Mitiro 17

A dzolonga lomu mutini wa Tesalonika.

1Ku te na va tsemakanyile Amfipoli ni le Apolonia, va lo chikela Tesalonika, laha gi nga wa hi kona a sinagoga ga vaJuda.

2Paule hi kutolovela kakwe, i lo enghena kabye a masabado manharu, a wulawulisana navo hi timhaka ta Mitsalo, Lu. 4:16; Xip. 9:20; 13:5

3a va tlhatlhambutela ni ku va kombisa aku zi wa lavekile lezaku Kristu a xaniseka, a tlhela a vuka hi ka vafileko; ni lezaku Jesu loyi nzi mu kanelako ka nwina, hi yena Kristu. Lu. 24:26, 46; Xip. 18:28

4A vanwani va vona va lo kholwa, va tolovetana na Paule na Silasi; xi lo maha lezo ni xidlemo xa hombe xa vaGreki va chavako Nungungulu, ni vavasati vanyingi va hombe.

5Kanilezi a vaJuda na va tatisilwe hi mona, va lo kombela a vanyamijiri a ku tsombanyisa a xidlemo, va vuxa dzolonga mutini; zonake va lo ranzela a yindlu ya Jasoni, va lava a vapostoli a ku va humesa ka vanhu. Rom. 16:21

6Laha va nga kala ku va kuma, va lo kokovisa Jasoni ni vamakabye vo kari, va va yisa mahlweni ka vafumeli va muti, va kanyuluka, vaku: Lava va vangileko gujeguje misaveni yontlhe va tile ni laha kambe. 1 Tih. 18:17; Xip. 16:20

7Jasoni loyi i va amukele ndlwini yakwe; kasi vona vontlhe va hambunyeta a milayo ya Kesari, vaku yi kona yinwani hosi, leyi yi nga Jesu. Ezra 4:12; Lu. 23:2; Joh. 19:12

8Lezo va lo vuxa a xidlemo ni tinduna ta muti leti ti ngazwa timhaka leto.

9Laha a nga zima seve Jasoni ni vanwani, va lo va tsika va famba.

A va le Berea va hlola Mitsalo.

10A vamakabye va lo fambisa Paule na Silasi hi xikavikavi ni wusiku le Berea; laha va nga chikele kona va lo enghena sinagogeni ga vaJuda.

11A vaJuda va kona va wa hi va nene ku hunza va le Tesalonika, laha ka kuva va amukela a mhaka hi timbilu ti longileko, va hlola Mitsalo a masiku wontihe, lezaku a timhaka leti ti nghaho ke. Isa. 34:16; Lu. 16:29; Joh. 5:39

12A vanyingi va vona va lo kholwa; ni vavasati va hombe va vaGreki, ni vavanuna vo tala.

13Kanilezi laha a vaJuda va le Tesalonika va nga zi zwile, lezaku a mhaka ya Nungungulu ya biwa hungu hi Paule ni le Berea, va loya kona, va ya Vuxa ni ku vindlukisa a zidlemo.

14Zonake a vamakabye va lo hatlisa va fambisa Paule a kala a chikela bimbini; kanilezi Silasi na Timote va lo nonohisa va tshama laho. Mat. 10:23

15Lava va nga heleketa Paule va lo mu chiketa le Atensi; va tlhela na va leletelwe lezaku Silasi na Timote a vate kakwe hi kuhatlisa. Xip. 18:5

Paule a gonzisa te Atensi.

16Paule na a ha va rinzela le Atensi, a moya wakwe wu lo zangariswa nzeni kakwe hi ku wona muti na wu tele hi zifananiso za vanungungulu. Tis. 119:158; 2 Ped. 2:8

17Lezo i lo wulawulisana sinagogeni ni vaJuda hi lava va chavako Nungungulu; ni masiku wontihe i lo maha lezo le hubyeni ni lava a nga tlhangana navo kona.

18Ni titlhari to kari ta gonzo ya vaEpikure ni ya vaStoike ti kanetisana naye. Vanwani vaku ngalo: I lava ku wula yini a mubyabyatsi loyi ke? A vanwani vaku: I khwatsi mukaneli wa vanungungulu va le matikweni. Va lo wula lezo hilezi a nga kanela hi Jesu ni kuvuka ka vafileko.

19Va lo mu khoma, va mu yisa Areopagu, vaku: Xana zi nga koteka a kuva u hi tivisa hi gonzo leyi yiswa, leyi u yi kanelako ke?

20Hakuva u wulawula a timhaka ti hlamalisako tindleveni ta hina; hikwalaho ha xuva ku tiva lezaku ti wula yini.

21Hakuva vontlhe va le Atensi, ni vamatiko va nga wa luvele kona, va wa nga mahi nchumu, sine ku hlawutela kutani ku ingisa a timhaka tiswa.

22Lezo Paule i lo yima xikari ka Areopagu, aku ngalo: Nwina madota ya le Atensi, hi matlhelo wontihe nzi wona lezaku mu khozela nguvu vanungungulu.

23Hakuva khwatsi hilezi nzi nga kari nzi hunza, nzi cuwuka lezi mu zi khozelako, nzi lo kuma ni alati gi nga hi ni mutsalo, waku: Ga Nungungulu loyi a nga tibyiwiko. Makunu a Nungungulu loyi mu mu khozelako hi ku nga mu tivi, hi yena loyi nzi mu byelako ha yena. Efe. 2:12; 2 Tes. 2:4

24Nungungulu loyi a nga maha misava ni zontlhe zi nga ka yona, yena loyi a nga Hosi ya tilo ni misava, a nga tshami titempeleni leti ti akilweko hi mandla. Xip. 7:48; 14:15; Mat. 11:25

25Tlhatakumbiri a nga tirelwi hi mandla ya vanhu, a ku khwatsi o vumala nchumu; kasi hi yena a va nyikako wutomi vontlhe, ni kuhefemula, ni zilo Zontlhe.

26I lo maha tixaka tontlhe ta vanhu ti huma ka nyapanze munwe, a kuva ti aka misaveni yontlhe; na a tiyisile a zikhati za tona zi yimisilweko, ni mimbhingano ya kuaka ka tona;

27lezaku ti fela ku lava Nungungulu, kutani ti nga hulumetela ti mu kuma, hambu lezi a nga hiku kule ka munwe ni munwani wa hina. Rom. 1:20; Xip. 14:17

28Hakuva ka yena ha hanya, ha fambafamba, hi hi ni kuvakona ka hina; kota lezi va wulileko a vanwani va vasimi va nwina va tisimu, vaku: Hinawu kambe hi pswalo wakwe. Kol. 1:17; Maheb. 1:3; Tit. 1:12

29Lezi hi nga pswalo wa Nungungulu, ngha hi nga alakanyi lezaku a wuNungungulu gi fanana ni nzalama, ni siliva, kutani ribye, zi nga zilo zi vatlilweko hi wumeseri ni kutlhariha ka vanhu.

30Nungungulu i lo hunisela zikhati za kungativi; kanilezi makunu wa laya vanhu vontlhe, a matshanwini wontihe, lezaku va hunzuluka.

31Hakuva i vekile a siku legi a ta nga lamula ha gona tiko hi kululama hi munhu loyi a mu yimisileko; hi ka kona i nyikile a xitsumbiso ka vanhu vontlhe, hilezi a nga mu vuxa hi ka vafileko. Xip. 2:24; 10:42; Rom. 2:16

32Kanilezi laha va ngazwa hi kuvuka hi ka vafileko, vanwani va lo mu tseketsela; kanilezi vanwani vaku ngalo: Hi ta tlhela hi kuzwa kambe hi mahungu laya.

33Zinghaho Paule i lo huma kabye.

34Kanilezi a vanhu vo kari va lo namarela ka yena, va kholwa; xikari ka vona ku wa hi na Dionisi a muAreopagu, ni wasati a vito gakwe a nga hi Damari, ni vanwani va nga wa hi navo.

Currently Selected:

Mitiro 17: TSC72

Highlight

Copy