Johani 7
7
Jesu a kanela mubuzweni wa mixaxa.
1Anzhako ka lezo, Jesu i wa fambafamba le Galilea; i wa nga ranzi ku fambafamba le Judia, hakuva a vaJuda va wa lava ku mu daya. Xip. 5:16, 18
2Kanilezi a mubuzo wa vaJuda, lowu va nge Mubuzo wa mixaxa, wu wa tshinele. Levi 23:34
3Hikwalaho a vanakulobye vaku ngalo ka yena: Suka laha, uya Judia, kasi a vapizani va wena kambe va fela ku wona a mitiro ya wena leyi u yi mahako. Mat. 12:46; Mar. 3:31; Miti. 1:14
4Hakuva a ku na munhu a mahako nchumu kufihlaleni loku a ranza ku tibyiwa xikari ka vanhu. Lezi u mahako mitiro ya kunghahi ti wonekelise kubaseni mahlweni ka vanhu.
5Hakuva hambu ni vanakulobye va wa nga kholwi kakwe. Mar. 3:21
6Jesu aku kabye: A xikhati xa mina a xi se ku chikela, kanilezi a xikhati xa nwina xi kona zikhati zontlhe. Xip. 2:4
7A tiko a gi zi koti ku mu venga; kanilezi mina ga nzi venga, hakuva nza kustumunya ha gona, lezaku a mitiro ya gona yi bihile. Xip. 3:19; 15:19
8Yanani nwina mubuzweni, mina a nza hayi mubuzweni lowu; hakuva a xikhati xa mina a xi se ku tatiseka.
9Loku a va byelile lezo, i lo sala le Galilea.
10Kanilezi laha vanakulobye na va yile mubuzweni, Jesu kambe i loya kona, na ku nga hi kubaseni, kanilezi a famba xihundleni.
11A vaJuda va lo mu lava le mubuzweni, vaku: I kwihi? Xip. 11:56
12Ku wa hi ni kukanetisana ha yena xikari ka xidlemo; a vanwani vaku ngalo: Munhu nene; a vanwani vaku: Ahihi, wa kanganyisa vanhu. Mat. 21:46; Lu. 7:16; Xip. 9:16
13Hambu lezo ku wa nga hi kona munhu a nga wulawula ha yena kubaseni, hi kota ya kuchava vaJuda.
14Kanilezi laha xikari ka mubuzo Jesu i loya tempeleni, a gonzisa.
15A vaJuda va lo hlamala, vaku: A munhu loyi i tivisa kuyini mitsalo, lezi cima a nga gonzangi ke? Mat. 13:54; Miti. 2:7
16Jesu i lo va hlamula, vaku: A gonzo ya mina a hi ya mina, kanilezi ya loyi a nzi rumileko. Xip. 8:28
17Loku munhu a xuva ku maha kuranza ka Nungungulu, i ta yi tiva a gonzo leyi, loku yita hi ka Nungungulu, kutani nzo ti wulawulela mina wutsumbu. Xip. 8:43
18Loyi a wulawulako hi za wutsumbu gakwe, i lava wudzunzo ga yena nwinyi; kanilezi loyi a lavako ku dzunza loyi a mu rumileko; hi yena a gonzisako zinene, ku hava a kungalulami ka yena. Xip. 5:41; 8:50
19Xana Mosi a nga mu nyikangi a nayo ke? Hambu zi hi tano, a nga kona munwe wa nwina a gongako nayo. Hikuyini mu lava ku nzi daya? Ekso. 24:3; Deut. 33:4; Miti. 7:38; Mat. 12:14
20A xidlemo xi lo hlamula, xiku: Wena u na ni dimoni! Himani a lavako ku ku daya? Xip. 8:48, 52; 10:20
21Jesu i lo va hlamula, aku: Nzi mahile a ntiro munwe ntsena, mu hlamala nwentlhe ha wona.
22Mosi i lo mu nyika wukwera (a hi lezaku gi sangulwe hi Mosi, kanilezi hi vakokwani), kanilezi hi sabado mu enghenisa munhu wukwera. Gen. 17:10; Levi 12:3
23Loku munhu a engheniswa wukwera hi sabado, lezaku a nayo wa Mosi wu nga hambunyetwi; xana mu nzi zangarela yini, hilezi nzi hanyisileko munhu hi sabado ke? Xip. 5:8, 9
24Mu nga lamuli hi kota ya lezi zi wonekako, kanilezi lamulani hi nongameto. Deut. 1:16; Mav. 24:23
25Hikwalaho a vanwani va le Jerusalema vaku ngalo: A hi yena loyi va lavako ku mu daya ke?
26Mangabye, wa wulawula kubaseni, a ya wuli nchumu ka yena. Xana a vafumeli va zi tiva lezaku loyi hi yena Kristu ke?
27Ahemba-lokoke, loyi munhu ha mu tiva laha a tako ha kona; kanilezi laha Kristu a ta ngata, a ku na munhu loyi a tivako laha a humako kona. Mat. 13:55; Mar. 6:3
28Hikwalaho Jesu na a kari a gonzisa tempeleni, i lo vitana hi gezu ga hombe, aku: Hakunene mina ma nzi tiva, ni laha nzi tako ha kona ma ku tiva; kanilezi a nzi ti telangi hi wutsumbu ganga, ni loyi a nzi rumileko ngwa zinene, loyi nwina mu nga mu tiviko. Xip. 1:18; 5:32, 43; 8:42; Rom. 3:4
29Mina nza mu tiva, hakuva nzi huma ka yena, hi yena a nzi rumileko. Mat. 11:27; Xip. 10:15
30Zonake va wa lava ku mu khoma, kanilezi ku wa nga hi kona munhu a nga mu henya, hakuva xikhati xakwe xi wa nga se ku chikela. Mar. 11:18; Lu. 19:47; Xip. 8:20
31Kanilezi vanyingi va lomo xidlenwini va lo kholwa hi yena, vaku: Kristu loku a tile, xana i ta maha ziwoniso Zo hunza lezi a zi mahako loyi munhu ke?
32A vaFarisi va lozwa a vanhu na va kari va wula lezi ha yena; zonake a vapristi va hombe ni vaFarisi va lo ruma vanyakasani ku ya mu khoma.
33Kanilezi Jesu aku ngalo: Ka ha hi xikhatanyana na nza ha hi na nwina, zonake nza famba ka loyi a nzi rumileko. Xip. 13:33
34Mu ta nzi lava, kanilezi mu nga ta nzi kuma; ni laha nzi nga kona, nwina a mu zi koti kuta. Hos. 5:6; Xip. 13:33
35Hi laha vaJuda va ngaku ngalo xikari kabye: I taya kwihi, laha hi ta nga kala hi nga mu kumi ke? Xana i xuva kuya ka lava va hangalakileko xikari ka vaGreki, a ya gonzisa vaGreki ke? Isa. 11:12; Jak. 1:1; 1 Ped. 1:1
36I mhaka muni leyi a yi wulako yaku: Mu ta nzi lava, kanilezi mu nga ta nzi kuma; ni laha nzi nga kona, nwina a mu zi koti kuta.
37Hi siku go gumesa, legi gi nga siku ga hombe ga mubuzo, Jesu i lo yima, aba hungu, aku: Loku munhu azwa tora, a ate ka mina, a tanwa. Levi 23:36; Isa. 55:1; Kuv. 22:17
38Loyi a kholwako ka mina, hi lomo xifuveni kakwe ku ta khulunga a micongo ya mati ya wutomi, kota lezi yi wulako mitsalo. Deut. 18:15
39Kanilezi lexi i lo wula hi kota ya Moya lowu va ta nga wu amukela lava va kholwako ka yena; hakuva a Moya wu wa nga se nyikiwa, hilezi Jesu i wa nga se ku kuliswa. Isa. 44:3; Joeli 2:28; Xip. 12:16; Miti. 2:17
Kukanetana xikari ka vanhu.
40A vanwani va xidlemo laha na va zwile leti timhaka, vaku ngalo: Hizinene loyi Muprofeti. Deut. 18:15; Xip. 6:14
41Vanwani vaku: Loyi hi Kristu. Kanilezi vanwani vaku: Kokwihi! Xana Kristu a nga huma Galilea ke? Xip. 1:46
42Kasi mitsalo a yi wuli lezaku Kristu i ta huma lixakeni la Davida ke, hi le Betlehema, a mutini lowu Davida a nga hi ka wona ke? 1 Sam. 16:1; Tis. 132:11; Jer. 23:5; Mika 5:2; Mat. 2:5; Lu. 2:4
43Lezo ku lo vuka a kuhambana xikari ka xidlemo hi kota ya yena.
44A vanwani va wa ranza ku mu khoma, kanilezi ku wa nga hi kona munhu a nga mu henya.
45Hikwalaho a vanyakasani va lo wuya ka vapristi va hombe ni ka vaFarisi; vona vaku ngalo kabye: Hikuyini mu nga kala ku wuya naye ke?
46A vanyakasani va lo hlamula, vaku: Cima a ku wulawulangi munhu kota gaya. Mat. 7:29
47Zonake a vaFarisi va hlamula, vaku: Kasi na nwinawu mu hambukisilwe ke?
48Ku kona ni munwe wa tinghanakana kutani wa vaFarisi va kholwako ka yena ke? Xip. 12:42; Miti. 6:7
49Kanilezi a xidlemo lexi xi nga wu tiviko nayo, xi rukatelwe.
50Nikodemusi, loyi a ngaya ka Jesu ni wusiku, na hi munwe wa vona, aku kabye: Xip. 3:2
51Xana a nayo wa hina wa kona munhu na va nga rangangi hi ku mu hlola, ni ku tiva lezi a zi mahileko ke? Deut. 1:17; 17:8; 19:15
52Va lo hlamula, vaku kakwe: Na wena u wa le Galilea ke? Hlola u wona lezaku ngalo a ku humi muprofeti hi le Galilea. Isa. 9:1, 2; Mat. 4:15
53Zonake munwe ni munwani aya kaya kakwe.
Currently Selected:
Johani 7: TSC72
Highlight
Share
Copy
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
