-rawaku dà nya la panii i Hitipanu. 10Tà ka nyuda nda damà ka patunya papana na kareuku-na i Hitipanu, nadu ba Ngahuna i Ala duna mawua-nya kaminaku manggà na la pa-kareuku. 11Jia hi dawua pa-runungu la tau da manda pirada la patanggu kareuku, “Marongu-mayaka nyuma na tau nuna ba na-paaka-nya i Muha dà ngu i Ala!” wà da. 12Tuda nu ba darunda-ya na tau dangu, dà ngu da amabokulu Yahundi, lupa da ngguru anggama. Hà la lua-danyaka payà pa-ya i Hitipanu, tunaka nu hi dangà ndi-ya la hangga Batangu Anggama. 13Dà ngu da-karia-mbunja da hakahii da ma-wuangu taranga manda pa-deningu rukuna i Hitipanu. Da hakahii dapanii, “Na tau yiana, naingu-mana ba na-paaka-nya na Umana i Miri na ma-matua dà ngu ba na-paaka-nja da pareta-na i Ala da pa-patà ka-na i Muha. 14Dà ngu marongu-mayaka ba napanii, ba nyà nggaru-nanya napa yiana na Umana i Miri paraïna i Yehu welingu la Naharitu, hi na-panjilu hà lanja da uku huri da pa-papuru-nanda nyuta i Muha!” ba wà na. 15Mbuu ndà bada da tau da maninja la rapatu Batangu Anggama da-kanundaru-ya i Hitipanu. Ba itaya la rehi nu na matana i Hitipanu jiangu-ma na mata papalewa-ya.
Currently Selected:
NA RUKUDA DA PA-PAHURUNGU 6: KAM
Highlight
Share
Copy
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
