Genesi 16

Agari ni guvelegwa gwa Ismayeli

1Sarayi, mwangadzi wa Abrama a nga bani ari mwalo gyanana, a diri ni githumi nya nyamayi nya Mugipiti, nya gupwani khu Agari. 2Sarayi a di embela Abrama, khuye: “Kha nga olu Pfhumu Nungungulu a ngamba nyi ninga guvelega, nyi ngu gu lomba u dzega githumi gyangu nya nyamayi. Mwendro a gu dzina saye khavbo gwaye, nyi na mana sanana.” Abrama a di dzumela mawonelo ya Sarayi. 3Khavbo avbo, Sarayi, ngadza Abrama a di dzega Agari, githumi gyaye nya Mugipiti a gi ningela ga mwama waye Abrama gasi gi khala mwangadzi waye. Esi si giregide hwane nya gu Abrama na vbanyide gipimo nya likhumi myaga tigoni gwa Khanani. 4Uye a di tshangana ni Agari, oyu a di khura mimba. Avbo a nga dzipwago gukhuye a na ni mimba, a di phela gunyenya Sarayi, mune waye. 5Sarayi a di embela Abrama, khuye: “Dzitshoni nyi thedwago khu kotani yago dzi na thegela uwe. Eni nyi gu ningide githumi gyangu gu khala mwangadzi wago, olu gi dzipwago na giri ni mimba gya gu nyi nyenya. Pfhumu Nungungulu a na hi lamule ethu ha vavili, uwe ni eni!”

6Abrama a di mu hakha, khuye: “Githumi gyago gyomo mandzani gwago; gira gugola gwago khu igyo.” Khavbo avbo, Sarayi a di gi tshanisa a gu gi tshonegisa. Agari a di khuga a gu thavela hwindzo.

7Ngilozi ya Pfhumu Nungungulu yi di ya mu mana giwulani, vbafuvbi ni gifefe nya mati ndzilani nya guye Suri. 8Ngilozi ya Pfhumu Nungungulu yi di embela Agari, khiyo: “Agari, githumi gya Sarayi, wa guta khu evbi? Wa gu hongola hayi?” Uye a di hakha, khuye: “Nya gu thava mune wangu Sarayi.”

9Ngilozi ya Pfhumu Nungungulu yi di mu embela, khiyo: “Bwelela ga mune wago, u ya dzi thesa vbavbatshi mbeli gwaye.” 10Ngilozi yi di engedza gambe, khiyo: “Nyi na andrisa melego wago, situgulwana sago si na tala ngudzu nyambana muthu nya gu dzi kodze gu si saya.”

11Ngilozi ya Pfhumu Nungungulu yi di mu embela gambe, khiyo:

“U na ni mimba

u na velega gyanana nya gikhwathana

u na gi riyago lina nya gupwani Ismayeli,

kholu Pfhumu Nungungulu pwide lito

nya gutshaniseke gwago.

12Gyanana gegi gi na khala kha nga giburwana nya kanu,

gi na wugela vathu vatshavbo;

gambe, gi na wugedwa nigyo khu vatshavbo,

gi na vbaha tshatsha waye mbeli

ga vandriyaye vatshavbo.”

13Agari a di rana Pfhumu Nungungulu a nga ganelago naye khu lina nya gukhuye “Nungungulu khuwe U nyi wonago”#16:13 gupwani Atá-El Royi., kholu a di khuye: “Kha nya mu wona neni wule a nyi wonago, gani?” 14Khu magirelo yoyo, nambo wule wu khalago ndzilani nya gukhuge khu Kadesi u hongola Bheredi, wa gu ranwa pwani nambo wa Lahayi-Roi.#16:14 Khu gupwani “Nambo wa Oyu a vbanyago, a nyi wonago.”

15 # Wona gambe: Gal 4:22. Agari a di hefemula gyanana gya Abrama. Abrama a di riya gyanana gya Agari khuye khigyo Ismayeli. 16Abrama a diri ni livbandre na mararu magumi ni livbandre na moyo (86) myaga gikhati Agari a velegidego Ismayeli.

Currently Selected:

Genesi 16: BGE2014

Highlight

Copy