Johane 11

Gufa ga Lazaro

1 # Wona gambe: Luk 10:38-39. A di gu dwala mwama moyo nya gupwani khu Lazaro, givelegwa gya Bhetaniya, litigo la Mariya ni ndriyaye Marta. 2#Wona gambe: Joh 12:3. Khuye Mariya yoyu, a nga todza mafura Pfhumu ni gu mu bavbula migondro khu ndzudzu waye; ndriyaye Lazaro a di gu dwala. 3Vandriyaye va di rumela mwango ga Jesu, khavo: “Pfhumu, wule u mu golago, a ngu dwala.”

4Jesu na pwide, mahungu yaya, a di khuye: “Wudwali wowo khandri wa gu songa, khwa gu dhumisa Nungungulu, gasi Mwamana wa Nungungulu afela gu dhumiswa khuwo.”

5Jesu a di gu gola Marta, ni ndriyaye Mariya, ni Lazaro. 6Na hakhide mwango yoyo, a di khala gambe matshigu mavili avbo a nga bani a romo. 7Khavbo avbo, a di embela vapizane vaye, khuye: “Hongoleni hi bwelele gambe Judheya.” 8Vapizane va di khavo: “Muhevbudzi, nugunugu Vajudha va nga vbweta gu gu pfara khu siwindri, u nga gu vbweta gu bwelela gambe iyo, gani?”

9Jesu a di va hakha, khuye: “Gasi litshigu li mwalo likhumi na dzimbili dziora, gani? Uye a gimbilago mihani kha tshunganeli, kholu a ngu wona safa nya litigo. 10Aholu, uye a gimbilago wutshigu, a na tshunganela, kholu mwalo wenengedzo.” 11Khavbo avbo, a di khuye: “Pari yathu Lazaro a ngu lala; aholu nyi naya mu wusa.”

12Vapizane va di khavo: “Pfhumu, a gu bani na lade gu yeyedza gupwani a na hawuluga.”

13Jesu a di ganela esi na gu thula gufa ga Lazaro, gasi avo va di khavo mwendro a gu thula gulala ligovbe. 14Jesu a di va pwadzela gwadi khuye: “Lazaro fude. 15Nyi ngu tsaka kholu nyi nga bani nyiri mwalo iyoyo, kholu kharati khavbo gu gu gwadi ga enu, gasi mu khodwe; ambari ulo hongoleni hiya mu wona.” 16Tomasi, a ranwago pwani Mavbaha, a di embela vangana vaye, khuye: “Hongoleni nethu, gasi hi na yafa ni muhevbudzi.”

Jesu a ngu thembisa guwuga

17Jesu na vbohide, a di embedwa gupwani ma vbindride matshigu mana na dzingidwe. 18Bhetaniya gu diri vbafuvbi ni Jerusalema, pfhuka nya kilometro mbili ni gipandre. 19Vajudha nya vangi va di hongode ga Marta ni Mariya, gasi guya va bangaladza khu gufa ga ndriyawe.

20Marta, na pwide nya gupwani a ngu vboha Jesu, a di mu khinga; gasi Mariya a di tshala nyumbani. 21Marta a di embela Jesu, khuye: “Pfhumu, nari pwani u diromo avba, ndriyangu gima na safa! 22Aholu, nyi ngu dziti gambe nya gukheni satshavbo esi u si lombago ga Nungungulu, uye, ngu gu ninga.”

23Jesu a di khuye: “Ndriyago a na wuga.” 24Marta a di mu hakha, khuye: “Nyi ngu dziti nya gukheni a na wuga khu litshigu nya guhegise, litshigu va na wugago va nya gufa.” 25Jesu a di engedza gambe, khuye: “Eni kheni guwuga, kheni guvbanya. Uye a khodwago gwangu, ambari na fude, a na vbanya 26ni wevbi a vbanyago na gu khodwa gwangu gima kha nafa. U ngu khodwa khesi, gani?”

27Marta a di hakha, khuye: “Ina, Pfhumu! Nyi ngu khodwa gukheni uwe khuwe Kristo, Mwamana wa Nungungulu, wule a nga pwani a nata mafuni.”

28Na ganede esi, a diya rana ndriyaye Mariya khu phuvbo, a mu embela, khuye: “Vbohide, Muhevbudzi, a ngu gu rana.” 29Na pwide esi, a di dzegela gu khuga a mu yela. 30Jesu a di si gu beli ndrangani, a di nga emide avbo a nga khingedwa avbo khu Marta. 31Vajudha va nga bani vari naye nyumbani va mu bangaladza, na va wonide Mariya na gu khuga khu guvbiredza, va di mu landra na va gu pimisa gukhavo a gu hongola thowotunu aya lila iyo.

32Na vbohide avbo a nga bani a romo Jesu, Mariya a di thega migondroni gwaye, khuye: “Pfhumu, nari pwani u diromo avba, ndriyangu gima na safa!”

Jesu a ngu wusa Lazaro

33Na gu wona Mariya na gulila, gumogo ni Vajudha a nga bani a guta navo, Jesu a dipwa gisiro nya gikhongolo ni gugaradzega monyoni, 34a gu va wudzisa, khuye: “Mu mu dzingide hayi?” Va di hakha, khavo: “Pfhumu, delu uta gu wona.” 35Khavbo avbo, Jesu a di lila. 36Vajudha va di khayo: “Nga wonani idzo a nga bani a gu gola khidzo Lazaro!” 37Gasi vambe va di khavo: “Uye a nga tula maho gikhumu, ina kha dzi kodza gukhuye Lazaro a sifi, gani?”

38Jesu na hidzimede vbathowotunu, a nga bani ari phago na yi segidwe khu giwindri, a dipwa gambe gisiro. 39Jesu a di khuye: “Dusani giwindri.” Aholu, Marta, ndruye wa mufi, a di hakha, khuye: “Ahihi, Pfhumu; gu ngu nunga, kholu matshigu mana na fude.”

40Jesu a di khuye: “Kha nya gu embela nya gukheni wa gu khodwa u na wona gidhumo gya Nungungulu, gani?” 41Khavbo avbo, va di dusa giwindri. Jesu, na khuside maho a khedza Ndzadzini, a di khuye: “Baba, nyi ngu gu bonga kholu u nga nyi yingisago. 42Nyi ngu dziti gukheni u ngu nyi yingisa gikhati gyatshavbo, aholu nyi di ganela esi khu kotani nya vathu va nyi randredego, gasi vatshavbo vakhodwe gukhavo khuwe u nyi rumedego.” 43Na ganede esi, a di khusedza lito, a gu rana, khuye: “Lazaro, duga vbavbandze.” 44Mufi a di duga na hungidwe mawogo ni mawundru khu mikeka nya sidzingelo; khovbe yi na fenengedzidwe khu lesu. Jesu a di va embela, khuye: “Mu tshuleni, mu mu diga a hongola.”

Gikungo gya Vajudha

(Matewu 26:1-5; Marko 14:1-2; Luka 22:1-2)

45Khavbo avbo, Vajudha nya vangi va nga bani va dzude ga Mariya, na va wonide iso a nga girago Jesu, va di khodwa gwaye. 46Aholu, vambe va diya ga Vafarisi, gasi guya va embeledzela iso a nga gira Jesu. 47Vakhongolo nya Vaphasi nya mhamba ni Vafarisi va di tshangana va gu hunga gikungo, khavo: “Hi na gira ginani? Muthu yoyu a ngu gira siliwugiso nya singi. 48Ha gu mu diga kharati, vatshavbo va na khodwa gwaye. Khavbo avbo, Varoma va nata khungumula Nyumba ya Nungungulu, ni litigo lathu.”

49Khayifasi, a nga bani ari muthangeli nya vaphasi nya mhamba mwaga yoyo, a di va embela, khuye: “Enu kamwe kha muti gilo. 50Dzitini nya gukhenu i tshukwana gufa muthu moyo, afela vathu vatshavbo, guvbindra gumbemba litigo rumba!” 51Uye kha ganela esi khu gu si khugela, aholu, kha nga a nga bani ari muthangeli nya vaphasi nya mhamba mwaga wule, a di profeta khuye Jesu a di gu yela gufa, afela litigo. 52Nasiri gufela litigo nya Vajudha basi, aholu gufela gambe gutshanganisa sanana sa Nungungulu si phalalegidego.

53Gukhugela litshigu lolo, va di hunga gikungo nya gusonge Jesu. 54Khu kharato, Jesu a di si gimbili gambe vbakari nya Vajudha, aholu a di khuga a gu hongola Efrayimi, litigo li nga bani li romo vbafuvbi ni giwula, aya khala iyo gumogo ni vapizane vaye.

55Yi diri vbafuvbi Phasika nya Vajudha. Nya vangi va di gwela Jerusalema, gasi guya dzi agisa na yi si gu vbohi Phasika. 56Na varomo Nyumbani ya Nungungulu va di vbweta Jesu, na va wudzisana, khavo: “Nga yi balani, ina kamwe kha nata nuye vbabuzotunu, gani?” 57Vakhongolo nya vaphasi nya mhamba ni Vafarisi va di vegide nayo nya gukhavo uye a gutigo avbo a guromo a na tivise, gasi aya modwa.

Currently Selected:

Johane 11: BGE2014

Highlight

Copy